أسيرة الجندي

+6

تكملة الحلقة 06 😁

ناض من بلاصتو..وجا خارج من لبيرو...باش يشوف امور الجاميعة..الطفلة للي تشوفو تبقا تغزر فبه..حتى هو ماشاء الله عليه😍..وش من زين للي عندو..عينيه اباللون الأخضر..وشعرو شاتان..والكومبا للي كان لابسها..كانت مفصلتلو عضلاتو..ماشي بكل ثقة...راسو جامي هبطو للارض...للي يغزر فعينيه..يشوف فيهم نظرة قوية..نظرة تحدي...خطواتو محسوبة..وميتصرفش قبل ما يخمم مرتين..رزين...ويعرف كيفاش يحل الأمور..مهوش من نوع المتهور...وللي يبغي يبين روحو..ماشي بخطوات ثابتة..حتى يسمع فصوت تع زوج بنات قاعدين يتقابضو..مع العساس تع الادارة...عقد حواجبو مستغرب..وقرب منهم..يحكي
رواد: خير وشكابن هنااا؟؟..علاش العياط هذا
ماريا مع سمعت صوتو هي وسيرين..دارو للزوج يغزرو فيه..ماريا مع شافاتو بلعت ريقها...وخافت..سكتت ومازادت حتى حرف...وسيرين عينيها رجعو قلووبااا😍...بقات غير تخزر فيه ومنحاتش عينيها منو..كي شافتها ماريا هكاك..قرصتها من يدها وفاقت على روحها
العساس : هاذو زوج..جاو متأخرين....ونا منقدرش ندخلهم..من صبااح ونا نقلهم باش يرجعو غدوا..ومحبوش يفهمو
دور راسو ليهم..وبقا يتغنزر فيه...شاف فيهم بنص عين..ورجع يحكي
رواد : أول شي لازم تتعلموه قبل ما تدخلو للجاميعة هاذي..هو الانضباط...تسمعو فيا؟؟؟...الجاميعة هاذي للمحترمين..ماشي للناس لي دير مشاكل..مش لي يسوا وللي ميسواش يقرا فهاذ جامعة...هاذ الهدرة حطوها حلقة فوذنيكم...نتوما زوج..فهمتو؟؟.....هيا دك كل واحد يشوف شغلو..تسجيلات خلاصت يعني خلااصت..هذا باش يكون درس مليح ليكم نتوما زووج
ماريا دموعها..تحصرو ببن عينيها..من الكلمات الجارحة لي قالها عليها..هي عمرها ماكانت هك..وعمرها مادارت مشاكل..كبست على يديها..وخذات نفس طويل ورجعت تحكي
ماريا : ونظن زادة أنو هاذي مهيش طريقة محتارمةد.يهدرو بيها الناس
قالت هاذ زوج كلمات...وراحت بلا ما تسمع منو حتى كلمة زيادة..لحقتها سيرين ومشات وراها بالزربة تحكي
سيرين : يااا بن عمييي....شفتيه ؟؟؟؟....منعرف وش يحساااب فروووحو...يااجدك كيفااه مدااير ...صح هو زين..بصح حااسب ناس كامل يخدمو عندو
ماريا : سيرين ربي يعيشك مش...مش وقتها هاذ الهدرة
روحت ماريا هي وسيرين...ودموعها على خدها..أول مرة تسمع هاذ الكلام المهين..والجارح