صدفة كلبة .

بارت 2

صَدفة گلبة "
تفاعلوا بين البارتات حَتى انزللكم كل يوم بارت "

مرت الأيام واجت فترة الامتحانات ركزت بيها على نفسي بصوره اكبر صرت اقره 13 ساعه باليوم علمود احصد ثمرة تعبي والحمدلله نجحت واجت العطله بس ما طلعت من البيت لان مريت بحالة اكتئاب وجنت على طول اكعد ابجي وحدي او ما اكدر اسيطر على نفسي وكدام اهلي نهاريت كدام بابا وشافني ابجي وضايجه تخبل واجه عليه والخوف والحرص مبين على عيونه

ابو بنين -: شبيها بننونتي شبيج ضايجه بويه

بعيون تمليهها الحزن والدموع ناضرت اله

بنين -: مشتاقه لـ نورس هوايي

كعد يميي وحضني

ابو بنين -: زين بويه شنو رأيج اسويلج جواز سفر ومن يطلع نسافر الاختج ما دامها عطله هم تشوفين اختج وهم تغيرين نفسيتج

كمت من يمه واني انط من الفرحه واصرخ

بنين -: يبويييييييي صدككك باباااا يعنيي تاخذنيي النورسس

ابو بنين -: اي حبيبتي بابا صدك

بنين -: زينن باباا شوكتت نروح ها شوكت

ابو بنين -: باجر اني ما اطلع للشغل اروح للجوازات اودي جوازي يحتاج تجديد بس اصبري شويه وكافي زعل يلاا اريد اشوف ضحكتج الحلوه

من فرحتي حضنته

بنين -: راح اكعد من الفجر شكرا بابا حبيبي احبك احبكك والله

ابو بنين -: حبيبتي بنونه يلا يلا شو ضحكي

بنين
تحمست كلش لهاي السفره اجه الصبح ورحنا اني وبابا علمود الجوازات واني ما مصدكه من فرحتي كل شويه وسائله بابا

بنين -: بابا يعني هاي هيه صدك ما تشاقه وياي نسافر النورس

ابو بنين -: اي والله باببا چا ما اجينا وسوينا الجوازات

بنين -: مو اخاف

ابو بنين -: لا اطمئني باببا لاتخافين

بنين
كملت المعامله ورجعنا للبيت وكالو بعد اسبوعين وتعالوا انتضرت هاي الاسبوعين على احر من الچمر احس اليوم صار يمشي بسنه اجه اليوم الموعود اجه يوم السفر راح اروح بي اني وبابا لميت احتياجاتي. وملابسي بس بداخلي خوفه وررهبه ماعرف ليش شعور غريب شعور الخوف ملازمني مقيدني ماعرف حـ يصير شي كلبي مقبوض ومو مرتاحه ابدد بس الي غالب الخوف لقائي بأختي وشوفتها تسوى عندي الدنيا كلها

طلعنا وجان الطريق كللش طويل ومتعب كثير وصلنا النورس شفتها وركضت عليها حضنتها كل قوتي
نورس -: لج على كيفج خنكتيني

بنين -: مشتاقتلج كومهه والله

نورس -: ياعمري والله اني هم كلش مشتاقتلج يلا امشي دخلي جوه لا تتمرضون الجو بارد

دخلت جوه وبقيت حاضنتها طول اليوم عشت وياها أجمل ايامي بأخر يوم انطتي اغراض لامي ولاخواني

خلصت اقامتنا بتركيا وخلصت ايامي يمها صح طفيت شوقي بشوفتها بس راح ارجع ماعتقد بعد راح اشوفها حضنتها لآخر مره بقيت 10 دقائق بحضنها لجل اشبع منه بستها من بين عيونها

وطلعنا ورجعنا للعراق وصلنا المنطقه اسمها الدوز شفنه ناس مهزومه وتركض حفاي ناس متهجره من بيوتها غصب عنها اصوات القصف وناس تموت وناس تركض انهاريت من البچي والخوف

من 2014 الوضع وتأزم بالعراق
نزوح وقتل وتسليب وسقطت
بدخول جماعة التكفير الأرهابي

بنين -: بابا معقوله راح نموت

ابو بنين -: لا بابا إنشالله خيرر نرجع بالسلامه بويه

صعدو ويانا كم عنصر من العسكريه كلفهم الضابط علمود يطلعونا من هاي المنطقه صح چانو مسلحين علمود يحمونا اذا صار خطر او داعش وقفو السياره وابويه وياي بس الخوف تغلغل بأعماق جسدي والتفكير شغل بالي معقوله هاي نهايتنا معقوله راح نموت

بنين -: بابا خايفه لا تعوفني

ابو بنين -: لاتخافين ماعوفج باباتي

طول الطريق بابا حاضني وما عافني وجان كلش خايف عليه الخوف مبين من عيونه

الطريق كلش مخيف بيوت مهدومه ناس واكعه بالكاع ودمها سايح بيوت مهجوره وشكلها يخوف مرينا من كل دربونه جان ريحة الموت مفسوح
كم من ناس تركت مالها واملاكها وحتى عيالها اباوع والمنضر اشبه بأفلام الاكشن

ثقل النفس عليه وكمت كوه اسحبه رحنا بطريق مختصر ومنطقه امان نزلو العسكرين وكمل السايق طريقه البغداد

وبابا ما حلني من حضنه

ابو بنين -: بابا بنونه حبيبتي راح نوصل لا تخافين ماشي انا يمج مايصير لج شي إنشالله

بنين -: بس بس لا تعوفني

ابو بنين -: بنيتي أنتِ شلون اعوفج بويه

اسمع بابا يتمتم بالقران والدعاء جان كل الطريق يدعي نوصل بالسلامه رغم الفوضى الجانت بس جان وجود والدي اطمئنان وامان

وصلنا للبيت ركضت مهروعه لأمي جنت متتضرتها جنت خايفه اموت وما اشوفها دخلت بحضنها مثل الطفل اشم بريحتها سرى الأمان بداخلي وارتاحيت
اشمها من كل مكان وحاضنتها ما قبلت احلها وهيه تحجي وياي وتمسد على راسي جان واصل الها خبر المنطقه الي احنا بيها اشتباكات وجان قلقانه علينا وبالها يمنا

ام بنين -: يمه حسيت روحي طلعت وانتو ماكو كلولي بنص الخرابه والقصف كلبي يوجعني وخايفه عليكم اكثر من روحي خايفه يصير بيكم ردتلي روحي من رديتو باد حيلي وانتو وماكو

بنين -: جنت خايفه اموت وما اشوفج حيل خايفه بس بابا ابد ابد ما عافني وطول الطريق حاضني

ام بنين -: الحمدالله على سلامتكم اهم شي كحلت عيوني بسلامتكم يلا ماماتي صعدي سبحي ونامي ارتاحي يلا حبيبتي

بنين : .......

حساب البطلة بنين : bano__sajad