تصويت وتعليق عمريي .
طلعت وفتت الغرفتي ضميت الملابس الرتبتهم وانداريت شفت فاطمة يم الباب :- هههه فطومة ؟
سديت الباب
انداريت وضحكت طلعت ملابس فهد و انصدمت هي ماكو !!
معقولة بالسرعة نزلت لو اني بالي مو وياي وكتها جنت افكر بحنين و هيج لأن شعور حلو انو يصير حفلة او عرس بالبيت المهم تكون فرحة ...وجانب ثاني مقهور من الوضع وهوسه براسي
هزيت راسي و نزلت اركض ع الدرج فتت الغرفة رُمح .. رُمح لازموو يلعب وياه و بصفو فطومة
حجيت واني اضحك و امشي
- ولج فطومة شوكت نزلتي
رفع راسو رُمح
- يا فطومة .. !؟
و رجع يناغي فهد
- شبيك فاطمة حفيدة ام حسن شنو ام حسن جايه؟ هاي متتوب ابد عجيب
- شبيج ريام شنو اتخبلتي؟ خرب زوع عَلَيّ ههههه اخذو مسح حلكو
ضحكت ببلاهه و مجاملة و ادحك فاطمة يم فهد
شنو شديصير
كعدت يصفو و رُمح شايل فهد و يناغي و عيوني تصير على فاطمة ..
افرك بعيوني و ادحك هي موجودة .. ضحكت و ضربت رُمح ع صدرو ضحك و كال :
شبيج وكحه
- دتسوي بيه مقلب تره اعرف سوالفك متخوفني
- شنو يا مقلب
- هاي فطومة كبالك تكولي ماكو شنو عمية قابل لتسوي هيج تعرفني ماحب هجي سوالف
-شكو ياسوالف
-اهووو رمح
اخذت فهد مسحت حلكو بكلنكس مرطب
وعيوني على فاطمة مديت ايدي اريد انزعو ثيابو انجرت ملابسي قوي وصارت صرخه ب اذني فزيت وفهد راد يوكع من ايدي وادحك ايدي ترجف وراخيه
وفهد يريد يوكع على راسو
رفعتو بسرعه وادحك ايدي اليمنى ترجف
واعصاب ايدي تنتفض ، صرخ فهد واني اشوف وضعي مثل الباهت ومبنجه ، فات رمح للغرفه شال فهد واني اشوف فهد يصرخ جر فهد مني :- اهدا بابا كافي حبيبي
- شبي
- مابي شي ارتاحي انا اغيرله
- شنو
- ماكو شي بابا روحي ارتاحي حبيبتي
اجت خالتي ع الصوت ، شالت فهد وصارت تسكت بي واني ادحك بدون وعي ، سحبني رمح الحضنو حجيت :- رمح
- اهدي
- شبيه شنو صاير شبي فهودي
رفع راسي وكال :- ابتعدي شوي عنه
- ليش اني ..اني مضربتو
اخذ ايدي وباسها وهي ترجف :- اعصاب ايدج تعبانه اخاف من المرض رجع عليج
- لا اني مبيه شي
- الشهرية ؟
دنكت .. رجع كال :- تعبانه منها ، ارتاحي هي هم تزيد التعب والمشاعر تتضاعف ويصير ارهاق واوجاع
- شلون عرفت ؟
مد ايدو بجيب البجامة ، وطلع البحث
وضل يدور دار التلفون عليه
ومطلع بالبحث ( اسباب تغيير المزاج عند الدورة الشهرية ) ( هل الامراض النفسية تؤثر على المرأة عند الدورة الشهرية ) .... دحكت بي وابتسمت :- تبحث علمودي ؟
- لا علمود نقيب محسن
- منو نقيب محسن
- صاحبي صاحبي ..
سحب راسي باسو واني بيه تعب عجيب ، :- روحي صعدي للغرفة ارتاحي
بدون ماارد
صعدت
وبقيت متمدده وبيه خنكة قوية ، كمت الكنتوري دااطلع ملابس ابدل ، رفعت راسي وشفت قطعه مذبوبة فوگ الكنتور وطالع نصها ، جريت الكعدة وصعدة فوكها سحبتها طلعت قطعة من تراكي مشكوكة توقعتو رمح مستخدمها رحت للحمام نكثتها من التراب جانت متربة بس التراب ابيض ..
