#البارت _ الحادي عشر
نسرين الله كريم
مر هل اليومين واجه الدكتور وتبارك ويه الدكتور جاي تسئل حته تتطمن
على وضع نسرين الدكتور كال لا الحمدلله كلش وضعها ممتاز اليوم رح
نفك الخياط عنها واخذو نسرين وفكت الخياط وشوي ونشوف ابو تبارك
جاي كال يلا كملت اوراق خروجها
نيمار بس عمو مانريد نتعبكم
ابو احمد شنو السالفه بنيتي انتن هم بمثابه تبارك عندي كولي يالله
نيمار من الخجل ماعرفت شكول بس وافقت
طلعنه ورحنه لبيت تبارك الي عباره عن جمال بيت جبير وحلو كلش
وبيها حديقه جبيره كلش حلوه دخلونه جوه خطيه ام تبارك جت
ورحبت بينا
اني ونسرين كلش استحينه من كرمهم وطيبهم والله واكفتهم ويانه
ابد ماانسها خصوصا تبارك مجانت مجرد صديقه جانت اخت ام الي
كعدنه شوي بصاله ام احمد يمه مو زين عليج تكعدين بنتي لان
بعده عميلتج خضره كومي تمددي بغرفتج كومنه نسرين وسندنها
ودخلتنه لغرفه كلش حلوه لونها وردي وجربايتين كالت هاي الج
والاختج
نسرين تمددت ترتاح اني بقيت احوس بل الغرفه حبيت كلشي
البيت واهل البيت كلشي حلو ويجنن لي ساعه سبعه ماطلعت من
الغرفه بقيت يم نسرين وهيه بسابع نوم خطيه مجانت تشبع نوم
بل المستشفى لان اصوات المرضى وحجي نسوان اخذ راسنه
شوي ودخلت تبارك بيدها صنيه اكل كالت هاذه عشاجن تعزومني
وياجن لو اروح ابتسمت كتلها يعمري انتي والله فضلج هواي عليه
بيش اجازيج كالتلي انبجي دشوف هوه شسويت الله عالم عليه
حبيتجن مثل خواتي كالت من جنتن بل المستشفى اني بل البيت
مكاله كلبي وعقلي عليجن بس اريد يجي الوقت الي اجي عليجن
نيمار يروحي تسلمين يارب عسا الله مايشوفج كل شر
تبارك يعمري ولو هاذه واجبي كلت كعدي اختج خل تاكل شوي
تسند نفسها
نيمار نسرين
نسرين هم
نيمار اكعدي تعشي
نسرين يبو اكلهم ماطيب عوفيني انام والله معدتي كامت تلعب من
المستشفى عوفيني انام مااكل
نيمار لج نسرين نحنه مو بل المستشفى اكعدي فضحتينه كدام البنت
تبارك ضحكت لج خطيه عبالها بل المستشفى
YOU ARE READING
عندما التقينا
General Fiction(للكاتبة سيرين ) تحكي القصه عن خوات يهربان من داعش ويصلا الى محفاضه ويلقتيان بضابط وهو يكون كفيلهما لدخول محافضته ولايعلم بانه ستدخل احدهن الى قلبه ايضا كونو معا القصه احداث رائعه وموشقه الاحداث من الواقع اتمنى تتفاعلون وياي حبايبي حته اتشجع
