"ဟင်! ဟာ!!"
'အမလေး! သွားပြီ သေပြီပဲ...'မသေလို့လည်း မရတော့ဘူး။သုတရဲ့အဖေနဲ့အမေက ဆိုဖာပေါ်မှာထိုင်ကာ စကားတစ်ခွန်းမှမပြောပဲ ရှေ့ကဒူးထောက်နေတဲ့နှစ်ယောက်ကိုပဲကြည့်နေတာ မမှိတ်မသုန်။မိနှင်းခမျာ့ ဒီနေ့ကျောင်းပိတ်ရက် မှူးတို့အိမ်သွားမယ်ဆိုပြီး ပြင်ဆင်နေတုန်း သုတအမေ ဒေါ်ယမုံက သုံးယောက်လုံးရောက်ရာအရပ်ကလာခဲ့ကြပါတဲ့။ကျန်တဲ့နှစ်ယောက်ကိုပါ ဖုန်းလှမ်းဆက်ခေါ်ပြီး ကမြောကသောပြေးလာရလေသည်။
အခုတော့ကြည့်ပါဦး။'ရူးချင်လာပြီ' တကယ်တော့ သုံးယောက်လုံး ပြန်ပြေးချင်နေပြီ။ဒူးထောက်တာတောင် ကောင်းကောင်းမထောက်ဖူး နှစ်ယောက်သားက တစ်ယောက်လက် တစ်ယောက်ကိုင်ထားကြသေးတယ်။'အမလေး!'ဒီအတိုင်းရပ်နေလို့တော့မရတော့။
"မေမေလေး!!!"သုံးယောက်သားအသံက တပြိုင်ထဲ။စသိပါပြီဆိုကတည်းက ကိုယ်တွေအပေါ်အလိုလိုက်ကာ မိဘတွေနီးပါးချစ်ပေး၊ဂရုစိုက်ပေးကြတဲ့သူတွေမို့ သုတမိဘတွေကို ဖေဖေလေးနဲ့မေမေလေးဟုအမြဲခေါ်ဖြစ်ကြသည်။ကိုယ်တွေအသံကြားတော့ ဟိုနွားက အားကိုးတဲ့အကြည့်ကြီးနဲ့။'လင်းသုတ နင်ဘာတွေမွှေပြန်ပြီလဲ'။
"အမလေး လာကြပါဦး။လာကြပါ ၊ လာကြပါ ဒီနားကို သုံးယောက်လုံး"ချစ်ကြောက်ရိုသေရတဲ့သူတွေမလို့ ကြောက်မိတာတော့အမှန်ပင်။သုံးယောက်သား မေမေလေးဘေးကိုဝင်ထိုင်လိုက်ရသည်။
"ပြော! သူတို့နှစ်ယောက်ပြောတာအမှန်ပဲလား"မေးခွန်းက ဘာကိုဆိုလိုမှန်းမသိပေမဲ့လည်း ကြောက်ကြောက်နဲ့တပြိုင်ထဲ ခေါင်းငြိမ့်မိလိုက်ကြသည်။
ဒေါ်ယမုံ ခင်ပွန်းဖြစ်သူကိုကြည့်လိုက်တော့ 'မင်းသဘော'ဆိုတဲ့ပုံစံနဲ့ ခေါင်းတစ်ချက်ငြိမ့်ပြသည်။ဒေါ်ယမုံ ဆက်ခနဲ့မတ်တပ်ရပ်လိုက်တော့ သုံးယောက်သား တစ်ယောက်လက်ကိုတစ်ယောက်ကိုင်လိုက်တာ တင်းခနဲ့။'ရိုက်ခံရတော့မှာလား'။ရှေ့ကနှစ်ကောင်ကလည်း မော့ကြည့်လာတာများ ဆက်ခနဲ။
"ထတော့ နှစ်ယောက်လုံး ဒူးထောက်မနေနဲ့တော့၊ လာခဲ့ဒီနားကို"သုတ အမေခေါ်တော့ ဟိုသုံးယောက်ဘေးမှာပဲ ဝင်ကာကပ်ထိုင်သည်။အရေးအကြောင်းဆို သူတို့သုံးယောက်ကပိုအားကိုးလို့ရတယ်လေ။အဖေဘက်ဝင်ထိုင်လို့ အထိုးခံရမှဖြင့်။
YOU ARE READING
အသက်တမျှ...(Complete)
Romancefic name,ဇာတ်ကောင်တွေရဲ့နာမည်နဲ့ အကြောင်းအရာတွေဟာ တစ်ခြားauthorလေးတွေနဲ့တိုက်ဆိုင်သွားခဲ့ရင် တောင်းပန်ပါတယ်။ လေးစားစွာလည်း crdပေးပါတယ်😊။သည်းခံနားလည်ပေးကြပါနော် fic name,ဇာတ္ေကာင္ေတြရဲ႕နာမည္နဲ႕ အေၾကာင္းအရာေတြဟာ တစ္ျခားauthorေလးေတြနဲ႕တိုက္ဆိုင္သ...
