Uni
အခန်း (၄၆၀) အစွန်းရောက်ရှစ်ပါးကမ္ဘာသို့ပြန်တော့မည်
ရွှီဖေးမျက်နှာထက်မှ တည်ကြည်လေးနက်မှုများပျောက်ကွယ်သွားပြီး ပုံမှန်အတိုင်း ပြန်ဖြစ်သွားသည်။ သို့တိုင် သူ့မျက်ဝန်းများထဲတွင် တုန်လှုပ်ခြင်းနှင့် ချီတုံချတုံဖြစ်ခြင်းများ မတွေ့မြင်ရဘဲ ဆုံးဖြတ်ချက်ခိုင်မာမှုအပြည့် ထင်ဟပ်နေ၏။
ရန်ကျောက်ကဲ ပင့်သက်တစ်ချက်ရှိုက်ရင်း သူ့လက်တစ်ဖက်ကိုရုတ်တရက် ဆန့်ထုတ်လိုက်သည်။ သူ့လက်ချောင်းများက ဓားတစ်လက်ပမာထက်ရှလျှက် ရွှီဖေး၏လက်မောင်းကို ထိုးဖောက်လိုက်သည်။
ရှီကျွင်းလေးက ထိတ်လန့်စွာအော်ဟစ်လိုက်သော်လည်း ရွှီဖေးက နေရာတွင်ပင်တည်ငြိမ်စွာရပ်နေရင်း ရန်ကျောက်ကဲကို အေးဆေးစွာကြည့်နေသည်။ ရန်ကျောက်ကဲက ရွှီဖေး၏သွေးများကိုအသုံးပြုပြီး နက်နဲရှုတ်ထွေးသော အင်းသင်္ကေတစ်ခုကို လေထဲတွင် ဖန်တီးရေးဆွဲလိုက်သည်။
ထို့နောက် သူက ၎င်းအင်းသင်္ကေတကို စန့်ချုန်ကြေးမုံမှန်ထဲတွင် ရောင်ပြန်ဟပ်စေလိုက်၏။ သွေးနီရောင်အင်းသင်္ကေတက ချက်ချင်းပင် ကြေးမုံမှန်ဆီသို့ ရိုက်ခတ်သွားပြီး အထဲသို့ စိမ့်ဝင်သွားသည်။
"ငါ သေချာပေါက် မင်းတို့ကိုပြန်လာခေါ်မယ်"
ရန်ကျောက်ကဲက အလေးအနက်ဆိုသည်။ သူ့မျက်နှာက ခါတိုင်းနှင့်မတူညီစွာ တည်ကြည်လေးနက်လျှက်ပင်။
ရွှီဖေးက ဒဏ်ရာကိုသွေးတိတ်အောင်လုပ်လိုက်ပြီး ခါးတွင်ချိတ်ဆွဲထားသောဘူးသီးခြောက်ကိုဖြုတ်ကာ သေရည်တစ်ငုံသောက်လိုက်သည်။
ထို့နောက် ရန်ကျောက်ကဲကို ပြုံးပြရင်း...
"ငါတို့ မင်းကိုစောင့်နေမယ်"
ထို့နောက် အရုဏ်ဦးသက်တံ့ကျောက်စိမ်းအနှစ်သာရဖြင့် ယင်ယွီကျန်းကို မည်သို့ဆေးကုသရမည်ကို ရန်ကျောက်ကဲက ရွှီဖေးကို သင်ကြားပေးလိုက်သည်။ ထို့ပြင် သူသိရှိသည့် အခြားသောဆေးကုသခြင်း နည်းလမ်းပေါင်းစုံကိုလည်း စာရင်းပြုစုပြီး ရွှီဖေးကို ပေးလိုက်၏။
YOU ARE READING
မိုးကောင်းကင်၏ မဟာအကြံအစည် (MM Translation) Part III
FantasyHistory's Strongest Senior Brother Original Writer : August Eagle Part - 1807 Translated by Zin Pyay
