🌸 " حِينَ انوِي " 🌸
🍃 الحلقة الـ24 🍃
واخيراً وليس اخراً فات العيد وجا اسبوع العرس وكانت حفلتي يوم الخميس الجاي ، واليوم كان الاحد ، مكانش عندي الا جليلة وفرح ، طق الباب وتوقعته حد من خوتي بس لما فتحت الباب انصدمت متوقعتش نهائي . . خالاتي ؟ " عندي خالتين خديجة الكبيرة متزوجة منعرفش مني صغارها ولا قداش عندها لان احمد مانعني عليهم من وفاة بوي الله يرحمه ، يعني ليا اكتر من سنتين لا شفتهم ولا شافوني ، وخولة الصغيرة م 92 مش متزوجة متخرجة وتخدم ،
انا / خووولة 😨😨
خولة / خوووولة يا روووح خووولة 😭😭 واضبطني
انا دموعي بدو ينزلو / استاحشتكممم والله استاحشتكم
خديجة شدتني واضبطتني / يا حليلي علي بنيت وخيتي 😢 الله يرحمها الحنينة 😢 قطعوك منا يمي ، حسبي الله ونِعم الوكيل 😢
انا تفكرت جليلة مسحت دوموعي / خشو خشووو
خشو سلمو عليها وقعمزو
خولة / كلمني خوك الوسطي تقريبا ،
انا / محمود ؟
خولة / اي .. قالي عرسها الخميس وتعالو احضرو واقعدو معاها
انا / باهي الحمدلله ان في حد من اهل ماما معاي ❤
خديجة / سلم بنتي ، مبارك عليك ربي يهنيك ان شاء الله ، قوليلي من خداك ؟
انا / ولد عمي خالد الكبير مهند اسمه
خديجة / اه مهند ولد فريدة ؟
انا / اي
خديجة / الي كان مسافر برا ؟
انا / ايواه
خديجة / ما شاء الله عليه هداكا
انا / اي ❤ وإنتِ خالتي قداش عندك صغار توا ؟
خديجة / هونا انا ف وفاة بوك الله يرحمه حامل بولدي الاول ، وجبت بعده بنية
انا / ووينهم خيره مجبتيهمش ؟؟؟
خديجة / خليتهم مع جداهم متعبين
انا / جيبيهم خاطري نشوفهم ❤
خديجة / تو الايامات الجاية نجيبهم
انا / وإنتِ خولة شن صاير فيك ؟؟
خولة / يييييه بالله ، انا كنت مخطوبة وانقرت فاتحتي بعدين اطلقنا
انا خفت / هيييي علاش 😨
خولة / خواته حاكمين فيه ف كل شي دير هكي مديرش هكي ، كل ما بيحدد العرس هما يختارو التاريخ وهما بيختارولي الفيلو والمزين ، قلت لا يا بابا انا ميساعدنيش هكي ، يا انا يا خواتك كانا هكي ، قالي لا انا منقدرش نسيب خواتي ، قتله مالا سلامتك طلقني وخلاص ، اطلقنا
ESTÁS LEYENDO
🌸حين أنوي🌸 "مكتملة"
General Fictionروايه باللهجه الليبيه ومنقووووله للكاتبه بلقيس مكتملة "قراءة ممتعة "
