يوسف : مش فاهم يعني مش المفروض يدونا أي يوم اجازة حتي ميرضيش ربنا كدة
مرام : موافقوش تاخد اجازة
يوسف : المدير قالي فانوسك وبلحك والاقيك فى الشغل 7 ونص الصبح
مرام : معلش حقك عليا حسنات وخير ليك
يوسف : يالا الحمدلله صحيح فين الزينة يعني الشارع معلقش كل ده ليه
مرام : اه والله كل الي بفكر فيه : ايه يا شارعنا هتعلق زينة امتى الشوارع التانية كلت وشي.
مرام : والغريبة بقي انك دافع ٣ مرات فلوس زينة أصلا
يوسف : عيال صغيرة الله يهديهم أنت فاكرة بيعملوا كدة معايا لوحدي
يحيي : بابا هو أنا لو قولت ل ملك خطيبتي بحبك هبقي فطرت
يوسف : بص يا يحيي لو قولتها الصبح هتبقي خدت ذنوب حرام وأنت صايم
يحيي : طب لو بليل بقي
يوسف : هتبقي خدت ذنوب وحرام برضو
يوسف وهو بيسقف علي وشه : اتقي الله هتولع يا ابني اكتب الكتاب وقول الي أنت عايزة
يحيي : استغفر الله العظيم قالها وهو بيمسح علي وشه تسلم يا حج
أسماء : حاسب الصاروخ تحتك قالتها ل يحيي وهي بترمي عليه الصاروخ
مرام وهي رايحالها بالشبشب : عفشي وفرشي يا جزمة ايه هتولعيلي في الشقة أنت مش هتكبري ابدا قالتها وهي بتضربها وبعدها جريت ورا يحيي وانت السبب أنت الي بتجبلها الهباب ده لو تتلم شوية كانت اتلمت
يوسف : الصواريخ دي عجيبة الواحد مش عارف كانوا بيبيعوله صواريخ بايظة ولا بيبيعوا للعيال ديناميت دلوقتي ولا ايه
مرام : يبيعوا الي يبيعوه انما صواريخ في بيتي لا عفشي وفرشي لا
بص يوسف للصاروخ الواقع علي الارض وخده وولعه ورماه جنب مرام وهي بتضرب الولاد وخد حاجاته خرج بسرعة وكل الي سمعه هو صريخها بسبب الصاروخ والعفش فضحك ونزل شغله
أنت تقرأ
يوميات زوج صايم ( مكتملة)
Humorهتكون عبارة عن مشاهد لعيلة مصرية هتبقي مصاحبانا طول رمضان ويارب تعجبكم
