ً
ً ابراهيم..هااا جاي تتحرشين لا اتخليني اعيد السويته قبل ساعة😂
رسل..لا لا و اللة..روح حبيبي اللة وياك...
ابراهيم..لج بعدني حتى ماا امشط...
رسل..نسيت😂...يله اني داخله اسبح..
ابراهيم..روحي
رسل..جاي اسبح بالحمام وره دقايق حچه من وره الباب......
ابراهيم..اني رايح يعمري محتاجه شيء..
رسل..اللة وياك حبيبي سلامتك اريد..
ابراهيم..اذا تردين سلامتي افتحي الباب خلي ادخل😂
رسل..يااااااااا...امشي امشي
ابراهيم..ههههه فدوه لليخجل اني...يله في امان اللة
رسل..اللة وياك حبيبي...
...كملت بدلت و نزلت جوه بالصالة......
رسل..هلوو ماما...
ام ابراهيم..لازمه ملاك بأيدها...هلا بيج يمه..تعاي اكعدي...
رسل..لعد هدى وين ماا رجعت..
سناء..بعد وكت هسه تجي...
رسل..گمنه انسولف و بنات سناء بالگاع يلعبن.....دقايق اندگت الباب رحت فتحته اجت هدى..
هدى..يمه برد برد.....السلام عليكم هلا و مرحبا....
رسل..ضحكت عليها......هلا بيج ام عطوب
هدى..و علي ميته من الجوع لحد يحجي وياي...
رسل..اي د روحي اتزقنبي منو امحاچيج..😂
هدى..مو صوچج غير انتِ مرة اخوي لازم اتسويلي اكل
رسل..اشتغل عندج اني😂دوخري لا اهفج بالطابوگه هاي
هدى..رايحه رايحه😂
رسل..وره ساعات تقريباً من السوالف و الضحك و احنه بالصالة ماا نسمع اله صوت زلم دخلو للأستقبال و ابراهيم يرحب بيهم.........................
٪٪٪٪٪٪٪٪٪٪٪٪٪٪٪٪٪٪٪٪٪٪٪٪
رسل..وره ساعات من الضحك و السوالف و احنه بالصالة ماا نسمع اله صوت زلم دخلو للأستقبال و ابراهيم يرحب بيهم..........يمكن اجوي ؟!!
سناء..اي هُمه
ام ابراهيم..گومن يمه حاضرن الكيك و العصير لا يجي ابراهيم يصيح علينه...
رسل و سناء..صار
هدى..اني رايحه اناملي شويه و علي جايه تعبانه من الدوام...
YOU ARE READING
بربوگ (حيالة),⛱️♐️🚭
ChickLit((البربوك هو كعب البستوگة وهو مصنوع من الفخار بالرغم من كونة من الفخار الطين الا انة لا يغرق عند رميه بالماء وهو مثل على الشخص واسع الحيلة))) قصة تتحدث عن بنت تيتمت بعمر المراهقة.....راح تتعرض للغصب عالزواج من شخص يحبها ..و راح تضطر للزواج من عنده...
