بّــسمِ آللّهِ آلَرحمِـن آلَرحًـيـمِ
.....................................................................
"غزل"
يوم الجمعة الساعة 10:05 صباحآ
واكفة كدام المراية اجهز نفسي لان بنات عمي راح يجن قريبا والابتسامة شاگة حلكي وباوعت ؏ نفسي لاخير مرة ورشيت عطر ونزلت للطابق الاول
كعدت بصف محمد وبعد مدة قصيرة اجا لؤي وروزان واوراس كمت من مكاني وحضنتهم لان مشتاقتلهن بادلني الحضن
وانتبهت ؏ روزان تباوع ؏ محمد وتفرك بأيديها بتوتر وفقت من تفكيري ؏ صوت مصطفئ يردف
مصطفى: مي ارو شلونج
اوراس: انجب صوفة
مصطفى: وين الرقة وين الانوثة ايعع
اوراس: خليتهن الك
راد يحجي بس قاطعتة
غزل: هايي شبيكم عبالك توم وجيري
اوراس: هو الي بدأ
غزل: هسة كافي ويلا بنات سلمن وتعالن للغرفتي
البنات: تمام
صعدت قبلهن للغرفة وطلعت اوراق الاونو وسمعت دك ؏ الباب سمحت الهن يدخلن وضلينا نلعب وراحت روزان تجيب الجنط
وضليت العب ويا اوراس وبعد مدة اجت روزان تبجي ركضنا عليها وكامت تحجي بكلام ما فهمتة بس اتوقع اوراس فهمت
اوراس: اهدأي حبيبتي
روزان: اني الي نهيت كلشي بس بعدة گلبي متعلق بية وهو دا يزيد الوضع سوء
غزل: تقصدينن منوو؟!
......................................................................
"محمد"
كعدت من الصبح وتوجهت للحمام سبحت ولبست ملابسي وطلعت صورتها وضليت اتأملها واخيرا راح اشوفها بعد 7 سنوات
نزلت وشفت مصطفئ كعدت بصفة وضلينا نسولف لحد ما اجتمعنا كلنا وبعد مدة شفتها ضليت اباوعلها وحسيتها توترت
وبعدها راحت للغرفة غزل ضليت قريب من الغرفة حتئ استغل اي خروج الها واعرف سبب رفضها الي بالفترة الاخيرة
وبعد مدة شوية طويلة شفتها نازلة للطابق الاول لحكتها واتأكدت من الوضع وتقربت من يمها وهي لاحضت رادت ترجع للغرفة
بس لزمت ايدها وجريتها علية وكنا قريبين من بعض دفعتني بس قربتها اكثر مني ودفعتها ؏ الحايط
روزان: اتركني محمد
محمد: جاوبيني ؏ سؤالي واتركج
روزان: اي سؤال
محمد: ليش نهيتي علاقتنا ورفضتيني قبل 7 سنوات
روزان: ما يخصك واتركني
YOU ARE READING
آلَمِــآس
Romanceمِــاذا عــن آلَماسة دخلت الئ الًجحيم هِلَ فـيًّ آلَنــهِآيـٌة ًسًــوُف تََــتََـخـلَص مِــنـة؟ آمِ ًسًــتـكَمِـلَ حًيـآتـهِآ فـُيـة
