أحببت ذلك الأخرس

البارت 23

#أحببت _ذلك الأخرس
البارت: 23
بقلمي: يقين احمد
لا تنسون التصويت + التعليق بين الفقرات + المتابعه للحساب فضلاً وليس أمراً

Instagram: yaqeen_ahmed21
tiktok: yaqeen_ahmed21

ترا تعافيت منهن لا يَضل بالك
مو آنه اليجلب بعد بذيالك
و لا آنه البعد يسهر يتاني تعود
خلني لوحدي اعيش و وحدك احلالك ،
ــــــــــــــــــــــــــــــــــــــــــــــــــــــــــــــ
رؤى....

من بعد هاي السنين اللي مرت كلها بحلوها ومرها
ما اجه ولا شافنه وحتى بوفاة بابا ما حضر وبحجة طيران ماكو وعنده شغل ولا اتصل او سأل عنه شنو متحاجين او حتى لو بالچذب ع كولة المثل حچاية التنگال بس هو ما كلف نفسه انو يسأل عنه ولو سؤال

احنى ممحتاجين سؤاله بس بالاخير نظل ولد اخو يعني مو غربه واللي صار النه ومرينه بي مو سهل بس هو الانسان اطباع وكلمن وطبعه هو من چان
بابا عايش ما يوم شفته اتصل عليه او سأل عن احواله هو بابا يلي يتصل انوب من مات اريده
يسأل..

دائماً من چنت اسأل بابا ليش هيچ عمو بعيد
عنه حتى ميتواصل ويانه وليش انت اللي بس
تتصل چان دائماً جوابه انو هذه صلة رحم وما
لازم انو نقطعها وچان يگول اية قرآنيه....

قوله تعالى:
«وَ اتَّقُوا اللَّهَ الَّذِي تَسائَلُونَ بِهِ وَ الْأَرْحامَ»...

طب عمو وعائلته ومن ظمنهن ابنه ضرغام..
تفاجأت من شفته يمه عزه هذا صاير شكبره
اخر مره شفته قبل ليرحون يمكن چان عمري
تسع او عشر سنين هو اكبر من عندي بكم سنه
بس هسه شكله غير چنت ما اطيقه من الصغر
اسمه چان يضربني او يگرص خدودي لان قبل
چن سمينه بشكل بحيث من ابتسم عيوني يختفن من خدودي وهو چان كل ما يشوفني يگرصني لو يعضني واني اروح لبابا ابچي واشكيله وهو يسكتني لذلك ضليت حاقده عليه

طبو واستقبلهم احمد ومبين الثگل بوجها دخلو
جوه وماما بالگوه تحچي اصلا تعبت بس ما تقبل تطب والله شنو عيب

رنا جابت الضيافه واني ذابته ع الصامت بس
اباوع بالوجوه حتى سلامي عليهم من بعيد وما تقربت لاي واحد او باوسته حتى عمي وهم انتبهو لبرودي اتجاهم بس ما علقو

كل شويه تجي عيني بعين ضرغام واشوف نظره عليه ومن يشوفني انتبهت يدور وجهه ما اهتميت وعفتهم وگمت شفت رنا تخزرني حتى اظل بس مو طايقه احد بيهم طبيت لغرفتي وسديت الباب

تمددت ع فراشي وضليت صافنه ع السگف واراجع
افكاري واحاول ارتب حياتي وروتيني وارجع اقوى
من قبل بس شلون واني اشوفه گبالي زين شلون اذا
ضعفت شنو راح يصير اذا حيلي انهد واني اشوفه يخلي الحلقه بإيدهه