أحببت ذلك الأخرس

البارت 22

#أحببت _ذلك الأخرس
البارت: 22
بقلمي: يقين احمد

لا تنسون التصويت + التعليق بين الفقرات + المتابعه للحساب فضلاً وليس أمراً

Instagram: yaqeen_ahmed21
tiktok: yaqeen_ahmed21

اذكر ذيج
المواقف كلها والونسه
گوه اطلع كمت هسه
واحب الكعده لوحدي وهواي
وليكعد الوحده هواي ما ينسه
ترا الكدامكم خاسر هواي اشياء
واخر شي خسر نفسه
ــــــــــــــــــــــــــــــــــــــــــــــــــــــــ
رؤى.....
گال كلامه وهو نظره عليه وما شال عينه من
عندي يريد يشوف شنو ردة فعلي ع كلامه
بس بذاك الوقت چنت احس نفسي كتله من
البرود قالب ثلج ما حسيت بأي شي حتى اني استغربت نفسي ليش ما ضجت ليش عادي عندي
ولا كأنو هذا نفس الشخص اللي چنت ويا احس بسعادة الدنيا كلها نفس الشخص اللي چنت احبه ليش ولا كأن راح يروح لغيري بس رغم هالشي ما همني وهم كلهم يباوعون عليه ومنتظرين ابدي اي ردة فعل بس اللي سويته اني چان صدمه الهم والصدمه بينت بملامح وجوهم من تصرفي الغريب...

تقدمت عليه وبكل برود وابتسامة ع وجهي وگفت يم ماما واخذت الكرسي مالتها وباوعت لعلي
وباركت اله بكل هدوء

رؤى: الف مبروك الله يتمم الك على خير...
وهسه من رخصتك ماما تعبانه لازم ترتاح

اخذت ماما وطلعت تحت صدمتهم جميعا ما
چنت اعرف بذاك الوقت شنو چنت اسوي او
شنو اتصرف ما اعرف اذا اللي گلته چان بسبب
كلام الدكتوره لو چان نابع من گلبي وحب علي
برد بداخلي لو شنو ما اعرف

دخلت ماما للغرفه وساعدتهه تتمدد بفراشهه ونظراتهه عليه واحس بيهن نظرة شفقه بس اني بينت الهه انو الموضوع عادي ومو هامني وما اعرف اذا صدگ مو هامني لو اتظاهر بهالشي

طلعت من يمها بعد ما غطيتها وطفيت الاضويه واجيت اروح لغرفتي وهم لسه ع گعدتهم ويباوعون عليه بإستغراب عفتهم وما اهتميت الهم بس استوقفني صوته وهو يصيحني تا اوگف

التفتت عليه وظليت بمكاني وهو تقدم عليه وشرايين عينه حمر صاير وقابض ع ايده بقوه
واگفه ومنتظرته يحچي واعرف شنو يريد بس هو ظل يباوع عليه وصافن وعروگه ناطه وصافن بوجهي مثل اللي جاي يدور على شي وحاير

رؤى: مطوله صفنتك بوجهي

علي:شبيچ

رؤى:شنو شبيه انت مضيع شي بوجهي وما لگيته

علي: يعني عادي عندچ هيچ بهذه السهوله ولا كأنو حچيت شي وما ابديتي اي ردة فعل عادي اتزوج غيرچ واروح غيرچ ما ضجتي ولا سويتي اي شي

رؤى: ليش حتى اضوج هاي حياتك وانت حر بيها تتزوج متتزوج هالشي راجع الك منو اني تا ادخل واگلك لا تتزوج صح ابن خالتي بس هالشي ما
بيعني انو ادخل بحياتك الخاصه