[Unicode]Part 4
__________________
အနောက်ဝရံတာရှိ ခေါက်ကုလားထိုင်လေးပေါ်ထိုင်ပြီး radio ကလာတဲ့သတင်းကိုနားထောင်နေတဲ့အကိုထယ်ယောင်း။အနည်းငယ်ရှည်နေတဲ့အကို့လက်သည်းတွေကို ညှပ်ပေးရင်း အကို့အား ဘေး၌အဖော်ပြုပေးနေမိသည်။
အကို့ရဲ့လက်ချောင်းတွေဟာ ယောက်ျားတစ်ယောက်ရဲ့လက်ချောင်းပါလို့မထင်ရက်နိုင်အောင်အထိ လှပသွယ်လျလွန်းသည်။ ဒီလက်ချောင်းတွေက အမှန်ဆို စန္ဒရားခလုတ်တွေပေါ်လှလှပပရှိနေရမှာ။အခုများတော့....
"နေကျပြီးသွားရင် ချိတ်ထားတဲ့သစ်ခွလေးတွေဖြုတ်ပြီး ရေဆွတ်ဦးနော်ဘောမ်ဂယူ..."
ဘောမ်ဂယူအတွေးများနေခိုက် အကို့ဆီက သတိပေးစကားထွက်လာသည်။
"ကျွန်တော်လုပ်လိုက်ပါ့မယ်..."
ဝရန်တာ အပေါ်ဘက်တန်း၌ ချိတ်ဆွဲထားသော သစ်ခွအိုးလေးများကိုအကိုကအမြဲဂရုတစ်စိုက်ရှိသည်။အောက်ဘက်ရှိပန်းအိုးများကိုတော့ အကိုက သူ့ဘာသာ ရေလောင်းလေ့ရှိပေမယ့် ထိုသစ်ခွအိုးများကျတော့ ကျကွဲမှာစိုးလို့ဆိုပြီး သူလုံးဝမထိ။
"အော်...ဒါနဲ့မေမေက သစ်ခွတွေအသစ်ရောက်လို့ အကို့အတွက် သုံးအိုးချန်ထားတယ်တဲ့..."
သူပြောတော့ အကိုကပြုံးသွားလျက် တက်တက်ကြွကြွပင်...
"ဟုတ်လား...ချိတ်စရာနေရာရှိသေးရင်တော့သွားယူလေ"
ပန်းဆိုသည့်အသံကြားလိုက်တာနဲ့အကိုကပြုံးသွားလေ့ရှိသည့်အကိုထယ်ယောင်း။ထိုအပြုံးကိုမြင်တော့ အကိုအရင်က အမြဲပြောဖူးတာကို ဘောမ်ဂယူသတိရမိ၏။
'ပန်းပင်ရေလောင်းမယ့်သူ ရောက်မလာသေးလို့ရယ်ပါ...ငါက အနောက်ဝရံတာမှာပန်းတွေအပြည့်စိုက်ချင်လှပြီ'...တဲ့။
အကို့အတွေးလေးတွေကလဲ အကို့နည်းတူ ကဗျာဆန်ကာလှပလွန်းသည်။ယခုပင် အနောက်ဝရံတာ၌ ပန်းပင်တို့များစွာရှိနေခဲ့ပြီ။သို့သော်အကိုက ထိုပန်းတို့၏ရနံ့ကိုသာခံစားနိုင်ပြီး အလှကိုတော့မရှူမြင်နိုင်။
တစ်ဆက်တည်း၌ ပန်းပင်ရေလောင်းမည့်သူဆိုတာ အကိုချစ်ရပါသော ထိုယောက်ျားအားဆိုလိုခြင်းပင်လားဟု ဘောမ်ဂယူတွေးမိသည်။တစ်ခါလေကျ ဆိတ်ငြိမ်လွန်းလှသော အကို့အတွေးထဲဘာတွေရှိနေသလဲဆိုတာ ဘောမ်ဂယူသိချင်လွန်းလှပါသည်။
YOU ARE READING
𝙰 𝙻𝚎𝚝𝚝𝚎𝚛 𝚃𝚘 𝑍𝑖𝑛𝑛𝑖𝑎
Fanfictionမင်းကို သတိရတိုင်း ဒေါင်းဖန်ဝါလေးတွေဆီ စာလွှာလေးတွေ ကိုယ်ပေးပို့ပါ့မယ်။ JJK X KTH OST: WYD Now? by Sadie Jane Warning: This fiction will be included male pregnant❗ မင္းကို သတိရတိုင္း ေဒါင္းဖန္ဝါေလးေတြဆီ စာလႊာေလးေတြ ကိုယ္ေပးပို႔ပါ့မယ္။
