မိုးချုပ်ခါနီး နေဝင်တရောအချိန်ဖြစ် သောကြောင့် လမ်းမထက် လူသူအများလှုပ်ရှားသွားလာနေကြပေ၏။*Violent time*
ဆိုသည့် ဆိုင်လေးထဲကို ချန်းယောလ်တံခါးဖွင့်ကာဝင်လာခဲ့ပေသည်။
ဆိုင်ထဲတွင် လူအများကြီးရှိမနေဘဲ အခွေရွေးနေသော လူတစ်ယောက်၊နှစ်ယောက်လောက်ကိုသာတွေ့လိုက်ရပေသည်။ချန်း ယောလ် ဟိုဒီ ခဏရပ်ကြည့်လိုက်ပြီး နောက်
ကောင်တာတွင် ထိုင်နေသော ဆိုင်ဝန်ထမ်းလေးဆီ ဦးတည်ကာ သွားလိုက်မိပေ၏။
"ညီလေး ဟိုရက်ကအစ်ကို မေးထားတဲ့ အခွေ ရောက်ပြီလား မသိဘူး။ အသစ်ရောက်တဲ့ အခွေ တွေက ဘယ်နားမှာစီတာလဲ အစ်ကိုကိုပြောပြ ပေးပါလား "
ဂျင်ယောင်း အသစ်ရောက်လာသည့် ပစ္စည်းစာရင်းကို စစ်နေစဉ် ထွက်ပေါ်လာသည့်အသံကြောင့် မိမိရှေ့က ဈေးဝယ်သူကိုကြည့်လိုက်မိပေသည်။အညိုရောင်အနွေးထည်ရှည်ကိုဝတ်ဆင်ထားပြီး ရုပ်ရည်လဲသန့်ပြန့်သည့်အစ်ကိုက မိမိကိုပြုံးကာကြည့်လာပေ၏။
"အစ်ကို ဒီကနေတန်းတန်းသွားပြီး ဘယ်ချိုးလိုက်ရင် အခွေသစ်တွေစီထားတဲ့အတန်းကိုတွေ့ရမှာပါ။ညာဘက်မှာတော့ ဂီတတူရိယာပစ္စည်းတွေနဲ့အသစ်ရောက်တဲ့ Playerတွေကို တွေ့ရမှာပါ ဗျ "
ချန်းယောလ် ပျူငှာသည့် ဝန်ထမ်းကောင်လေးကို ကျေးဇူးတင်လိုက်မိကာ သူညွှန်ပြသည့်နေရာဆီသို့လျှောက်လာမိပေသည်။များစွာသော cassette tape 📼တွေထဲမှ မိမိလိုချင်သောအဆိုတော်၏ အခွေသစ်ကိုရှိမရှိ သေချာရှာကြည့်နေမိ၏။အ ခွေများကို အထပ်လိုက်စီထားသည်မို့ ချန်းယောလ် လက်ညိုးဖြင့်ထောက်ကာနာမည်တစ်ခုချင်းစီကို သေချာဖတ်လာမိပေသည်။
"Mario ရဲ့ အခွေကမတွေ့ပါလား ။ကျိန်းသေပေါက် ဒီအပတ်ထဲ ရမယ့်ဆိုပြီးတော့ ဆိုင်ရှင်ကလိမ်ပြန်ပြီထင်တယ် "
ချန်းယောလ် အခွေတွေရွေးနေရင်း နှုတ်ကနေ ခပ်တိုးတိုးပြောလိုက်မိပေသည်။စိတ်ထဲမှာလည်း နည်းနည်းဘဝင်မကျဖြစ်လာရပေ၏။တအားလိုချင်နေသည့်အခွေမို့ ဆိုင်တိုင်းမှာလိုက်မေးကြည့်နေခြင်းဖြစ် ပေသည်။သို့သော်လည်း ယခုအချိန်ထိကို ထိုအခွေက ဝယ်လို့မရသေးပေ။
