တနင်္ဂနွေနေ့မနက်ပိုင်းဟာလည်းစနေနေ့လိုပါပဲထုံးစံအတိုင်းလုပ်စရာရှိတာလုပ်ပြီး အိမ်ရှေ့မှာထိုင်နေတုန်း မျိုးကိုရောက်လာတယ်
''ဟေ့ရောင် သွားမယ်လေ''
''အေးအေး လာပြီ...မေမေရေ သွားပြီနော်''
''အေးအေး သား တံခါးသေချာပြန်ပိတ်သွားဦး''
''ဟုတ်''
ကျောပိုးအိတ်ကောက်လွယ်ပြီးထွက်သွားလိုက်တော့ကျူရှင်ရှေ့ရောက်တော့ မေပိုးနဲ့ဇေယျာနိုင်စကားပြောနေပြီး ရတီနိုင် သဇင်စိုးမိုး နဲ့ စွမ်းထက်အောင်တို့ကကျူရှင်ရှေ့အုတ်ခုံမှာထိုင်နေကြတယ်
''မင်းတို့ကစောလှချည်လား''
မျိုးကိုကလှမ်းပြောတာကို ရတီနိုင်ကပြန်ဖြေတယ်
''မစောပါဘူး ခုနကမှအကုန်ရှေ့ဆင့်နောက်ဆင့်ရောက်ကြတာ ဟိုနှစ်ကောင်တော့မရောက်သေးဘူး''
မင်းဇင်ခန့်နဲ့နိုင်လင်းကို ဆိုလိုခြင်းဖြစ်သည်
အဲ့အချိန်မှာပဲမေပိုးနဲ့ဇေယျာနိုင်ဘာဖြစ်ကြတယ်မသိ...မေပိုးကခြေဆောင့်ပြီးအထဲဝင်သွားပြီး ဇေယျာနိုင်ကအနောက်ကအပြေးလိုက်ဝင်သွားတယ် ဒီလိုဆိုဒီနှစ်ယောက်ရဲ့ပတ်သက်မှုကပုံမှန်အနေအထားမဟုတ်ဘူးဆိုတာတော့ရိပ်မိလိုက်တယ်''အဲ့နှစ်ကောင်ကတစ်မျိုး သူတို့ကဘာညာလေ သိလား''
မျိုးကိုကရဲထက်ကိုကပ်ပြောလိုက်တယ် သူပြောတဲ့ဘာညာဆိုတာ သမီးရည်းစားကိုပြောတာပါ
''အေး ထင်တော့ထင်တယ် အစက အီစီကလီလုပ်တုန်းပဲထင်တာ တွဲနေမှန်းတော့ခုနကအနေအထားရယ် အခုမင်းပြောမှသိတာ''
''အေးကျူရှင်မစခင်ထဲကတွဲနေတာထင်တယ် သူတို့ကကျောင်းအတူတူပဲလေ''
ကျူရှင်မှာလာတက်တဲ့ကျောင်းသားကျောင်းသူတွေအကုန်လုံးနီးပါးကကျောင်းနှစ်ကျောင်းကလာကြတာများတယ် ၉တန်းရော ၁၀တန်းရောမှာ တစ်ဝက်လောက်က ( )ကိုယ်ပိုင်ကျောင်းကဖြစ်ပြိီးတော့
ကျန်တစ်ဝက်လောက်က( )အစိုးရကျောင်းကလာကြတာ''အဲ့ဒါဆိုငါတို့ကကျောင်းနှစ်ကျောင်းဖိုက်နေကြတဲ့သဘောပေါ့''
YOU ARE READING
Past
Randomromanceကိုမှပုံစံတစ်မျိုးလေးရေးထားပါတယ် ဇာတ်အိမ်ခိုင်ခိုင်လေးရေးချင်တာကြောင့် တချို့နေရာတွေမှာအသေးစိတ်လေးတွေရေးထားတဲ့အတွက် အစပိုင်းတွေမှာငြိမ်ကောင်းငြိမ်နေနိုင်ပါတယ် ဒါပေမယ့်ဖတ်ရမပျင်းစေရပါဘူး ရသမျိုးစုံပေးနိုင်အောင်လည်းရေးဖို့လုပ်ထားပါတယ် romanceဆိ...