ومَق الدُليار .

الدُليار سَادس عشَر .

ظَلام انتَ بحَياتي وظُلمك هواي
وأضوگك مُر واگولن لا طعَم هيل
وأعرفَك خاين وأدريك بَذات
وتريد وياك اخلّصها بتواسيل
ولَك أعرفَك قَبلي عاشگ وأعرف الـ بيك
وضَميت الأسرار بوَحشة الليل
كُل هذا وبُقيت مصَبر الروح
حِلم وابقي على حيلچ قوّي الحيل
آنه الـ دلليتك وبوكت عوز
وتگلهم عليّة مشوفَك الويل
آنه أكفُر بالكَرامة الـ طخّت الراس
واكفر بالعشگ واهل المراسل .

________

ديانا :

- رُوحي تعبانه مِن السهر و التفكير و القلق
و التعب و المسؤلية ، ما يمر يَوم إذا ما دعيت بي الـ ايناس
ايناس مَو بس اُختي الچَبيرة ، لا هيَ اُمي الثانيه حَنينه حيل
و فقيره ما تستأهل الـ جاي يصير وياها

- بَس بـ التالي هٰذا كُلة اختبار مِن رّب العالمين
حتىٰ تتعوض ، فصَلت عِن العالم اسمع صوت اُمي
تصيح عليَّ شوي و حجيت بـ صوت مُرهق

ديانا : ها يُمة اسمعج

دُرية : ولج شلون هيه اُختج ما تتحمل ، شلون بينا منين أجتنا

- اخذت نفسَ و عيوني مغوركة بـ الدموع
و حجيت احاول أصبر اُمي بَس اني اريد مِن يصبرني

ديانا : يلا ماما الله كريم الله يَشافيها و تطلع النا بـ السلامه
مو مُهم الطفل المُهم ايناس

- سديته مِنها و بچيت مِن كُل گلبـي  مصدومة علىٰ جاي يصير ويانا
بقَيت علىٰ هٰذا الوضع تقريبًا ساعه
و بعدين كَمت لملمت نفسي و غسلت لان لازم أكون أني قوية
لان الأطفال ماعدهم غيري

- كمت صَبيت الهم غده و كعدتهم أوكل بيهم ، خلصوا
و شلت الصينيه خليتها على كاونتر و رحت غسلت الهم
و نومتهم بَس تعبوني ما يردون ينامون بـ الكوة يلا ناموا

- تسَحبت مِنهم بـ هدوء و سديت الـ باب وراي
و طلعت أغسل مواعين ، خلصت كُلشي و صار العصر عرفت راحت
ايناس للدكتورة الي علىٰ اساس تسقط الها الطفل

- شلت تليفوني و اتصلت علىٰ اُمي سلمت عليها و حجيت
ديانا : ها ماما وين انتُو

دُرية : راح ندخل للدكتورة

ديانا : تمام

- سديته مِنها و بقيت كاعدة علىٰ نار ، رحت طلعت الملابس
و غسلتهن حتىٰ الهي نفسَي ، و شريتهن سمعت تليفوني يدك
رحت ركضَ شفتها اُمي جاوبتها بـ لهفة

ديانا : هااا ماما بَشري شتفقتو ويَ الدكتوره

دُرية : ما قبلت تسقطه الها  الطفل تكول يصير عدها نزيف و ما نكدر خطر على حياتها اكثر