Alarm ပေးထားတဲ့ ringtone တတီတီ မြည်သံ
ဆယ့်ငါးမိနစ် လောက်ကြာပြီးတဲ့နောက်တော့
ဂျောင်းဟန် အိပ်မှုန်စုံဖွားနဲ့ ထရတော့တယ်။
ညက ဘယ်လိုမှ အိပ်မပျော်တာကြောင့်
အိပ်ဆေးသောက်အိပ်မိတာ , မနက်ကျ
တော်တော်နှင့် မနိုးတော့ ။
ရှုပ်ပွနေတဲ့ ဆံပင်ကို ထပ်ဖွလိုက်မိရင်း
မနေ့က ကိစ္စတွေ ပြန်တွေးမိသွားသည်။
" ကိုကိုက ဂျောင်ဟာနီ့ကို ချစ်သူလိုမျိုး ချစ်တာ "
" ပိုင်ဆိုင်ချင်တယ် "
" မြင်နေရရင် ဖက်ထားချင်တယ် "
" ပါးလေးတွေကို နမ်းခွင့်ရချင်တယ် "
" ကလေးလေးနဲ့ ပက်သက်တဲ့ အရာအားလုံးကို လိုချင်တယ်၊ သက်ဆိုင်သူ ဖြစ်ချင်တာ "
ကိုကို ပြောခဲ့တဲ့ စကားလုံး တစ်လုံးချင်းစီက
သူ့ခေါင်းထဲသို့ အစီအရီ ဝင်ရောက်လာကာ
မနက်စောစောမှာတော့ ဂျောင်းဟန် စိတ်ကလေး
ပိုရှုပ်ထွေးနေရပြီ။
တံခါးခေါက်သံနှင့်အတူ မေမေက ဝင်လာကာ
ကုတင်ပေါ်ကို ဝင်ထိုင်လာသည်။
ပြီးတော့ ဂျောင်းဟန် တင်ပါးလေးကို
ဆတ်ခနဲ ရိုက်ကာ
" ဂျောင်ဟာနီ ထ ပါတော့လား
ပြီးရင် မင်း ကိုကိုက ကျောင်းသွားဖို့
လာခေါ်တော့မှာလေ "
ဂျောင်းဟန် ဖုန်း နာရီကို တစ်ချက်ကြည့်လိုက်တယ်၊
သူ ဒီနေ့ ကိုကို့ကို မျက်နှာချင်းမဆိုင်ချင်သေးဘူး။
ကိုကို့ကို ဘယ်လိုတုံ့ပြန်ရမလဲ သူမသိချင်သေးဘူး။
" သား ဒီနေ့ ကျောင်းမသွားဘူး "
" ဟဲ့ ဘာဖြစ်လို့တုန်း "
နေမကောင်းချင်တာလို့ အကြောင်းပြချက်ပေးရင်လည်း ကိုကိုက သူ့ရှေ့ ကျိန်းသေပေါက် ရောက်လာမှာ သေချာသည်။ သင့်တော်တဲ့ ဆင်ခြေတစ်ခုကို
စဉ်းစားမှ ဖြစ်မယ်။
" ဟို ... ဒီ.. ဒီနေ့ ကျောင်းမှာ နောက်ဆုံးနှစ်ကျောင်းသားတွေ ဘွဲ့ယူကြမှာ ၊ ဆရာမတွေလည်း
အလုပ်ရှုပ်နေကြမှာဆိုတော့ မသွားလို့ ရတယ်
အဲ့တာကြောင့် "
ဂျောင်းဟန်ကို မယုံသင်ကာနှင့် ကြည့်လာတော့
သွားစိကာ ပြုံးပြလိုက်ရင်း မလုံမလဲနှင့်
ခေါင်းတဆတ်ဆတ်ငြှိမ့်ပြလိုက်မိသည်။
YOU ARE READING
Let Me Love You
Fanfiction" အချစ်ဆိုတာကို ကျွန်တော် သေချာ မသိဘူး မသိချင်သေးဘူး " " ကိုယ်စောင့်ပါ့မယ် " - Written In Burmese #JHHJ
