بـ قلمي (فـاطـمة مـحـَمـَد)
lnsta: sfatma49
____________________
نفضـت كـل الأفكـار من راسـي وصحت سجـاد يساعدني أگـوم أنزل يم الأهـل
_ سجـاد خويـة وينـك
صحت مرة ومرتين محد جاوب أجتِ فطوم أختي
_ هـا حـَيدر رايـد شـي ؟!
_ تعااي ساعديـني أگوم
_ أي صـار
أجت تساعدنـي حتـى أگوم وأنطتني العكازة ومشيـت
_ هـا حبيبـة شلونـچ
_ هلا يـا روح أمـك تعال تعال هنا گومي خل أخوچ يگعد
_ أگلچ جوعـا ن خل محمد يجيـب أندومي وخلي فطوم تسوي إلي
_ أي من عيوني تعال يمـه محمد عوف التلفون وروح جيب لأخـوك أندومـي بساع ولا تتأخر
_ صار يمـه
راح محمد للمحل وصحت على فـطوم تسوي إلي
_ باعي فطومة سوي حامض ومو ناشف كلش خلي بي ماء وخلي معجون هم
_ خووش
طلعت موبايلي أگلب بي وأني داگلب تذكرت أنو لازم أحضر المحرم لأن عندي مجالس ودعوات لازم أقره
_ يمـه صدگ أگلج أريد بس افتح رجلي أروح أشتري احتياجاتي المحرم لأن عندي دعوات كومة يريدوني اقرأ ولازم أبدأ احضر
_ أي يمـه وأذا تريد وصي من النت
_ لا يمـه أني أروح بيدي أحسـن لأن اريـد أشوف بعيني وهم هناك أذكر كل احتياجاتي
_ خوش يمه لعد إذا هيچ نروح اني وياك
_ هاهيه حبيبـة
بقيت شوية گاعد وغفيت بدون ماحس عَلى رجل أمـي وماعرف ليش أجت عَلى بالي البنيه الي بالحلم وجهت انضاري عَلى ايدي أزمتها وأبتسمت فززني صوت فطوم أختي من افكاري وهيه تگول
_ حـَيد كملت الأندومي
_ اي عفيةة عليچ
گعدت أكـل وكـل شوية أفكر بالابنيه وتجي عَلى بالي خلصت أكل وصحت عَلى فطوم تجي تأخذ الصينية
_ سجاد تعال گومني خل اغسل
_ تدلل خوية يلا أيدك أبو الحـسن السبع
گومني سجاد أغسل ورجعني گعدت يم امي وأبوية
_ يأبه حيدر خابروني انطوك إجازة 5 ايام فوگ الـ 10 مالتك
_ هاهيه يابـة الدكتور گال 10 أيام ونفك الجبسة
_ بيت أبو هيثم راح تقرأ عدهم بمحرم
_ أي يابـة أقرأ يمهم اول العشره من العام رادوني هم يلا أگوم عَلى حيلي وأكمل اراضي
_ أن شاء الله حَبيبي
