بـَ قلمـي (فـاطمَـة محَـمَد)تعليق بين فقرة وفقرة يـاقـوتـاتـي والتَصويت
عَلَى النَجمة أحبكُم____________________
فتحت عيوني مثل كل يوم على صوت امي تكعدني للشغل بتسمت بوجها وكتلها
_ صباح الخير يلحنينه
_ صباح نور يبعد روح امك يلا يحيلي كوم بدل علمود تلحك عل شغلك
_ صار حبيبه
سوتلي ريوك وتريكت وطلعت للشغل
امشي بين شوارع بغداد رفعت راسي وحجيت بهدوء يارب هم يجي يوم واتعين ومااقصر ع اهلي واخذ بت الحلال تسعدني
وصلت للشغل اشتغلت بمجمع
_ هلا ابو كرار
_ هلا بيك حبيبي شلونك شخبارك
_ الحمدالله بخير وانته
_ والله الحمدالله
_ تعال نشرب جاي
رحت ويا صاحبي محمد نشتغل سوه
شربنه جاي وكل واحد راح ع شغله كملت شغلي ب9 بليل رجعت وجنت مستلم يوميتي مريت للاسواق اشتريت حلوايات وببسي لاخواني افرحهم بيها رحت دكيت لباب فتحتلي لباب اختي فطومه
_ ها حبيبتي شلونج
_ هلا خويه بخير الله يساعدك
انطيتهم حلوايات لاخواني كعدت يم امي وابويه بست راس امي وابويه وضليت اسولف وياهم واشاقه واضحك اجه اخويه سجاد تشاقينه سوه ونوب تعاركنه وبعدهي كلمن راح لمكانه رحت سبحت ونمت وبوقتها شفت رؤية
بوحده تباوعلي وتضحك والصوره مو واضحه
كعدت مرتاح وفرحان تريكت ويا اهلي واني احس نفسي ريشه بعد ما شفت البنيه الي اجتني بل حلم وبنفس وقت مستغرب والف سؤال براسي منو وليش اجتني بقيت افكر بيها
_ فطوم حبيبتي
_ ها حيدر
_ صيحي امي شوي
_ اي هسه
شوي واجت امي نهضت معدل كعدتي
_ها يمه صحتني
_اي يمه تعي شو كعدي
رحت حطيت راسي بحضنها وكتلها
_يمه البارحه حلمت حلم غريب
_شنو هوه يمه خير ان شاء الله
_يمه بنيه دوم تجيني تباوعلي وتبتسم ومشوفين شكد ارتاح من اشوفها واحسها راحه نفسيه
_شنو هذا حلمك منو هاي تجيك
_مادري بس اني افرح من تجي ارتاح حته تعب يروح