صعدت الغرفتي دخلت للحمام اخذت شور ومشط وعطرت نفسي وسحبت نفس اخذت فراش ونزلت فرشت بغرفة ماما مددت واخذتني الصفنه شلون مر اليوم عليه وشلون رب العالمين طلعنا بالسلامه جان يوم متعب مليئ بالأكشن والرهبه والخوف شلون اكدر اتخطى ماعرف
اتصلت على صديقاتي صعدنا كلنا أتصال حچيت تفاصيل اليوم الي صار بيه وانصدمن من الي سمعنا مني فجأه واني احجي وياهن اجاني إشعار على السناب جانت رساله
دخلت عليها بس بعدني على الخط وياهن جان راد على الستوري الي ناشرته جان تبادل نشر كال
-: يلا نتبادل نشر؟.
طلعت من السناب واستمرينا نحجي اني والبنات لحد ما سديته منهن ورجعت للسناب دزيتله صوره علمود يرد النشر وهوه ايضا دزلي صور وردينا النشر البعض ونشرنا حسابات بعض سوالي فولو على الانستا وضل يتابع ستورياتي اول بأول
مرت الايام عاديه جدا نشرت صوره السيارة وكتبت عليها -: سيارة أحلامي
رد عليه ردت اجاوبه بس استحيت وتراجعت بالبدايه بعدين كلت لا ما بيها شي جان ما رد على ستوري السياره
-: سيارتي احلى من هاي.
رديت عليه بعفويه -: صُدك شنو نوعها حلو لو لا وشسمها
رد -: اتنفسي يمعوده
رديت -: اوكي بس شنو نوع سيارتك
اني من نوع الي احب السيارات واعشقهن
رد -: جارجر 2016
رديت -: اني احب السيارات بس حايره ششتري
رد -: تردين اني اشوفلج سياره؟
رديت -: احاا صدك ياريت هوه رايده هيچ سياره حلوه
رد -: تمام انطيني رقمج واني من اشوفلج سياره اردلج خبر انشاء الله
رديت -: إنشاء لله
مرت الايام بشكل ممل وعادي لزمت التليفون اتصفح بي جنت ناشره حاله على الواتساب شفت رقم راد عليه
-: شلونج؟
بقيت صافنه منو هذا الشخص لحد ما استرجعت ذاكرتي وعرفته هوه نفسه الشخص الي..
يتبع
#للحكايه_بقيه
"لم اموت بسبب السم بل اصابتني
عيناك وانتشر جمال سمها في ثنايا قلبي"
قصَيرة اعذرونيييّ ان شاء الله باجر اعوضكم ببارت كُلش طويل 💜.
حساب البطلة بنين ع الانستا : bano__sajad .
YOU ARE READING
صدفة كلبة .
Romanceالحب سيبقى أحلى الأقدار فبرغم جميع حرائقهِ .. وبرغم جميع سوابقهِ وبرغم الحزن السَاكن فينا ليل نهار عَيناها سَبحان المعبود فمها مرسومٌ كالعنقود ضحكتها أنغامٌ وورود من حاول فك ضفائرها ستفتش عنها في كل مكان .
