قصة زواج متقـــف الفصــــل الثاني(التتمة)

البارت 241

الفـصـــل الثـاني:ما خــلف الأقــعنة🫦🪔
                      ____________
                       𝑩𝒚  𝑺𝒂 𝒓𝒊 𝒕𝒂

      🚬 𝑩 𝒂 𝒓 𝒕  241

             --------------

            صبـــاح الغد

مع جوايه الفجر كان صونا منبه تيليفونها على حساب صلاتها...سكتاتو بزز عينيها مغمضين...تكسلات بحال شي مشيشة..حلات عينيها بصعوبة و دورات وجهها لناحية جيهتها من على يدها الليسر..

قرنات حواجبها مستغربة من عدم وجودو حداها حتى استنشقات ريحة الݣارو عاطية تال عندها...تلفتات دغيا لوراها للبالكون...لقاتو جالس على فوطوي عاطيها بالظهر و كايكمي...

ما فهماتش علاش فايق فهاد الوقت و ما موالفاليهش...قررات أول حاجة دير توضى و  تصلي صلاتها هي اللولى عاد تشوف مالو...

بالفعل داكشي لي دارت..سالات و مشات لعندو..جلسات حداه و حطات يدها على كتفو ناطقة بعدم اطمئنان..كاتشوفو ماشي تا لهيه..خصوصا من الݣارو لي مليوحين حداه كانو ثلاثة لي كمى و هاد الرابع ففمو..

ساريتا:أرغد..مالك؟..واقعة شي حاجة ماشي تا لهيه..

دراغون:[بلا ما يشوف نطق]البرد عليك..دخلي للداخل...

ساريتا:منقدرش نخليك بهاد الحالة و نمشي..[شدات فيديه ناطقة بهمس]من حقي نعرف اشنو ضارك ياك أنا مراتك؟..همم..

دراغون:[باسها فراحة يدها شايف فيها]ما غاتغير والو الى قلت ليك..دخلي رتاحي..

ساريتا:[حركات راسها بلا]غاتغير و بزاف...غاترتاح و لو شوية ملي غاتعاود ليا لي واقع..[طفا الݣارو لي بيدو]ما تخليش واصلة بيك العظم و تخبي لي ضارك فداخل ديالك..

دراغون:[بنظرة قاصحة]ساريتا دخلي للداخل..

ساريتا:لا ما داخلاش...

دراغون:دخلي قلت ليك...

ساريتا:[بنفس النظرة شايفة فيه]و أنا قلت ليك ما غاندخلش..حتى تعاود ليا لي ضارك و مخبيه..ما تنساش بلي انا نهار تزوجت بيك وافقت نكون مراتك فالسراء و الضراء...من حقي نوقف معاك...

دراغون:[جرها من خصرها لعندو رما عليها تجاكيط ديالو معنقها]راسك قاصح أناكوندتي...

ساريتا:[باستو على كتفو و معنقاه من كرشو]عاود ليا أنا كانسمع..

دراغون:[تنهد تنهيدة مطولة خلات تحس بحزن مخبيه فداخلو]ولدي لي سحابتو هادي سنين ميت طلع عايش...

ساريتا:[قرنات حواجبها بدهشة]ك..كيفاش؟...يعني ديك ختنا لي كانت حاملة صدقات مولدة الولد..ما بقيت فاهمة والو..

دراغون:..هاديك مزالة مدفونة تحت القبر..بعيد الموضوع عليها...

ساريتا:[طلعات راسها لعندو مستغربة]يعني هادا ولدك من شي مرا كنتي مزوج بيها قبل..

دراغون:[باسها على أرنبة نيفها]لا..هادا بالأصل ولد خويا المرحوم...و انا كنت معتابرو بحال ولدي تماما...

ساريتا:هادي خبار كاتفرح و زوينة ليك و حتى لخالتي سميحة و كولشي...اذن علاش كاتبان ما فرحانش؟؟...

دراغون:قدر ما فرحان لي عايش..بقدر ما محمل راسي المسؤولية على السنين كاملة لي فاتت كانقلب على جثتو و هو عايش بعيد على عائلتو...ما عرفتش لا كيفاش دوز طفولتو و لا اشنو قاسى فهاد الدنيا و هو فعمر صغير...

ساريتا:[شدات يدو مبتاسمة]أنك معتابرو فمقام ولدك كافية تبين بلي حتى هو معتابرك بحال باباه الثاني ليه...و أنك دير جهدك كامل باش تلقا جثتو و تدير ليه مراسيم الدفن و يرتاح فقبرو شي حاجة لي فعلا كبيرة...