ً
ً ام ابراهيم..لا يمة و علي چنّي امفارگتهاا سنين مو يوم واحد..شلونج ياا بعد امج
هدى..يروحي انتِ ماما..صرت زينة من شفتج هسه و اللة
رسل..طبعاً لاحضت البنات و عمتي ام عادل ماا موجودات اكيد رجعن لأهلهن..ضجت شوية بس رجعت طبيعية..گضيناها سوالف و ضحك بالصالة و احنه متجمعين..اليوم آخر يوم لهدى بالبيت بس ترجع لبغداد وره شهرين من جيتها من أربيل..يعني ماا تبقى هناك هواي..ف اليوم اتبات يمنه هي و زوجهاا و باجر ان شاء يطلعون من وكت....طبعاً سألت خالتي شوكت راحت عمتي و البنات ؟!!...
گالت اجوو عمامهم بعد ربع ساعة من رحتوو للفندق اخذوهم و راحوو..
الوُلد كالعادة اليوم راحوو للشغل محد بقى بالبيت بس احنة..گمنه سوينه غداء...صبينة و تغدينة و بعدهاا غسلنة المواعين و نضفنه المطبخ..كملنه كل شيء و صارت الساعة ب2 الضهر..گعدنه يم خالتي بالصالة انسولف...اني گاعدة عالقنفة و امخلية بنت سناء ملك بحضني و العب وياها..و ملاك بحضن امها...يحچن و يسولفن و لسانهن شطولة بس حرف واحد ماا تفتهم من عدهن😂بس رعد و سناء يفهموهن....
گعدنه على سوالف خالتي و احنه نسمع منهاا...................
ابراهيم..بصياح من بعيد..وووولكم علييي زياااااد واحد من يمكم يشوف هذا الولد يساعدة ماا يعرف...
علي..اي يمعود اي..
طبعاً اليوم ماا رحت للعيادة و اخذت اجازة لأن شوية تعبان و مالي خلك حتى المراجعين مالي خلگهم...
گلت خلي اجي يم الجماعة اتونس وياهم بالقاعة و اغير جوو شوية..من البارحة و لهسه و اني افكر بحبيبتي و عمري سارة ماا اتروح من بالي دقيقة وحدة..صارلنه يمكن 3 سنين سوة و لحد الأن اني على نفس گعدتي لا رحت خطبتها و لا وفيت بوعدي...شوكت نبقى هيج بالسر حبنا..بس رسل تدري بيه...شوكت نبقى واحد يشتاگ للثاني من يبعد عنة ثانية وحدة لو يوم واحد چنه سنة بالنسبة اله..كلت بعد خلص لازم اخلي نهاية لهذا الحب و السر اللي ضامينة..كملت تمرين و خلصت كل شيء گلت لازم افتح موضوع الزواج وي ابراهيم شفته گاعد عالكرسي و يباوع من الجام عالشارع و تلفونه بأيدة....رحتلة
علي..هااا اللة يساعدك
ابراهيم..و يساعدك..صدك ليش ماخذ اجازة اليوم ؟!!
ابراهيم..و اللة ياا خوية تعبان كلش و مالي خلك
ابراهيم..خيرك شبيك ؟!!
علي..ماا بية شيء
ابراهيم..علي ترا الواحد امبين شبيه من نبرة صوتة و شكله...احجي شكو شبيك ؟!!
علي..و اللة ياا ابراهيم اجيبلكياها من الأخير بلا لف و دوران
ابراهيم..رفع حاجبة بتساؤل..اي
YOU ARE READING
بربوگ (حيالة),⛱️♐️🚭
ChickLit((البربوك هو كعب البستوگة وهو مصنوع من الفخار بالرغم من كونة من الفخار الطين الا انة لا يغرق عند رميه بالماء وهو مثل على الشخص واسع الحيلة))) قصة تتحدث عن بنت تيتمت بعمر المراهقة.....راح تتعرض للغصب عالزواج من شخص يحبها ..و راح تضطر للزواج من عنده...
