🌸 " حِينَ انوِي " 🌸
🍃 الحلقة الخامسة 🍃
جا الصبح ونضت وانا راسي مصدع مش عارفة من الضربة ولا من كتر النوم 😂 تلفت يساري لقيت ايوب راقد وباين ارهاق تحت عيونه عرفته مش راقد ما بيتش انوضه خشيت للحمام " حشاكم " توضيت وطلعت صليت وقعمزت ف مكاني ونتأمل ف السقف قالك 😂 اصلا شن عندي ندير ؟
منعرفش علاش للحظة حاجة غمت عليا وحسيت روحي مضايقة ومخنوقة بننفجر ونبي حد نفش غلي فيه 😤 بلا سبب وشوية هكي وخش ..
احمد / السلام عليكم!
عرفته الاحساس مش من فراغ 😭 مرديتش / ...
احمد / الناس ترد راه
ايوب ناض وشافه / استغفر الله العليِّ العظيم شن جيبك انت ؟؟
احمد / شن شن جيبني احترم نفسك اختي وبنجاها شن ليك علاقة انت ؟
ايوب وقف / ههه اختك ؟ خليت فيها اخوة ع الاساس
خشت جليلة ووليد
جليلة / اووو مصحصة اليوم ما شاء الله الحمد لله علي سلامتك . وشافت لـ أحمد
انا / الله يسلمك جيجي 💓
وليد / الحمدلله علي سلامتك يا جرجورا 😉
انا ضحكت / هههههه الله يسلمك يا وليد صحيت ما قصرتش والله .. نتكلم وما نشوفش لاحمد نهائياً
خش الدكتور / ما شاء الله .. لالا اليوم بالرسمي بنديرلك خروج صحتك باين عليها عال العال
انا ابتسمت / ياريت والله ☺
قعد الدكتور يشوفلي ف راسي وفك الخيط متع الجبس اللي راكب ف رقبتي وقعد يحركلي فيها
الدكتور / توجع فيك ؟
انا / لالا
الدكتور / باهي معناها مش كسر قوي .. بنديرلك ورقة مراجعة و ف غضون اسبوع تعالي ولو مش محتاجة جبس اكتر من هكي مرات نفكهولك .. لان الكسر مش كبير بسيط والعظم ح يلتأم ويتجبر فيسع ان شاء الله
انا فرحت / الله يبشرك بالخير يا دكتور 🙈
االدكتور ضحك / هههههه لكن عاد متنسيش دواياتك و متنسيش تاكلي الدحي واشربي السحلب كويس جداً للعظام وحليب
جليلة / ولا يهمك دكتور ح نهتم بيها ان شاء الله
الدكتور / بالشفي .. لا باس عليك
انا / سلمك.. طلع الدكتور وطلع معاه ايوب باش يديرولي وراقيا ووراقي الخروج
وليد / هي وتو روحكم كان هدا
جليلة / هيا هي . وطلع وليد
احمد شاف لجليلة / بتقعدي معاها ف حوش بوي ؟
جليلة / لالا بنجيبها تقعد عندي انا بنخدمها
احمد / شنو شنوو؟؟ لالا مفيش تروح للحوش الطلوع متع بنقعد عند فلان وعلان لاااا
VOCÊ ESTÁ LENDO
🌸حين أنوي🌸 "مكتملة"
General Fictionروايه باللهجه الليبيه ومنقووووله للكاتبه بلقيس مكتملة "قراءة ممتعة "
