🌸 " حِينَ انوِي " 🌸
🍃 الحلقة الـ34 🍃
خولة / وين هدا كله ؟
انا / خشي ف لموضوع طول . خيره محمود ؟
خولة / كلمني وقالي نبيك ومش عارفة شنو
انا / كيف يبيك انا مفهمتهاش اهيا ؟
خولة / يبيني بيتجوزني شن مفهمتيهاش
انا تفكرت محمود لما قال بناخد مرا تانية / اااه باهي وإنتِ عادي تتزوجي واحد متزوج ؟
خولة / تي ماهو حتى انا شبه كنت متزوجة 😔 ولما طلقني معش حد شافلي ، وبعدين مرته بيطلقها
انا / لا يا خولة ردي بالك ، حرام عليك تخربيلها بيتها المرا عندها بنية
خولة / انا مقتلاش طلقها يا جوري ، هو قالي مش مستريح معاها
انا / ان شاء الله خير ، وامتى بياخدك
خولة / كلمت علي عليه ، قعد يقولي متأكدة محمود خووو جوري 😂 ؟ قتله اي ، قالي كانا كويس خلي راجل خديجة موكلك لان قالي نبي سنة ولا اتنين مش مروح
انا / شن يدير غادي بنفهم
خولة / مرته الاجنبية بعد ما جابت معش تبي تجي ، وهو ميقدرش يسيبها ، تعرفي إنتِ عاد الخيانة عند الاجانب كاترة
انا / حالة ، قصدك بتولي مرت خوي 😂
خولة / خالتي مرت خوي 😂
انا / اي 😂 ، حقااااا خوخة ، انا حامل
خولة / والله 😍😍 بااااهي حبيبتي الف الف مبرووووك ربي ينوضك بالسلامة
انا / تسلميلي يارب عقباليك
خولة / سلمك حبوبة ، هيا مالا سلام
انا / سلام ، وسكرت وخشيت لمهند لقيته نوووم
.
.
ثانـي يـوم
انا / مهند اليوم بترفعني ناخد قفطان مخصنيش فيك
مهند / باهي حبيبي تشبحي فيا نخدم ، والخدمة اللي خادمينها وانا غادي زي وجوههم لاعبين ف الدنيا ، ملبزين هلبا
انا / لكن اليوم الاحد وانا بنمشي نبات التلات معش وقت 😩
مهند شافلي بنص عين 😂 / من سمحلك تمشي التلات وتباتي
انا / نعرف حبيبي ح يخليني
مهند / حبيبك مش ح يخليك ، هنيلي روحك تو التلات نطلعك تشري قفطان
انا / مهنننند
مهند / لا مهند لا شي ، ديريلي قهوة نوضي
انا نضت مغلولة /
مهند يستفز فيا / بري بشوية
انا حدفت عليه الشبشب اللي لابساته / منيييييش ماشية بكككل باهي 😡 مفيش قهوة ، وفتحت الدولاب طلعت بلوزة وسروال ومشيت لبستهم وخشيت خديت وشاح ونسخة مفتاحي
أنت تقرأ
🌸حين أنوي🌸 "مكتملة"
General Fictionروايه باللهجه الليبيه ومنقووووله للكاتبه بلقيس مكتملة "قراءة ممتعة "
