Thlam ram ve tawh tak a kan luh chuan "enge he tah kan tih dawn", hawi hu hu chung in zawh bik pawh nei hranpa lo chuan ka ti a "kan spot na hmun a nih hi... Anuam ve mai mai ania", Tei'in atih chuan lungmuang lo zet in ka thu thla ve a eitur kan lei chhauh (chho) ho chu kan hawng zui rak rak a Tei chuan tawng siam siam phahin changel hnah ah chuan Waiwai a bawl a "kan sawmpari pawh chu alo va thleng har ve", Ropuia chuan ati chhen a thlam kawng khar pawh nei mumal tawh lo lam chu a hawi sek bawk.
"Ka lo kal atih kha i hman hmawh khu chuk zel a", Tei chuan alo ti ve hlak hlak bawk. Waiwai bawl vel kan ei lai in "khawiah nge kan Ramropuia chu", rawn ti lut tu hmeichhia chu ka melh zawk a, "âw ka sawmparte, sawmduhawm, sawm chhuah nuam nu", Ropuia'n alo tih chuan ten hmel zel hian Sawmpari an tih nu chu a ner nang nang a "min rawn ko thut tawh suh. Ka boss hi a denjariam teh mai nia", atih pahin arawn thu thla ve ngal zat min hmu ve chiah nge "ehe, squad kan pun belh tihna nge in bialnu ve deuh reuh", tiin mipa ho chu amelh a "kan squad member thar anih hi lawmluhna party kan hmang mek bawk chu vanga lo ko chhuak che lawm ka nih le sawmduhawm", Ropuia bawk chuan alo ti leh a Sawmpari chuan min en vung vung hnu ah "i hmel a common lo e, ka en vang vang che hian nangmah bak an i neih pawh ka hre lo", a ti mauh mai a lâwm tur nge lâwm loh tur pawh ka hre lo. "Kei pawh min hmuh hmasak ber in tiang khan min ti ve tho ania, hmeltha asawi fiah ve na anih kha", Tei chuan alo tia nuihza lo zet in ka then tha ringawt.
Khaw thim rual in in ka thleng a, stingroom a Bena te unau lo thu chu melh zawkin ka room ah ka chho a ka in bualfai te te hnuah in hnuai lamah ka chhuk thla ve leh chauh a, chaw kan la ei dawn loh vang in Bena te thutna ep chiah ah chuan ka thu thla ve nghal zat a, IG a uncle Tim min lo biakna chu ka chhang let ve chiah bawk. "Nangmah hi maw ka pa, pu sawhchiar ti tu chu", rawn ti tu chu ka en vat a, phir zinga pakhat zawk chuan min lo nuih var var bawk. "Sik... Sikidekhaw chungtiang sawi suh", zak lo tak anga lan tum chuan ka ti ve a, Kum 14 ka nih lai a thil thleng daih tawh tun a lo sawi chhuah vel kha a tul lo... "kha thu ka hriat a ka nuih nasat zia kha, tunah atakin ka hmu che a ka nuih aza leh", tia anui hak hak chu dak awrh khawp a ka chapal bun laia ka vawm pawp loh nan ka in sum hram hram.
Nu mawitei te khua Lungleiah nu mawiteipa boral kum khatna hmang turin kan zin phei a, chu mi tum chuan fatu ho in, " Pa Sanga bulah sawhchiar siam angai zu ti rawh purun lo la nghal la", an ti a sawhchiar kha ka vawikhat hriatna anih mai bakah mizo tawng tun ang hian ka thiam nal lo bawk nen khan in chhung ka va lut a, mi awm thep thup na kar ah khawiah nge Pu Sawhchiara khi ta an duh zu ko rawh an ti ka tih chuan ka thusawi hrepha ho chu an nui a, "tu maw i zawn", pa sanga nupui in a lo tih chuan "nangma pasal honey, dear kha pu Sawhchiara kha", ka tih bah deuh nuai chu "ipa sanga maw pu sawhchiara ani hlei nem pa sang ti rawh aw", kha min ti a, engtin nge ka koh dan kha an hriat zawk le kha tih hun lai khan ka hmu ve miah silo a.
"Kha tih hun laite chuan sawhchiar ka la hre ve hlei nem. Ka pu sawhchiara fate in ni tihna mi", ka tih chuan pakhat zawk chuan nui var var in a lu a bu a "ka hmuh ve siloh che u", ka tih leh chuan "phai lam a kan awm lai ania", nui var var chung hian ala ti a. "In mak e hengtiang em em a han in an theih tu zawk nge Ezra nia, tu zawk nge Bena pawh ka hre hrang thei lo che u. Tukina min phurtupa kha nangmah ini tiraw ezra zawk kha", kan thusawi thlak tum tak chuan ka ti a "ka ni em aw", alo tih kual vel chuan "chhinchhiah na ka duh ngawt mai ka hriat hran theih nan che u", ka tih chuan a nui leh hak hak tawh "kei mah hi ka hmeltha zawk a ka fel zawk bawk a, chuta tang chuan min chhinchhiah rawh. Ezra aw", alo tih tak ah chuan lu ka bu a Bena zawk chu atak ngul a biak hmasak ngai ang chi kha ania hmeichhe tam tak duh chi miza anei chungtiang chu ka sawi thiam dan Ezra erawh aletling thawk thung a, mi a be peih a anui peih bawk a anel awm zawk bawk a ka hre hrang thei tawh turah ngai ang.
Zan riah kan ei kham in rei lo te stingroom ah ka thu a, "a û pintess kawr ka hak hi a amawi em", tawng fiah vak lo a loicy in alo tih chuan "wow..mawi lutuk", ka lo ti ve a, ka hma ah chuan avir kual a anui har har bawk. "ka pintess kawr hi maw anu vamvami min pek ania", atih leh chuan "a nu ramrami chuan ava pe mawi che ve ka duh ve e", ka lo tih chuan "û te hak chi ani lo hei chu a tê chi ania i tawk lo a", rang zeta atih chuan ka nuih pui hak hak. Loicy chu R te hi alam fiah vak lo a, anu ramrami pawh Vamvami ah achhuah daih a, atawng duh reuh sia ka nuih pui ka nuih pui thin. "Puia mizo kha zirtha viau ang che", ka pa in atih lai chuan ka room lam ka pan san daih a thawh ka hai leh thut takin naktuka ka hak tur ka dah chhuak lawk sa vek bawk.
