Vawin atan a kan class tawp ber tur dar 2 daih anih tawh vangin canteen ah kan chawl a, kan thilchah kan ei laia "Ezra chhiat loh zia saw", kan hnunga hmeichhe thu ten atih chuan ka hawi chhuak a, Ezra leh Bena leh Tei putea leh mipa dang pa 2 chu an rawn in zui lut a "A let zâ in Tluangpuia saw a tha fe zawk", pakhat chuan ati ve thung, atunge Tuangpuia pawh ka hriat loh laiin "in mawng anih chu", Tei ti ri ka hriat chuan alam ka hawi phei vat a in kuangkuah than in kan hnunga thute thusawi chu uluk zet hian alo ngaithla a.
"Ani saw ka chan pual", pakhat in alo tih leh chuan a tu ber nge an sawi hriat tum in ka beng ka chhi uluk hle tawh "atu ber saw maw", mi dangin an tih chuan "khawlum karah pawh leather jacket ha ngat saw", a rawn tih leh chuan Ezra te thutna lam chu ka hawi a Tei putea ngei chuan Leather jacket chu alo ha run a, khua hi lum ti viau mahila, aha tu berin lum atih ve hmel loh ropui si chuta karah ain hmeh zek a, Mafia Boss nise phei se chuan a in hmeh zual ngawt ang. Ka ngaihtuah na mai mai chu leh ti rilru chungin ka lu ka thing na na a ka nui sak bawk.
"In ei tur kha in ei peih loh chuan chah loh mai tur alawm ka en reng che u a, in in thu rual nge vawi khat in ei bak in la ei lo. Kan biak che u lah in hre hek lo. Eng nge in ngaihtuah", Ropuia'n arawn tih chuan Tei chu ka va en a ani pawh in min rawn melh ve chiah bawk "ngaihtuah na vawkchaw chu ani lo phawt a", ka tih chuan Tei nen chuan kan nui dun hak hak a thawm kan siam ring deuh nge "nangmah ni chiahin in awm lo tih hre ta che u", kan hnunga hmeichhe thu ho in an rawn tih chuan kan ngaipawimawh lem lo. Tei chuan run luih nan ati nge a nuih zawng chuan akut chu abeng zui kher a keinin kan lo nuih pui thung.
"Kal sawn teh ang u. Hnam mawl awm khawm ni awm a mawi an nih hi. Mipui tam na leh tam lohna pawh hre thiam lo mizoram pawh an la pel lo tawp ang", kan hnunga thu zinga pakhat in arawn tih chuan an thian ho chuan an nui dar dar a "Ferme ta bouche", ka in sum zo tawh lo chuan chumi te lama in her phah chuan ka ti a, a rawn tawngtu ber chu a ke hmawr atanga a chhip ler thleng chuan ka melh a, chumi phah chuan "Niña fea", el(h)sen zet hian ner deuh sak chung in ka ti kher bawk.
"Inla changkang ho chuan a awm zia an hre lo ani maw, keini mizoram pawh la pel lo, kan chawlh hman ve na pawh Paris lek ania, nang ni chu Delhi nge Mumbai zawk ni ang aw, e lawk chungtiang te chu in kal pel vel mai mai ang chu in hosa hlawm sia America, Korea, Thailand, L.A tih velah in hman ka ring", Tei chuan ati a a hnu deuh lawkah "Mahse in America chu Baga te hi alo ni mai lo maw, in Korea te lah tawngkawlawng ha, in Thailand leh L.A phei chuh..", atih pah chuan alu chu athing zui na na a kan mipa te chu an lo nui suk suk mai.
"In in cheina chauh in ti changkang a ti kha chuan Ramropui in thleng lo tawp ang. Pawn lam chu rangkachak in chhunglam erawh thirtui ek in char nasa tawh phelh dawn pawh a acid tuia chiah ngai ang vel nun in nei a tenawm hian", Tei bawk chuan ati let zek a, chumi te chuan tik e tak e pawk an ti ngam lo thinrim hmel deuhin min melh kur ringawt
"In in cheina chauh a chang khanga in thinlung achangkang ve si lo, nangni ang hi lawm kan hnam than mawhbawk chu, in in cheina te makeup te chauhin in upgrade a, kha mi rual khan thinlung pawh kha upgrade ve rawh u. Pathian hian duh tak in min siam vek a, nangni sawisel leh rel phar vel mai mai tur in kan awm lo tih hre reng rawh u zahpui awm hian", ka tih hnu lawk ah "in eizawh tawh chuan kal teh ang u, ka hmutui tang nek lo e a", tih phahin ka bag ka la a ka kal zui nghal nul nul...
Pawn ka rah thlen rual in ka thiante pawh an lo thleng chawp chilh ve nghal a, min en chunga Ropuia nui leh vur vur thin chu "enge i hriat a", thinrim nisi lo aw kâ nel awm tak chhuah si lo a ka tih chuan "nichina i thusawi kha chu athluk adik khawp mai", atih chuan "a eng ber kha, ka sawi teuh kha", a mah melh ran a ka tih chuan "enge kha Niña itih fel kha, thluk mawi nu", kut zungpui ti pirva chunga atih chuan "awm ang ve ang chu mizo tawng tih loh a ka tawng hman tam pawl tak franch leh Spanish tawng anih kha, ka ngei ve em a kan ti ve hrep anih kha", nui var var chunga ka tih chuan ka darah sawmpuia chuan min beng thek thek a chumi rual chuan min nawr kal nghal det det bawk. "Kan hmeichhia te hi chu mipa ang in nia in tha chhan in ngai lo", kan thian zinga tawng tam lo ber mai Rinchhana chuan a rawn ti ve khauh a, ani hi zawng a tul tawp khawk ah lo hi chuan a tawng zen zen lo kan tih ang chi kha ania kan thian zing ah pawh hian a puitling ber a chutih rual in kan tih ang ang hian a awm ve mai zel a ropuia hian fiam takah a nei bawk.
