فاطمة : بصي بقي أنا عايزة فراخ في الفرن وعايزة صنية بطاطس وتحطي فيها قرن شطة عشان بحب الحراق
ليلي : بس أنا مبحبش الشطة
فاطمة : مش مهم انت مش انا معزومة عندكم علي الفطار والمهم متحطيش البطاطس تحت الفراخ عشان مش بحبها كدة وعايزة ملوخية وجنبها محشي ورق عنب
ليلي : مش عايزة DVD
فاطمة : بس بقي والملوخيه ميكونش فيها توم كتير وتهرسي البصل بتاع المحشي جامد لاني مبحبش البصل في المحشي ولو شوفت بصلاية هقرف واصلا في بيني وبين البصل عداوة وانت لازم تبقي عارفة
ليلي : ليه لازم ابقي عارفة
فاطمة : الله مش صاحبتي وعايزة بوفتيك
ليلي : هقطع بس وصلة الامنيات فوقي يا فاطمة انا مش مصباح علاء الدين يا اختي أنا ابويا هيطردني ويطردك كدة
فاطمة : يعني ايه مش هتعمليلي الي عايزة انت اصلا بياعة
أحمد : اه يا فاطمة انا بنتي بياعة واقولك علي حاجة وخديها هي كمان فوق البيعة مش كفاية عليا التعويم والي عايزة تاكل اربع بطات
يعني انا المفروض احقق احلام عيالي وصحابهم وانا مين يحقق احلامي عوض عليا يارب
YOU ARE READING
يوميات زوج صايم ( مكتملة)
Humorهتكون عبارة عن مشاهد لعيلة مصرية هتبقي مصاحبانا طول رمضان ويارب تعجبكم
