أسيرة الجندي

بارت4

الحلقة 04
ناضت من بلاصتها تتعوصر...حاسة راسها ثقيل عليها...من سهرة تع البنات البارح...حلت عينيها ورجعت غزرت فالسقف...انهدت بالقاوي..وقالت فنفسها (زعما انا ويكتا يجي فارس أحلامي😍..علاش معنديش زهر كما سيرين واحد ما يغزر فيا علااش)...دورت راسها شافت فسيرين لي كانت راقدة فساابع نومة..تبسمت وناضت من بلاصتها..ولعنت شيطان..مستحيل تغير من ختها..أكيد باش يجي للي يحبها..يمكن مزال وقتو...مبغاتش تفيق سيرين من رقدتها...خرجت من لاشومبغ بلا مادير حتى حس...راحت للدوش غسلت وجهها..ولمت شعرها...اليوم باش تسجل فالجاميعة ولا زم تكون حاضرة...من للي كانت صغيرة وباباها..يحلم باش تخرج طبيبة..وجا اليوم للي قدرت تحقق فيه حلم باباها...بعد ما كملت..هزت منشفة بين يديهاد..نشفت وجهها..وخرجت من دوش..مشات للكوزينة..طيبت قهوة سخونة..ووجدت الفطور..هي قلعدة هكاك ويدخل عليها خوها بلال
بلال: صباح الخير
دورت راسها شافت فيه ورجعت تحكي
ماريا : صباح نور
بلال : وش غير لخير..علاش نايضة بكري؟
ماريا : بسك ليوم رايحة نسجل فلجاميعة
بلال : رايحة مع سيرين؟
ماريا : هيه..علاش؟
بلال : باش نوصلكم فطريقي
ماريا : اه ياا وحد الحلوف..فقت بيك..هههه...سيرين اه
بلابل : هيا سكري فمك ووجديلي لقهوة خير ما نجي ليك
ماريا : اووف منك كيفاش مداير..مغزرتش لروحك فلمراية نتا؟؟...شكون راح تقبل بيك
بلال : بلعي..مارياا
ماريا :ههه اوك هاني سكت
جبدت الكرسي تع طابلة..وقعدت تشرب فقهوتها...لين شافت ماماها وسيرين واريج داخلين للكوزينة
ماريا : هيا سيرين ازربي افطري...توخرنا بزااف..انا باش نلبس قشي نستنا فيك
سيرين : اووكيي
رجعت للشومبرة تاعها...جبدت روبة ..طويلة فلوري..طلقت شعرهاا...ولبست سندالتها وجدت روحها..ودارت شوية من بارفان متاعها....جات راح تخرج...دخلت سيرين للغرفة مع شافتها حطت يدها على فمها
سيرين : اوووو...شوفو زيين..
ماريا : هههههه
سيرين : عندكي برك تذوبي كي زبدة
ماريا : لالا تخافيش منذوبش هيااا وجدي روحك