يوميات زوج صايم ( مكتملة)

ريموت التلفزيون

عبد الرحمن وهو بيخبط ريموت التلفزيون في التلفزيون : دي بقت حاجة تقرف
الاء : لا اله الا الله حد يعمل كدة يا عبده
عبد الرحمن : عصبوني يعني ايه استني المسلسل تلت ساعة وفي الاخر اول ما ياجي الاقيهم منزلين التتر
الاء : تلت ساعة لا يا عبده بيتهيقلك
عبد الرحمن : ١١ اعلان في دقيقتين كل اعلان هتلاقيهم تلت ساعة واكتر
الاء : لا صراحة معاك حق كمان الاعلانات السنادي كتير ورقص  وشغل واستثمار وبتاع  بجد بيزهقوا الواحد
عبد الرحمن :   والاهم من كل ده  يعني انا مستني المشهد المهم عشان الاقي التتر في وشي انا اصلا مش مهتم اعرف اسماء الممثلين انا عايز اعرف ايه هيحصل
الاء : معاك حق بس مش لدرجة تكسر الشاشة أنت عارف  الأسعار عاملة ازاي دلوقتي
عبد الرحمن : ما انا اتعصبت الله انا غلطان اني اسمع كلامك واتفرج علي مسلسلات اصلا دي حاجة تقرف وهاتي طبق الكنافة ده هاكله لوحدي
الاء : استني يا عبده الكنافة لا يا عبدده