بسم الله الرحمن الرحيم
نبدي على بأسم الباري الكريم
صدفة كلبة .
لا تنسون التصويت بين الفقرات
+ المتابعه + ارائكم تهمني .
دق باب قلبي
وسلبتني عيونه الكبيره برموشها الكثيفه
جعلتني انضر إليها وكانها أجمل عيون مرت على راحة قلبي سلبت مني كل شيء احببتها واحببتُه
جميل المنضر مريح للعين بهي الوجه كل الصفات ألحسنه فيه رافضه للحب لكن عاشقةًٌ له
فيه كل صفات الغرور ولكن
معي كأنه طفل مدلل يلاعب والدته
عيناه قصةً سلبت وجداني وارهقت قلبي.
المــاضـي "بنين"
رجعت من المدرسه كل عاده نفس الروتين شفت سيارة زوج اختي طگيت اصبع وصفكت من فرحتي بجية اختي دخلت للبيت رچيته رچ
بنين -: ياهلا هاي منو منورنا اليوم شلونج نوروسهَ
نورس :- هلا بيج حبيبتي
اناضر بين الوجوه كلها مكلوبه ما تتفسر قلقت ورحت يم امي عيونها مدمعه وتلمع
بنين -: يوم شكو شبيكم شصاير خوفتوني
ام بنين -: نورس
بنين -: شبيهاا
ام بنين -: راح تسافر
بنين -: اوييي عباليي مادري شكو هيه سفره كم يوم وترجع
بصوت يمليه الحزن
نورس -: نسافر التركيا نقدم لـ UN
بنين -: وشنو هذا بلا
نورس -: نقدم لجوء الغير بلد.
اشبه بثقل صار على صدري تعلمت
على وجودها متعلقه بيها بشكل كبير
بنين -: يعني ما اشوفكم بعد هيج تعوفينا؟
اباوع عليها دموعها تتناثر على خدودها
نورس -: اي
بنين -: لا عفيه لتروحون حبابين علاء ماتحجي شبيك يعني هاي هيه قررتو.؟
علاء -: مالنا عيشه هنا العراق مابي اي مستقبل واريد اضمن مستقبلي ومستقبل عائلتي
ام بنين -: ليش مابي مستقبل مو عايشين واحسن عيشه خير من الله بعد شكوو
علاء -: عمه هاي حياتنا واحنا اختارينا مستقبلنا وهسه عايشين بالمستقبل مانعرف شنو ضام النا العراق مو امان وماكو استقرار
واني حجزت التذاكر وجايين نودعكم لان طيارتنا باجر إنشالله ادعولنا احسن من هل نوح.
بنين
جان هذا اليوم كئيب رغم ايجابيتا بالنهار بس شعور محزن اختي الوحيده راح تسافر وتتركني وامي مقهوره بشكل عليها هل شعور ما اتمنى العدوي
ضلت نورس يمنا لليل واني بكل هذا الوقت حاضنتها اريد اشبع من حضنها اريد اشبع منها قبل لاتروح اريد اشمها حاضنتها مثل حضن البنيه لأمها
نورس -: بنوني احبچ
بنين
ابتعدت عن حضنها ودموعي تنهار على خدودي مثل زخ المطر
بنين -: واني اموت عليج نورس يعني هاي هيه صدك حـ تعوفينا ما فكرتي بيه ما رح تشتاقيلي.؟
نورس -: إنتِ معلكه ويه روحي شلون ما اشتاقلج إنتِ كلبي وإخيتي يلا كومي مسحي هل دموع كدامي سريع يلا كلبي ما راح اعوفج وراح اضل على تواصل دائم وياج وداعت عيونج الاحبهن.
بنين -: توصلون بالسلامة انشاء الله
نورس -: إنشالله كومي نلعب يلاا انهضي
بنين -: شنلعب؟
نورس -: نلعب بـ الألعاب النارية يلاا كومي سريع
بنين -: روحي عني نورس مالي خلك
نورس -: لعد اني عليمن اريد العب غير اريد اوخر الضوجه اريد اشوف ضحكتج الحلووه يلاا كومي مصختيها ترا
دارت ورادت تطلع وصرخت
بنين -: اوكفيييييي صبررر
ردت ناضرتلي وهيه مخروعه من صوتي
نورس -: وجعع وجعع هااا هاا ليش هل صوت العالي منو كلج طرشه اني
بنين -: خل نبدل نلبس ملابس مال بابا نؤيل
نورس -: احنا يمنا يسموه ماما نؤيل
بنين -: اهووو رح تضل تتفلسف براسي ست نورس
لبسنا ملتبس بابا نؤيل وكفنا اني وياها بالسطح نلعب بالألعاب بس عيني عليها وحاضنتها من خصرها اختي ماريد بعدها عني
بنين -: نورس
نورس -: عيونها ها حبيبتي
بنين -: عادي تعوفين حضن علاء اليوم وخليني إني انام بحضنج
نورس -: اممم خيار صعب
بنين -: بلاا لا تتمقلجين حتى لو ما تقبلين انام بحضنج ما يلا
نورس -: لج علاء واهله وعشيرته يرحولج فدوه بنيني يلا امشي انومج بحضني طز بعلاء
بنين
مشينا اني وياها دخلنا للغرفه نمت بحضنها وضلت تلعب بشعري بس بدون ماتحجي عبالها نمت رفعت راسي باوعت عليها لكيتي تبچي نزلت راسي لتحت قبل ما تشوفني وغمضت عيوني ويه غمضتها نزلت دمعتي بعد ما تكدر تغير شي حجزو وقررو هذا مستقبلهم
كعدنا ثاني يوم متحضرين وراح يررحون
نورس -: بنونه ديري بالج على نفسج وعلى ماما وبابا واهتمي بـ دراستج كلش راح اشتاقلج يعمري
بنين -: مو بعد وقت ليش ما تأجلوها شوي
نورس -: لو اكدر بعيوني بس
بنين -: كلش راح اشتاقلج
نورس -: بعد روحي انتِ يلا احنا نروح ديري بالج مثل ما كتلج
بنين -: طمنينا
نورس -: صار بعيوني.
طلعت نورس منا وامي اغمه عليها لان جانت كلش كلش مقهوره عليها اخذوها اخواني وبابا للمستشفى
ضغطها هبط وتمرضت بوقتها
سافرت بس مريت بيوم صعيب كلش وما ينطاق مجرد تقبلي بعدها عني بـ مدينه يضيق صدري شلون اذا غير دوله رجعت الدراستي رجعت ادرس اول شي بدون تركيز تفكيري وبالي متشتت ماعرف بعد اختي سوه بيه هيج او شي ثاني
______________________________________________
حَساب البطلة بنين ع الانستا : bano__sajad
CZYTASZ
صدفة كلبة .
Romansالحب سيبقى أحلى الأقدار فبرغم جميع حرائقهِ .. وبرغم جميع سوابقهِ وبرغم الحزن السَاكن فينا ليل نهار عَيناها سَبحان المعبود فمها مرسومٌ كالعنقود ضحكتها أنغامٌ وورود من حاول فك ضفائرها ستفتش عنها في كل مكان .
