#البارت _ العشرين
تبارك طلعت رعب الله لايوفقج نيمار بذاك اليوم متنه خوف اني ونسرين
وهيه تضحك علينه تكللنه جبانات
نيمار طلعت رعب تبارك وهيه ونسرين حاضنات بعض وكل شوي
يطلع لطقه يخوف يعيطن متت ضحك عليهن شكد جبانات
اخير شي خلص الفلم ونطفه الكهرب شوي وجت ويه جيتها
جطيت عليهم كلت جني وكل وحده كمزت بزاويه يابه مسكت بطني
ودموعي كامن ينزلن من الضحك عليهن
تعللنه كملنه وكلمن راح لغرفته
نسرين من وره نيمار اليل كله مانمت من الخوف كل شوي اكول
طلع ذاك الجني تالي كمت يمها ودحست نفسي بحضنها
نيمار من وره التفكير مانمت كل شوي يجي شي براسي ختمت التفكير
بااحمد الغبي كلت هسه مال اروح اعيط عطيه فوك راسه اخلي
مايعرف راسه من رجلي بعدين كلت لا هيج اهله هم يكعدون كلت
خل انام احسن غفيت وحسيت شخص اجه يمي نوب خله ايده
على خصري فزيت كبل كعدت نسرين هاي شبيج
نسرين ياكلبه من وره الرعب مالج مااكدر انام وجيت يمج
تبارك ضحكت لج نحنه ويه بعض بغرفه وحده من شنو تخافين
خليتها بحضني ونمنه
الصبح كعدنه ثنينه من وكت طلعنه ام احمد تحضر بل الريوك
رحنه وياها وكمنه نساعدها كملنه اجو ابو احمد وتبارك واحمد البغل
كعدنه على الريوك ابو احمد كلي عمو وين واصله بدراسه
كتله عمو سادس علمي كلي انطيني هويتج ولي باجر إن شاء الله.
تجين على المدرسه رحت ركض من الفرح بعد ماشوف دربي
جبت الهويه وجيت انطيته
نسرين كعدنه رحنه حضرنه الريوك ويه ام احمد وجو جماعه البيت
وكلنه كعدنه على سفره وحده كاعدين وابو احمد طلب هويه نيمار
علمود المدرسه شفت الفرح بعيونها عيوني غوركن من الدمع فرحانه
الها خلي تحقق حلمها جنت مدمجه بل الاكل حسيت شخص همس بذني
ليش الحلو زعلان من صوته عرفته هوه احمد غصيت بل الاكل
احمد ابويه كال لنيمار جيبي هويتج واني اباوع لنسرين الي نلمه
عيونها دمع وجعني كلبي عليها رحت يمها وهسمت بذنها وهيه غصت بل
الاكل كبل صبيت الها ماي ونطيت بيدها واشوفها شلون ترجف ابتعدت
منها احد كرصني انداريت واشوف تبارك تخزر بيه عقدت حواجبي
ها خير
YOU ARE READING
عندما التقينا
General Fiction(للكاتبة سيرين ) تحكي القصه عن خوات يهربان من داعش ويصلا الى محفاضه ويلقتيان بضابط وهو يكون كفيلهما لدخول محافضته ولايعلم بانه ستدخل احدهن الى قلبه ايضا كونو معا القصه احداث رائعه وموشقه الاحداث من الواقع اتمنى تتفاعلون وياي حبايبي حته اتشجع
