قصة زواج متقـــف الفصــــل الثاني(التتمة)

bart 251

الفـصـــل الثـاني:ما خــلف الأقــعنة🫦🪔
                ______

      🚬 𝑩 𝒂 𝒓 𝒕  251

كريم ما لقا حل من غير يتبعو..شد فيد فاتي مزيرها لعندو و هي خايفة..و تبعو داك الرجل حتى ضربو الدورة و بقاو ماشيين خطوات..

دقائق و كانو حطو رجليهم فالدرب لي فيه دار البزناز...الرجل تقدم قدامها و شار ليهم بيدو لجيهتها...

الرجل:هنا فين غاتلقاو السيد أرغد الوزاني...

فاتي:[بدهشة]ك..كيفاش ..و لكن هادي ماشي دار البزناز دراغون...[شافت فكريم]هادي دار البزناز و أنا متأكدة...

الرجل نصارف بعد كلامو و خلاهم حايرين فهادشي لي ما بغاش يتفهم ليهم...

كريم:شي حاجة فشكل واقعة...

فاتي:انا دخت و الله...كيفاش عمك هو كاين فنفس دار دراغون...

كريم:جينا جينا زيدي نتأكدو..يقدرو هادوك غا كايتفلاو...

تقدم للدار و رفع يدو كايدق و كايشوف ففاتي متوتر ما عارف ما يدير..جاه واحد الخوف فشكل..خايف يتعلق فهاد الأمل و ما يلقا والو...

تحل عليهم الباب من طرف سميحة و عينيها طاحت عليه اول واحد...سهات فيه و ملاميحو لي فكرها فشخص كان عزيز على قلبها...و عينيه بالأخص تقول غير ديال ولدها دراغون...

قلبات عينيها لفاتي و ما خفاتش عليها بلي هي صاحبة ساريتا من داك النهار فاش جات مع جدة ساريتا و آية...و حتى شي مرات جات لعندها فهاد السيمانة...

سميحة:سلام أ وليداتي..

فاتي :[سلمات عليها]سلام  أخالتي كيدايرة لاباس عليك..و ساريتا و خالتي فضيلة لاباس عليكم..

سميحة:الحمد لله أ بنتي[شافت ففاتي]جيتي أ بنتي تشوفي صاحبتك؟..

فاتي:الصراحة مجيتها ليها علاقة بحاجة أخرى..[هضرات بشوية مع كريم]هادي هي مامات دراغون...

كريم حرك ليها براسو بلا ما ينطق..

سميحة:[عينيها على كريم ما تغيراتش]مرحبا مرحبا دخلو..ما تبقاوش واقفين حدى الباب..

فاتي:[بتوتر]و..و دراغون؟..يعني كانتمنى ما يكونش عندو مشكيل...

سميحة:الله يا ودي ما تخافوش غا دخلو...

بتاسمات ليها فاتي بزز حاسة براسها متوترة شافت فكريم...زيرات عليه بيدها على دراعو محاولة منها تواسيه و هو عاقد حواجبو كايبان عليه الحزن...

دخلو للداخل و كريم ساهي كايقول مع راسو بلي الأمل لي بقا عندو راح..كيف غايدير يجتامع مع عمو و هو فكل مرة حتى كايبغي يوصل ليه و كايضيع داك الخيط...

خرجو من سهوتو صوت رجولي جايو من الخلف...

صلاح:[باستغراب]كريم أشنو كادير هنا؟..

فتاح:[ضربو مع الكتف]تا شوف ليك قليل النفع  على الصواب..تا راه باينة جاي يشوفك واخا هو مريض...[مشا تعانق مع كريم لي متفاجأ من وجودهم ما فاهم والو]على سلامتك أ العشير نقزتيها...

كريم:[بزز قال من هول تفاجئو]الله يسلمك أ الخوادري..اش كاديرو هنا؟..

فتاح:[شاف فصلاح و رجع شاف فيه]تشا زوينة عندك هاد اش كانديرو هنا...كون ما قالو تضربتي فكرشك نسحبك فاقد الذاكرة...

كريم:أ..سمحولي مع هادشي لي وقع ليا ما بقيتش مركز...ما كنتش عارف ساكنين فدار البزناز...

صلاح:[باستغراب]حنا راه ولادو أ صاحبي أش كاتخور...و بلاصتنا معاه...

كريم:[سكت مصدوم من هضرتهم..شاف ففاتي لي ساكتة و رجع شاف فيهم]كيفاش ولادو؟...دبا نتوما ولاد دراغون لي مزوج بالخوادرية...

فتاح:[قندش]تا كيفاش مراتو..اشنو جابها فالهضرة فين كاتعرفها؟...

فاتي:[وقفات حدى كريم موسعة عينبها خافت يطرا شي مشكيل]س..ساريتا من زمان أنا و كريم كانعرفوها هي صاحبتي و كريم كايعتابرها بحال ختو...

صلاح:واخا..على هاد الحساب مجيتك لهنا ماشي باش تشوفنا قول باغيين تشوفو مرات الواليد...