ستعود يوماً ما ، احلى واجمل ، وسنغني من أجل عراقنا الثاني ، الذي يحتضن جميع الطوائف العراقية بهتاف واحد ( سالماً منعما وغانماً مكرما .... هل اراك ....)
الى اهالي الموصل الكُرماء ، الذين لم يخضعوا للفاسدين المُتلبسين بالدين الكاذب ، الذين حاربوا وسالت دمائهم ، الذين دفنوا احبائهم في بيوتهم ، الذين ثبتوا للعالم ، ان الارض ارضنا ، لانتركها حتى وان ذُبحت اطفالنا ، اثبتتم للعالم نساء ورجال واطفال ،لاتتركوا بيوتكم للغرباء حتى لو كلفكم ذلك حياتكم ، واثبتتم بجميع طوائفكم انكم العراق الثاني
دم المذاهب اختلط بدم الاديان ، بكم يكتمل عُراقنا ...♥️
حب كبير جداً لأهالي الموصل الحبيبة ، وسلامٌ على دماء شهدائكم الطاهرة انتم ايقونة السلام
محبتكم في قلبـ ( وردة الشيخ محمد ) عظيمة جداً
يحتضنكم قلبي من البصرة الفيحاء ، الى الموصل اينما كنتم
مُنقذي سبايا داعش
لاتنسون التصويت +متابعة الحساب
وردة الشيخ محمد
" ستبقين ام الربيعين
حتى وان كَثُرت فيكِ الحروب ، ياموصل "♥️
من جهه طول الليل يون ومن التعب حتى يشخر وميحس بشي ، خلال ما هو ينام جنت بالخفيه اراسل الابنيه وهي تتأخر عليه بالرد واني اتأخر بس جنت احب كلامها ..
ورمح من شافو رجلو انطو اجازة .. ويراجع اطباء وميعرفون شبيها .. اخر واحد راجع عندو صديقو بريطاني وعايش بالهند كال رجلك خاست لان باقية بيها شضية جبيرة والشضيه نابت عليها اللحم واذا بقت اكثر تتسمم ورجلك تنكص ...
للحظة مسمعت البصمات اني مضلي حيل بس انوح وابجي ، ومن جهه وضعي حساس صرت اتخيل واحجي ويه نفسي وخفت افقدو وشعور الموت صار يمشي ويايه
وحسيت رجعت النقطة البداية
..هاجر من جهه ملتهيه بحياتها ، وخوات زوجها شادين وياها وبكل شي حاشرين نفسهم ويبزوها بالكلام
تخابرلي وبس تبجي ..
فد يوم جانت عندي وكاعدين مصفرات وحده ع الثانية ومقهورين على حرب ونعادت بينا الذكريات
وصلت مرحلة تفكر بالانتحار بسبب كلام الناس والمتنمرين لان هاجر شوي وجهه بي حفر اثر شضايا الانفجار والحروب فلي يشوفها يسألها هاي شنو وحتى اكو ناس بلا رحمه وبلا تربية تعيب عليها ، وكل ما يجيها هيج تفكير تكولي :- اروح للكاظم وارتاح ، نحن منبوذين ..
-لتحجين هجي ، انت الله عوضج بزوج واطفال وحياة جديدة وصدكي يجي يوم وننسى ..
- ولي بغوح العزيزة انا ليل ما عدطيق انامو ، باقيه بغاسي هذيك الصور اشقد ما احاول انسى احس نفسي عدغرق
-بس ماعدنا طريق غير هذا شنسوي لازم نصبر ، الايام كفيله بالنسيان
-اشون انسى وانا كشي عيذكرني بالماضي يعني ابن حماي يداوم بالحشد جابونوا شهيد الله لا يغويكي شعوري اش حسيتو
