"Evasco, paprint naman nito kay Sir Somo. Reviewer nyo yan para sa long test. Pabigay nalang nitong drive kay Sir Somo." Utos sa akin ng subject teacher ko sa community engagement. Nag checheck kami ngayon ng notebook sakanya nung bigla syang nag announced na mag papalong test na daw sya.
Pinakita sa akin ng subject teacher ko yung i-pi-print sa comlab nila Sir Somo. Tumango naman ako dito at nag lakad palabas dala ang drive. Tapos ng i-check ni Ma'am ang notebook ko kaya kampante ako habang nag lalakad ako ngayon papuntang comlab. Medyo binabagalan ko pa ang lakad ko nung dumaan ako sa gymnasium dahil may mga nag lalarong cardinals doon.
Nag papractice sila dahil mukhang may laban nanaman sila.
Nang makaakyat sa second floor ng ICT Building ay napahinto pa ako. Bigla akong nakaramdam ng kaba dahil na din siguro sa nangyaring issue sa amin ni Sir Somo nung nakaraan. Sinabihan kasi nung alaga nya ang mga officer ko na bawal daw silang utusan nung nag karoon kami ng activity nung nakaraan. Kailangan daw may permission ni Sir Somo bago sila utusan.
Ang kalaban ngayon ng student council ay mga anak ni Sir Somo. Nag tayo kasi ito ng organization para sa mga researchers ng school. Ito ay ang RGS. Researchers of Greenhigh Senior high. Para sa akin hindi sila kalaban sa organization namin dahil malaki ang tulong nila para sa credentials ng school. Pero dahil sa mga bulungan.
At dahil na din sa ginawa nung officers nya sa officer ko ay parang nag karoon tuloy ng mataas na pader sa pagitan ng RGS at student council. Hindi ko din masisi ang iba dahil sa pinag uusapan nila ito. Para sa akin hindi naman ito big deal. Hindi big deal sa akin ang pagiging entitled nila sa school pero dahil may nangyari ngang issue ay bigla akong na disappoint.
Nagalit si Ma'am Faith dahil sa sinabi ni Sir Somo, disappointed din sya. Dahil medyo kaclose nya si Sir Somo tapos biglang issue ang kakalat na kinakalaban ng mga researchers ang student council. Nakaka disappoint din. Pero hindi naman ako humantong sa sobrang disappointed sa RGS. Ewan ko kung bakit.
Inaapakan na ang student council officer's ko ng ibang organization hindi ko alam kung bakit parang wala lang sa akin. Siguro dahil part si Eleazar ng mga researchers. Akala ko nung una si Eleazar ang president ng RGS. Pero nag kamali ako. Yung president ng ICT 12-A ang president ng RGS.
Siguro dahil hindi pala pasok si Eleazar kaya hindi sya yung naging president or talagang ayaw nya lang talaga.
Baka busy sa girlfriend.
Bumuntong hininga ako bago ko binihit yung doorknob ng comlab.
Be professional, Monday. Andito ka para mag print hindi makipag tarayan kay Sir Somo kung sakali mang tarayan ka nya or kausapin tungkol sa nangyari. Kung kausapin ka nya dapat chill lang. Relax. Be professional ikaw pa din ang student council president kaya huwag kang mag papadala.
Malakas ang kapit ni Sir Somo sa school principal kaya umayos ka.
Nakagat ko ang ibaba kung labi nung bumungad sa akin ang napaka lamig na hangin galing sa loob ng comlab. Sa lamesa ng adviser ko ako napatingin. Malinis na ang kanyang lamesa at mukhang kanina pa ito umalis. Napatingin naman ako sa paligid ng comlab.
Tahimik ang comlab. Walang tao except sa lalaking nag lalaptop sa color gray na may kagat. Napatingin sya sa gawi ko. Walang expresyon ang kanyang mukha. Mukhang naging istorbo pa ako dahil sa ginawa kung pag silip dito sa comlab.
Nasaan naman kaya si Sir Somo! At bakit mag isa lang dito si Eleazar?!
"A-Ah..." Nakagat ko ang ibaba kung labi nung walang lumabas na kahit isang salita sa akin. Nakita ko ang dahan dahang pag kakunot ng kanyang nuo habang ang kanyang atensyon ay nakatingin pa din sa akin. Ang kanyang dalawang magandang kanyang kamay ay naka lapad padin sa laptop.
