بّــسمِ آللّهِ آلَرحمِـن آلَرحًـيـمِ
......................................................................
"غزل"
جنت ادرس وسمعت رنة تلفوني تدل علئ اتصال شخص اخذتة ولكيت القذر دا يتصل بية رفضتة ورجعت ادرس واتصل مرة ثانيه تجاهلتة ودك اكثر من مرة وفجأة وصلتني رساله
_غزل تردين لا يصير شئ ما يعجبج
_تردين لا اجي اجنزج
_رديت، ادم انجب
_غزللللل ترا اريد احجي وياج بموضوع مهم بطلي تصرفاتج الطفوليه
استغفرت ربي واتصل ورديت: يلا اخلص شرايد
_رايدج احمم اقصد اريد احجي وياج بشئ مهم اكو احد يمج؟
_لا، يلا استعجل ما تكول بنية عندة دراسه مشغوله بس انتَ لا احساس ولا ضمير قذر شترجه منك
_المهم الاسبوع الجاي راح اجيب امي واخطبج
كمت ؏ حيلي بصدمة واردفت بنرفزة
_منو كلك تتصرف من نفسك شنو باجر راح تخطبنيي
تجاهل كلامي واردف
_واريد بعدها بّــ يومين اسمع الموافقة وتعرفين شيصير لو ما نفذتي كلامي جميلتي
غلقت الخط ودفنت وجهي بالمخدة ونزلت دموعي واني خايفة من الي راح يواجهني
اتصلت علية ريم وحنين وياخذن رأيي بالفساتين مال الخطوبة اختاريت الهن وطفيت التلفون وتوجهت للغرفة محمد ولكيت مصطفئ يمة
ركضت للمحمد وحضنتة ودفنت وجهي بصدرة وانهاريت بحضنة واحلئ شئ بّــ محمد ما يسأل عن شئ الا من اهدء
ومصطفئ جرني من محمد ومستغرب من وضعي بس محمد سكتة واستمريت بالبجي واردف مصطفى
مصطفئ: ما اعرف صارلج اسبوعين شاك بيج شئ
غزل: لاا ما بية شئ بس ما فهمت موضوع وهم عندي تراكم بالمواد وانقهرت
باوعلي بشك وطلعت بسرعة وغميت نفسي ودخلت للغرفة وقررت احجي كلشي للبنات تقربت من يمهن واردفت
_بنات اريد احجي الجن شئ بس عليجن الله لا تكولن
روزان: كولي حياتي
تنهدت وبديت احجي كلشي من البداية لحد ما اتصل بية اليوم روزان فتحت عيونها بصدمة ولطمت ؏ خدها واوراس كامت حتئ تفضحني
غزل: ولجج اكعدي لا تكولين اي شئ عليج الله
اوراس: لوين تبقين فاهية بهل الشكل مبين يستغلج ومو بكيفة يقتل ويفعل
غزل: ولجج يسجن محمدد ويقتل مصطفئ ما اكدر ارفض واذا ما سوا شئ لاخواني راح يشوة سمعتي
اوراس: لا تخافين اهلج عندهم ثقة بيج وياثولة انتِ عندج دليل تكدرين تسجلين مكالمتة وهو يهدد وسلمية للشرطة وتنتهي القصة بس انتِ ثولة وفاهية
YOU ARE READING
آلَمِــآس
Romanceمِــاذا عــن آلَماسة دخلت الئ الًجحيم هِلَ فـيًّ آلَنــهِآيـٌة ًسًــوُف تََــتََـخـلَص مِــنـة؟ آمِ ًسًــتـكَمِـلَ حًيـآتـهِآ فـُيـة
