أصفاد المجتمع سبب إنكساري ( ࢪبــاب)

الجزء 13

#أصفاد_المجتمع_سبب_إنكساري (ࢪبـــاب)
#ميار_إنصاف
#الجزء_الثالث_عشر

لحقنا لدار لقينا باب الدار مفتوح والناس لداخل رجالة برا دخلت لداخل جاو نساء يعزيو فيا وانا غير ساكتة بعدت عليهم وطلعت لداري يايمااااا وش حسيتها باردة مافيهاش روح نحيت خيماري وبقيت نمشي وكل بلاصة نتخايلو فيها هنا وين كان يضحك هنا وين كان محضني ويسكت فيا كي نبكي على الاولاد سباطو كي دخل لدار ونحاه مزال في بلاصتو فت للكوزينة الكرسي وين كان يقعد فارغ بصح نشوف فخيالو ثم كيفاه ياكل كيفاه يشرب كي يشوف معايا ويغمزلي هدرتو في وذني تتعاود كي يقولي ادنيتي وش تسوا دنيا بلا بيك اعمري وين رحت وخليتني ويين زدت فت لشومبرة باردةةةةة رحت تكسلت في بلاصتو حضنت مخدتو نشم في ريحتو ونبكي كيفاه راح نعيش بلا بيك تفكرت هدرتو نهار عرفت بلي اون سانت كيفاه كان يهدر تقول كان حاس بلي راح يموت ياريت حبس الوقت ثم اه ياريت اه هذي هي حياتك ارباب هذا هو مكتوبك درتي درتي ورجعتي بقيتي وحدك لا ام لا اب حتى من راجلك ومات وخلاك مابقالك حتى واحد درتي درتي ورجعتي لضلامك نورك طفا، الليلة هذيك مارقدتش كي ناس نغمض عينيا ونتخطف نقول دوك يجي رضا ونايلقاس العشاء ومبعد جيني لحظة ادراك بلي مراحش يزيد يجي مراحش نشوفو جازت اسوء وأطول لليلة فحياتي سمعت الباب يطبطب نضت بشوي دوخة تدي وتجيب فيا، فتحت الباب لقيتها عجوزتي كي شفتها وليت نبكي حضنتها ونقولها ايما بقيت وحدي راح وخلاني، ادعيلو بالرحمة أبنتي دموعك يحرقوه كون جا عايش مايحبش يشوف دموعك امسحي دموعك وهيا اهبطي لتحت ماتبقايش وحدك وكولي كشما حاجة ماتنسايش وليدك لازم تقوي روحك على جالو، هي تسكت فيا وهي حالتها اسوء من حالتي بين ليلة وضحاها ماتولها وليداتها لزوج هذاك ماتسعى الحرة فصرة، حسبي الله ونعم الوكيل فلي كان سباب هبطت لتحت بعد مادرت خيمار فوق راسي لقيت يما جات هي ونساء خاوتي فت عليها كأني منعرفهاش رحت قعدت في بلاصة ونساء يواسيو فيا بصح مايحس بال مرة غير لي كواتو ناس داخلين خارجين بصح حاسة روحي وحدي فاتت ساعة زوج ثلاثة ولات 12 جابوه مكفن ومحطوط في صدنوق الموتى غير لبارح هذا الوقت كان يمشي على رجليه اليوم بح مكانش قعدت قدامو انا وعجوزتي هي من جيهة وانا من جيهة هي وسط صنادق ولادها لزوج وانا قدام صندوق لي محطوط فيه لعبد لي كان غانيني على ناس ودنيا بلي فيها بقيت نبوس في جبهتو وحابسة دموعي لحق الوقت لي لازم يخرجوهم فيه جاو خرجو إلياس عجوزتي تغاشات وانا عينيا غير على رضا يعني صح هذي اخر مرة راح نشوفو فيها هوما مخرجينو وانا نبكي ونعيط وين مديينو خليوه معايا غير نساء لي حاكميني كون خرجت ولحقتو راح الغالي ودا معاه كل حاجة زينة من نهار هذا تبدلت وليت انسانة اخرى غير جثة ضحكة مزادتش زارت وجهي والهموم بقاو تابعيني … يتبع