Spirit Angel ♡︎✨️ ( 𝑌𝑖𝑍ℎ𝑎𝑛 | Completed )

තෙවන කොටස

Spirit Angel ✨️

" මට ? එ මොකද්ද.... අනික නිකන් ආත්මයක් වෙච්චි මම මොනා කියලා කරන්නද "

බෙන්ච් එකෙන් නැගිටින්නවත් අදහසක් තිබුනෙ නැති මම එහෙම කිව්වත් එයා කරෙ මම දිහාට කලකිරුන බැල්මක් දිපු එකයි.

" ඔයාගෙ සෘණාත්මක ආකල්ප වලට උඩට එන්න දෙන්න එපා ශාන්.... ඒවා ඔයාව දුර්වල කරනවා.... මිනිස්සුන්ගෙ තියෙන භයානකම දෙයක් ඕක.. දෙයක් කරන්නත් කලින් ඒකෙ වැරදෙන පැත්ත ගැන තමයි ඉස්සෙල්ලම හිතන්නෙ.... ඒක එහෙම නෙවෙයි. බලාපොරොත්තුවක් නැතිම මොහොතකත් ලැබෙන පුංචිම හරි අවස්ථා වලට පයින් ගහන්න තරම් මෝඩ වෙන්න එපා... කෝ කෝ නැගිටින්න.... මෙහෙම හිටියට මම හරි සැරයි හොදේ "

මාව අතින් ඇදලා නැගිට්ටව ගත්ත එයා එ අත අතාරින්නෙම නැතුව ඉස්සරහට යන්න ගත්තෙ මාත් වචනයක් වත් නොකියා ඒ අල්ලගත්ත අතෙ සිහියෙන් ඉස්සරහට ඇදිලා යද්දියි. එයාගෙ අත් රස්නෙයි. ඒක...ඒක මට කියාගන්න තෙරෙන්නැ. කෙනෙක්ගෙ ස්පර්ශයක් මට මේ විදියට දැනුනනමයි මේ. මමාව, ජියේව, පුංචි කාලෙ ඉදන්ම හිටපු එකම යාලුවා ඇරෙන්න මට වෙන සමීප සම්බන්ධකම් තිබිලම නැ. මේ ගෙවුන අවුරුදු 23ට ලවර් කෙනෙක් වත් ඉදලා නැ මට. ඒත්.... අද මෙ පිරිමි රූපෙ මගෙ හිත හෙල්ලුවා. ආදරෙ ගැන මුලකුරුවත් නොදන්න මම තාම දන්නැ මේ දෙ ආදරයක් ද කියලාවත්.. දැකපු පමාවෙන් කෙනෙක් ට ආදරයක් ඇතිවෙන්න පුලුවන් ද ? මම දන්නැ... ඒවුනත් යිබෝ මට විශේෂ කෙනෙක්.

වෙලාව යන විදිය මට තෙරුම් ගන්න බැ. අපි ඇවිදන් එන්න පටන් අරගෙන ටික වෙලාවක් යද්දි පරිසරයම කලුවර වීගෙන ආවා. හරියටම බැලුවොත් හවස හයහමාර හත විතර වෙලාවක් වෙන්න පුලුවන්. එත් ඒක කොහොමද වෙන්නෙ. මාව ඇක්සිඩන්ට් වුනෙ උදෙ.. අපි බෙන්ච් එකට වෙලා කතා කරකර හිටියෙත් උදෙ.. වෙලාව බලාගන්නවත් අඩුම මට බැ වොච් එක නැවතිලා. නැ ඒක කැඩිලා නැ.... වෙලාව නතරවෙලා.

" මේ.... දැන්ම කොහොමද රැ වුනේ.... වෙලාවත් නතර වෙලා.... මොකද්ද මේ වෙන්නෙ "

හිතලා හිතලා මොලේට සමනල් ගැට වැටීගෙන එද්දි මම යිබෝගෙන් ඇහුවෙ එයා යන ගමන නතර නොකරම මගෙ දිහා බලද්දීයි.