التضحية بالحب..( الكاتبة أروى عادل)

الفصل الثالث

أمام بوابة الكبيرة للقصر
~~~~~~~~~~~~~~~

كانت تمارا حاطه شنطة على ظهرها مسكه هاتفها فى يديها.. عندما كانت داخله من بوابة القصر
كما كان توجد سيارة خارجة مسرعه من القصر و فجأة فرملة سيارة لتوقفت لكنها قبل أن تقف خبطت فى يد تمارا لذلك سقط هاتفها من يدها شعرت تمارا بألم فى يديها
هنا انفتح زجاج نافذة السيارة و قال سائق السيارة و هو يرفع النظاره من على وجهه

مراد ٠٠٠ أيه مش تحسبى ..

قالت تمارا بألم من يدها وهى تبحث عن هاتفها على الأرض

تمارا ٠٠٠ خلاص حصل خير
مراد ٠٠٠ يعنى لو كنت خبطك دلوقتى كنت قولتى حصل خير

هنا رأت تمارا هاتفها محطم على الأرض لذلك قالت بغضب

تمارا ٠٠٠ نهارك اسود و مهبب تليفونى اتكسر

هنا نزل مراد من السياره وقال

مراد ٠٠٠ انتى قولتى إيه
تمارا ٠٠٠( بحزن ) انت كسرت تليفونى
مراد ٠٠٠ و انتى لو كنتى مركزه على الطريق ماكنش تليفونك اتكسر
تمارا ٠٠٠ انت ليك عين تتكلم كمان . على فكره انا كنت مركزه فى طريقى بس انت إللى عامل زى القطر بتاكل إللى فى وشك

هنا اخرج مراد بعض النقود من جيبه وقال

مراد ٠٠٠ بس . بس انتى هتوجعى دماغى ليه. يطلع بكام تليفونك ده .. خدى الفلوس دى اشترى تليفون غيرو و خلصينى

حط النقود فى يدها ثم صعد للسيارة مره أخرى.. هنا شعرت تمارا بأهانه من تصرفوا
لذلك ركضت اليه قبل أن يغادر بالسيارة
و قذفت النقود من النافذة وقالت

تمارا ٠٠٠ خلى الفلوس ليك ولا أقولك اشترى بفلوس دى نظارة نظر يمكن تعرف تشوف بيها طريقك كويس .. بدل انت ماشى تخبط فى خلق الله

قالت عبارته ثم انصرفت قبل أن يستطيع مراد الرد عليها لذلك شعر بغضب وهو يريد أن يرجع لها و يوبخها على ما قالته له لكنه كان مستعجل لذلك غادر بسيارته

🕳🕳🕳🕳🕳🕳🕳🕳🕳🕳🕳🕳🕳
بعد أسبوع  اخر
القصر يوسف مهران
~~~~~~~~~~~~~~~

كان مراد خارج بالسيارة عندما رأى تمام تدخل القصر نظر لها و تذكر ما قالته له فى المره السابق لذلك اوقف السيارة نادى عليها
وقال بصارمه

مراد ٠٠٠ انتى يا أنسه

لم ترد عليه تمارا لذلك نادى عليها مره أخرى هنا قالت تمارا

تمارا ٠٠٠ أنت بتنادى عليا انا
مراد ٠٠٠ و انتى شايفه فى غيرك هنا ..

نظرت تمارا يمين ويسار ثم قالت