منقذي سبايا داعش
حنين :- رمح الحكككك
بسرعه طفرنا :- شكوووو
ركضت حنين وهي تحجي :- امي تتقيأ بالحمام سواد
رمح :- شلوووون
منحس غير ركض بسرعه للحمام وشفنا خالتي واكعه باب الحمام
شالها بسرعه وركص بيها بالمستشفى
بقت لليل نتصل وميرد خابرت حنين على اخوتها والحمدالله طمنونا
كايلين الهم معدتها متخربطة
رجعوا بالليل خالتي منتهيه منتجيه على رمح ورمح يهدي بيها وهي على فد ونه
مددها
ريام :- اسويلها عصير
رمح :- لا منا ال ٢٤ ساعه يالله تاكل
ادحك رمح قلق سأل حنين :- احد جايب شي ماكلين شي من برا
حنين :- لا والله
رمح :- خير ان شاء الله ..
بالليل ويا خالتي اني كمت الوب
مااكلنا شي
ولا البيت بارد حتى تكول استبردنا
نمت جوه ورمح فوك كاعد يشتغل نزل ونام يم خالتي
واني كاعده بالاستقبال وامشي موتتني بطني
مااحس غير كلش بعد مدااتحمل ركضت للحمام واتقيأت حيل ماعندي اگف ، اسمع خالتي : ها يمه شنو شكو لا اله الا الله .. ولك يمه رمح تعال شوف مرتك
طلعت كعدت واني ميته منهاره بيه شي بس مااعرف شنو
هيج شلون الواحد ثكل على نفسه
راحت دكت الباب ، بس دكته فتحه وحواجبه طابكهن وعيونه دم حمر كبل
صاحت بي
-متشوف مرتك انت شنوووو
واني كاعده منتهيه باوعلي : مابيها شي كاعدة شبيها يعني إ
هزيت ايدي ودرت وجهي وكمت كل شويه متمالخين
حجت خالتي : مرتك جانت تستفرغ وطلعت روحها
وحضرة جنابك تكول مابيها شي ونايم ومترهي شنو
هالكلب الصاير عدكم ماادري
دفعته خالتي وفاتت للغرفه وهو اجه وراي مدنك وعاقد
حواجبه : شبيج ، صدك مريضه لو مثل سوالفج
وخر عني مو مممصدك وخر شكو جاييني صح بيا :-
-ويطبج طوب عساج لا حجيتي
فكيت عيني ع كبرها معقووله إإإ خييييير إإإ
صحت : هاي عليمن رمح
اندارلي رفع تك حاجب وراح للغرفه وطبك الباب بكل
قوته تخبلت بالزايد هذا شبي من كل عقله هيج يسوي
شنو هالتصرفات إإإ دمي احترك حرك نزلت جوه
وخالتي تلكتني بالمطبخ
انطتني علاكة
- اليوم من تنامين تغطي بيها ونامي هاي راية ابو فاضل
- ليش
- سوي مثل ماكتلج يمه
وصدك بليلتها نمت نومة من العمر كثر مرتاحيت
العصر تلكتني خالتي واني اسوي جاي :- شوفي يولي ذن خواتي
وبناتهن عدنه حلكج ماتفكينه خوش ماريد وحده تمسج
بحجايه لا انتي ولا ابني تفهمين ريام
-ليش خاله شكو
-لان بدخلتهن سمعن مناكرتج انت ورمح وهسه مايخلن
واحد مايحجن اله وشماتتهن تصير مالها والي
- زين خاله شسوي
- روحي الغرفتج واني احلها يلا يمه
- بس الـ
- لابس ولا بطيخ صعدي الحجرتج
- زين بس اجهز الضيافه
عاطت بيه :- رييييييييييياااام ترا عليتي كلبي ولي فوك
لا بالحرام اكسر راسج اصعدي
- عاد صعدت وكفت ع الدرج وخالتي اخذت الجاي
وتحجي وحده من خواتها :- صدك جذب صارن العمات
يخدمن الجنات جا وينها مرت الغالي الخابصتنه بيها
