قصة زواج متقـــف الفصــــل الثاني(التتمة)

بارت 271

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  271🎲

سمعو الدقان فالباب..ناضت فضيلة ناحيتو تحل الباب..و تحلو معاها عينيها متفاجأة لما لا و هي كاتشوف ولدها محمد قدام عينيها...لي بدورو كان مندهش من وجودها ما سحابش بلي هي كاينة هنا...

محمد:[تلاح عندها عنقها مزير عليها]الواليدة...ما نسحابكش جيتي لهنا...توحشتك بزاف يا النوارة..

كان من طرفها الصمت..بعداتو عليها قبل ما يشبع من عناقها..مخلياه مستغرب..

فضيلة:هاد النوارة غادي تطفى بفعايلك يا ولد كرشي...يا لي فنيت عليه حياتي باش كبرت و وصلتي حتال هنا...

محمد:الواليدة أشنو درت ليك أنا حتى تقولي لي هاكا...

فضيلة:قول أشنو لي مزال ما درتيه...فخمس سنين..خمس سنين أ عباد ما قدرتيش تهلا فختك...أش دارت ليك هاا؟..علاش لي جاي شاعل من ديما من الخدمة و تخرجو فيها..ما حشوماش عليك...

محمد:فهمت هي دبا هادشي لي خلاك ما تعلميش بلي نتي هنا...قولي عمرات راسك ضدي أنا...

فضيلة:[طرطقات فيه عينيها]يا هاد الراجل كون تحشم من فعلك...غالط و زايدها كاترجع اللومة لختك هاا؟...تسحاب كاينة السايبة لي بارك ضربها ضريب ما ضربتو لا أنا لا باك...نتا لي حملتي بيها و توجعتي عليها لي تضربها يا بن المسخوط...

سميحة:[جاية لعندهم]اهلا اهلا محمد..دخل دخل ما تبقاش واقف...

فضيلة:ما كاين فين يدخل...يرجع حسن ليه منين جا و ينسا عليه هاد الدار و ختو...

سميحة:هاويلي يا فضيلة نعلي الشيطان المشاكيل ما كاتحلش هاكا...

محمد:[شد يدها باسها بندم]سمحي ليا الواليدة...أنا نادم أ الواليدة و الله حتى نادم على داكشي لي درت فيها...أنا مستعد نطلب السماحة منها غا ما تقصحيش  قلبك عليا...

فضيلة:[نترات يدها]ماشي بهاد الهضور غايتصلح لي خربتيه...ملي عرفتي غلطك سير رجع منين جيتي...

محمد:وا الواليد ة خليني على الأقل غا نشوفها و نطلب منها السماحة...راه و الله الى نادم حتى من النعاس ما كانشوفوش...

سميحة:فضيلة الله يهديك ديري عقلك راه شفتي الدري كيف باين نادم خليه يطلب السماحة من ختو...

فضيلة:[تنهدات و شافت فمحمد]واخا..غادي طلب السماحة و ترد البال لأشنو كاتقول كاتسمع...راني عارفة هضرتك كي السم ما نبغيش بنتي تجهض بسبابك...

محمد:[تفاجأ]كيفاش!..ختي حاملة؟..

فضيلة:[ضربات يد مع يد]ها شتي أ ختي سميحة..شتي على عينيك حتى من حملها ما عارفوش...شتي الأخوة كي دايرة..

سميحة:[تحت سنانها]فضيييييلة..

فضيلة ميقات فيها و بعدات شوية من الطريق...مخلية محمد يدخل و مبتاسم من الخبر لي سمع...ما متيقش أنه قريب غايولي خال...

حتى تلفت لجيهة الدروج ملي سمع صوتها و هي نازلة شادة فدراغون لي ممركز نظراتو عليه..و لكن محمد كايحاول ما أمكن يتجنب الشوفة فيه...ما قادش على شي صداع...

دراغون:مرحبا بسي البوليسي عندي...

محمد كتافى يخنزر فيه بصمت...

ساريتا:[باستغراب مصطنع]خويا..نتا أش كادير هنا؟..

محمد:[ببسمة]جيت على ودك أ ختي..