Accidental Bride | ROSE TAN

02

CHAPTER TWO

DAHIL hindi nakatulog, wala pang alas-siyete ay bumangon na si Lyndon. Diretso ito ng kusina, ngunit hindi naman pagkain ang hanap. Umiikot ang sikmura niya. Para itong isang terorista matapos maglagay ng bomba sa isang lugar.

Excited sa magaganap na pagsabog at the same time ay natatakot na baka mahuli siya. Nasa kusina na si Mrs. Lee at ang mommy niya.

"Mabuti at gumising ka nang maaaga, iho. Ipagmaneho mo sina Penny mamaya, mamamasyal sila sa Makati Square." Walang narinig si Lyndon, parang sinasapian ng espiritung na-stroke ang hitsura. Inabutan siya ng mommy niya ng isang basong freshly-squeezed orange juice.

"Mabuti pa, gisingin ko si Penelope. Masyado ma-traffic ngayon, marami ako bibilhin, baka kulang na oras," ang mommy ni Penny.

"W-waag po. ." aniya.

"Bakit?" Usisa ng intsik niyang mother-in-law-to-be.

"Ano bang nangyayari sa iyo, Lyndon. Para kang maysakit? Sinabi ko naman na huwag kang masyadong uminom, ayan tuloy. Nakipagsabayan ka na naman kay Macky, alam mo namang expert na iyon. Pagkakain mo ay mag-shower ka na para mawala iyang hang-over mo," sermon ng mommy niya.

"Bella, akina susi. Gising ko Penny. Bata iyon, tanghali lagi gising. Sobra tamad. Buti mag-asawa na siya, para matuto gawa bahay."

Kinuha ni Mrs. Gregorio sa drawer ang duplicate ng mga susi. Itinuro sa balae ang susi ng silid na ginamit ni Penny.

"Ako patay," ani Lyndon na halos maisubsob ang ulo sa isang platong bacon.

Parang gusto niyang pigilin si Mrs, Lee na akyatin si Penny sa silid, ngunit iyon naman talaga ang plano nya, ang makitang magkatabi ang dalaga at ang pinsan niya. Presto! Walang kasal. At hindi siya ang may kasalanan. Kung ipapakasal si Penny at si Macky, wala namang masama. Tingin pa nga niya'y bagay ang dalawa.

Hindi rin naman lugi ang pinsan niya dahil talagang maganda si Penny, iyon nga lang magkakaroon siya ng biyenan na ubod ng kulit at tila ipu-ipo kung kumilos dahil sa liksi.Talaga sigurong ganoon ang mga intsik, katibayan na ang mga pelikula ni Jackie Chan at Jet Lee.

"Iho, kausap ko ang aking Gemologist, maganda ang ipinakita niya sa aking example ng wedding rings, bakit hindi n'yo bisitahin? Kayong dalawa lang ni Penny, tutal hanggang makalawa pa sila titigil di-"

"Aaaaaa!"

Nasundan ang sigaw na iyon ng isang malakas na kalabog buhat sa itaas. Patakbong tinungo iyon ni Mrs. Gregorio. Pati na si Dr. Gregorio na kalalabas pa lamang ng banyo ay patakbo ring tinungo ang hagdan habang itinatali ang bata de banyo. Naiwan sa kusina si Lyndon. Abot ang kaba, pakiramdam niya ay titigil sa pagtibok ang puso niya anumang oras. Hindi naman niya magawang tingnan ang sanhi ng pagsigaw na iyon ni Mrs. Lee.Walang kriminal na gusto pang masaksihan ang nilikha niyang krimen, maliban na lamang siguro sa isang psychotic.

"Oh, my God!" Bulalas ni Mrs.Gregorio, na kung hindi naagapan ng maid ay hihimatayin na rin.

"Macario! Anong kalokohan ito?!" Sigaw ni Dr. Gregorio, hindi pa rin halos makapaniwala sa nasaksihan.

Heto ang Macario, walang suot kung hindi ang kanyang briefs, tulalang napabalikwas nang marinig ang malakas na sigaw at ang pagbagsak ni Mrs. Lee sa sahig. Lusaw pa rin ang isip nito dahil sa hang-over, tila hindi pa rin makuha ang mga pangyayari.

"Kalokohan?" Naguguluhan niyang tanong.

"Look at you!" Namumula ang magkabilang tenga ni Dr. Gregorio at gigil na gigil sa pamangking itinuring na rin niyang anak.

Tiningnan nga ni Macky ang sarili. Ano naman ang masama kung naka-briefs lang. .

"Shit!!" Napalundag siya sa kama nang makita si Penny, tulog pa rin dahil sa tama ng atiban.

"Talagang shit ka! Anong kalokohan ang pumasok sa isip mo at pinakialarnan mo ang mamanugangin ko?"

"U-uncle, magpapaliwanag ako. Wa-wala naman sigurong nangyari. Lasing na lasing ako at nakatulog na ako."

Sa puntong iyon naalimpungatan si Penny. Kung gaano kalakas ang sigaw ng ina, doble noon ang isinigaw nito nang makita ang hubad na si Macky. Nang marinig ni Mrs. Lee na nagkakamalay na uli ang sigaw ng anak, sumigaw din ito ng ubod ng lakas.

"Tigil! Kayo tigil!" Si Mr.Lee. "Tayo kailangan usap," anito.

"Mabuti pa nga, balae, este, pare. Macario, magbihis ka. Ipapasundo ko si Mildred."

Tumalikod si Dr. Gregorio kasunod ang kumpareng intsik. Nilapitan naman ni Mrs. Lee ang anak.

"Anak, bakit ka gawa ganyan? Sana sabi ka agad, siya mahal mo, para kayo pakasal namin maayos. Hindi tayo subo kahihiyan," hinagod-hagod pa nito ang buhok ng unica hija.

"Mommy, hindi naman, e. Bakit ba naririto itong lalaking ito? Hindi ko siya kilala,'My."

"Macky, nauunawaan kong lasing ka kagabi, pero bakit naman si Penny? Paano ang anak ko? Paano si Lyndon? Mapapahiya siya, nai-announce na narmin ang engagement nila Penny."

Hindi malaman ni Macario kung dapat ba siyang ma-guilty. Sigurado naman siya na hindi niya pinakialaman si Penny. Muntik na. Naalala niya ng babaing pinapapak niya bago siya nakatulog. Akalain ba niyang si Penny iyon?

"Tita, I-I'm sorry. I swear, hindi ko gusto ang nangyari. Hindi ko gustong saktan kayo ni uncle, lalo na si Lyndon. Alam mo naman iyan, Tita, eh."

Itinaas ni Mrs. Gregorio ang isang palad, tanda ng pagpigil sa anumang sasabihin ni Macky.

"Alam ko. .alam ko. Hindi ko lang alam kung ano ang mabuting gawin ngayon. Paano ang mga taong nakasaksi sa engagement?"

"Tita, wala namang nangyari, e. ." sabay sulyap niya kay Penny na nakayakap sa ina. Saglit nagtama ang kanilang mga mata. Natigilan si Macky. Paano kung akala lamang niya na walang nangyari? Paano kung pinakialaman nga niya ang bride-to-be ng pinsan?

"Sinungaling siya, Tita. Naalala ko na, may ipina-inom siya sa akin kagabi, pagkatapos noon ay nakatulog na ako."

Gulantang ang lahat sa sinabi ni Penny. Halos panawan ng katinuan si Macky sa narinig.

"Anong pinagsasabi mo?! Wala akong natatandaang ginawang masama sa iyo. Nakatulog lang ako dito!"

"Bakit nakahubad ka? Sige nga, ipaliwanag mo sa kanilang lahat iyan," hamon pa ni Penny. Si Penny na sa paniniwala ni Macky ay puno ng kainosentihan, bakit ngayon ay parang demonyita ang kaharap niya?

"Ewan ko! Ikaw siguro ang may kagagawan. Tama, inakit mo ako kaya dito ako nakatulog."

"Sinungaling!" Sigaw ni Penny.

"Ikaw ang Sinungaling!"

"Tama na iyan! Ano ba? Macky, kailan ka pa natutong makipagaway sa babae?" Saway ng Tita Bella niya.

"Paanong hindi ko aawayin iyan, e, ubod ng sinungaling! Kapag hindi ako nakapagpigil eh, sasabunutan ko ang babaing iyan."

"Bella?! Ano ba iyan pamangkin mo? Wala galang. Dapat sa pulis na tayo punta," halos hilahin ni Mrs. Lee ang anak palabas ng silid.

"Penny, mare... sandali. Mapag-uusapan natin ito ng maayos. Hindi natin kagustuhan ito, sa katunayan ay pamilya namin ang malalagay sa kahihiyan, lalo na ang anak ko. Baka pagtawanan siya ng lipunan..." habol ni Mrs. Gregorio kay Mrs. Lee.

Sa pintuan nakasalubong ng dating mag-balae ang maid.

"Ipinatatawag na po kayo ni ser sa ibaba, ma'am."

"O, sige. .susunod na kami. Macario, sumunod ka."

~', to be continued...