بربوگ (حيالة),⛱️♐️🚭

7️⃣

ً
ً
ً ..تعودت على سوالفهم و شقاهم و ضحكهم
...صارو مثل الأهل بالنسبة الي..ما فد يوم حسسوني انو اني غريبه بينهم أو يتيمه و ما عندي احد.
...بالعكس فرحوني و نسوني حته انو اني يتيمه بس لحد الان امي و ابوي و اخوي فهودي بگلبي و بعقلي و ما يطلعون منه ابد...
....اللة يرحمهم.....كل ما اتذكر حجاية بابا من كال نرجع من السفر و اخذج و نرجع للبيت بس الموت بعدهم عني و اني بعدني مشايفة شي من الدنيا و ما بيها...شضامتلي بعد الدنيا....
.اووووف اووف شسوووي يااا ربي يتمتني و ما عرفت دربي و وين اروح...ويييين ارووووح...عمااااامي لوووو خااااالتي؟!!!!
(هذا الحجي جان بيوم السبت و بقه على جية عمامها 4 ايام يعني الأربعاء يجون)
قطع تفكيري دخول هدى للغرفة..................

هدى..احم احم

رسل..يمممه خلستيييني شبيج

هدى..يمه يمه يمه خلسناها شسوينالج عمه...و بعدين تعااااي وين جان هذا (اتأشر على راسها) بيمن اتفكرين....و ليش صافنه من حمحمت يله كمزتي...

رسل..ماكو شيء
هدى..ممم ماكو شيء..انجبي و احجي.

رسل..حاااايره هددددى حااايرة..

هدى..بيمن حايرة؟!! شكو شبيج

رسل..مااااا اعرف ما اعرف...

هدى..انت بيج شي اليوم....لحضه لحضه خاااف على عمامج ...اتفكرين بجيتهم مو ؟!!!

رسل..أشرتلها راسي ب أي

هدى..شبيج حبيبتي على شنو ...لتخافين كلنه يمج و ان شاء اللة رعد و ابراهيم و علي ميقصرون...

رسل..بگلبي..هووووه هذاا سبب اللي اني بي..(تقصد ابراهيم)

.....اي ان شاء اللة.....سمعنه صوت خالتي من جوه...

ام ابراهيم..يمممه يله تعالو اتغدو...

هدى..ايييي اييي......يله رسوله..
رسل..نزلنه اني و هدى و سناء و علي......و احنه كاعدين نتغده..............

علي..رسل شبيج شو مو على بعضج اليوم...؟!!

رسل..هااا...لاا ماكو شيء

علي..ممممم..ذب الخاشوكة و حچه.... و الكعبة ماكو طلعه من هذا البيت و اشوف ياهو ابن ابيه اللي يطلعج من هذا البيت(عرفها اتفكر بسالفة عمامها ف حاجاهه هيج)

رسل..ماا اعرف ما اعرف....يجوز صدك توصل وياهم دگة عشاير و محاكم و اني ما بيه حيل و بعدني صغيرة على هذا الحجي....

علي..خايبه و حگ سيد الشهداء اسويها دمايه وياهم شنو تايهتلكم البنت و تاخذونه شوكت ما تردون ماا وراها كوا.......يد.. شني

ام ابراهيم..يبووووو...
يمه فدوه اروحلك لا تحرك بدمك...يجون اخوانك و اتفاهمو ميصير هيج...اتغدة يمه و انعل الشيطان.....

..كلنه سكتنه و كملنه غدانه بهدوء...
رسل..كالعاده من نخلص اني و هدى نغسل الاماعين ....مرات اني اغسل و مرات هيه و قليل شغل على سناء لان بشهرها الخامس......اي صحيح اني صارلي شهرين ابيت خالتي و لا حاسه ابد...
صارت الساعة ب4 و رعد و ابراهيم اجو عادتهم يتغدون و يكملون كلشي ...المهم و اني كاعده بالغرفه سمعت صياح ابراهيم من جوه يحجي هوه و العايله....شويه و سمعت صوته و هو يصيحني.................