رجعت وهي ماسكة العلاج وتركض والنفس مقطوع منها ماتدري من ذا الدينصور الي قابلته من دقايق عطت جدتها العلاج وجلست جنبها وهي تلقط انفاسها
ام صقر وهي تمسح على شعرها : وشبلاتس نفسك منقطع
مسحت وجهها وهي تقول : كنت خايفه وكان ضلام ياجده
الجده مسكت العلاج واكلت منه وشربت مويتها وهي تقول : اخخخ ياجواهر والله مامثل احد بغلاك بقلبي
ابتسمت جواهر بحب وهي تبوس جدتها وتقول : يحفظك ربي
ابتسمت الجده وهي تناظر جواهر وتفكر اذا بالي سوته مع فارس وجواهر منطقي ؟
جواهر ناظرت القمر وهي تقول : اليوم مكتمل
جدتها سرحانه بتفكيرهااا ولا سمعت
جواهر رفعت حاجب وهي تقول : ماخذ البال يتهنى
ضحكت ام صقر وقامت وهي تقول : بدخل انام يامي وانتي روحي نامي لا يجيتس برد
ابتسمت جواهر وهي تقول : لابسه شالي ياجده الا تنصدم ان الشال ماهو بعليها
ضحكت الجده وهي تقول : ماشوف شال يامي انتي
جواهر تذكرت يوم البغيض سحبها وطاح شالها وعضت اسنانها بقهرررر وقالت : شكلي نسيته بفراشي
ام صقر عارفه انه تكذب بس ابتسمت ودخلت وسكرت باب خيمتهم بتنام
جواهر قامت وهي متكتفه على نفسها وتقول تقول اجيب شالي يا الله انقذني لو احد يشوفه بتصير كارررثه بس اخاف اروح والقى الدينصور ذااا بوجهي عضت اظافرها بتوتر بس قاطعت نفسها وهي تقول لا ذا نام ولا اهتم اني برااا الخيمه وش من قلب عنده بعدها جابت الشال ورجعت لفراشها ونامت
رواية وانا على شوفتك مغرم وملهوف
الصبح الساعة 30 : 7
الكل صاحي يفطر رجال وحريم مجتمعين يفطرون البنات بجهه ومتغطيات بطرحات والباقين جهه
سعود بضحك : ياعمي لو تعطيني من بناتك بيصير فضلك علي ماينشكر على مر السنين
ابو عزيز : منهي تبيهاااا
سعود : يارجال اي وحده
ام سعود: ههههههه سعود لاتتحمس ياوليدي
ابو سعود : خلوني اقوم ادفنه هنااا بس
ابو صقر : وش قال هالمسيكين
سعود زم شفايفه بتمثيل : تشوف يجد يعيقون طريقي
فارس بضحك : سعود وانت من بترضى فيك ؟
جهاد ابتسمت : جواهر وشبتس ترا يدك طالعه ماستحيتي !
نوره : الله يعينا صراحه
طيف : هههههههههههههه
جهاد بنرفزه : نوره وش عندتس علي ؟
جواهر وهي تناظر فارس وودها تقوم تكب الشاي عليه مانست امس كيف عصب عليها وكيف يهين تربيتها ! بس حالفه تنتقم اشد انتقام
دقتها مع كتفها ولاء وهي تقول : من ماخذ بال حلوتنا
بدور : لا تسالين الجامعة طلعت شيب راسها
جواهر : هههههههههههههه
جهاد : ححستني محد يدرس غيرها
طيف : اي اشوفس مجتهده تبارك الله
جهاد بغضب : من دخلك انتي بينا ؟
طيف : اوه معليش انت من دخلك على جواهر ؟
نسرين : بس بنات والله ازعاج من الصبح
بندر : ياجد
ابو صقر : سم بندوري
ذياب بسخريه : اما بندوري
بندر بتهديد : ذياب اهجد حبيبي
ذياب : وان ماهجدت ؟
سعود : بدينا عربجه
ذياب : ياسعود مالي خلقك
سعود مسك المويه ورشها على ذياب
ابو ذياب : افا يذا العلم سعود !!
سعود : تفو على حظي عمي ماياطالع الا لما اسوي بلى
ابو صقر : وانت معترف
سعود : ياجد شايف ذياب ملقوف ويستاهل
فارس تنحنح وهو يقوم ويقول : يلا انا بمشي وراي اشغال
ابو صقر : وووين ووين على اساس طلعك عائليه وهكذا
ابو فارس : ياوليدي خل الشغل شوي واقعد زين نفسيتك خفف توترك والضغوط الي عليك
بدور وهي تعلي صوتها : ذا تقول قرد مايعجز من الشغل مير القرد يهجد وهو باقي
ام صقر : انتي لو تتركين الجرأة شوي !
جواهر ماقدرت تكتم ضحكتها وضحكت وكان صوتها شوي عالي وسمعها فارس وتنرفز وقال : بدور اهجدي لا العنك الحين
بدور : سم
جواهر : افف دودتي ولاتزعلين
فارس بقهر: يلعنم الدلع النايم
سعود : هههههههههههههه دلع نسوان شعرفك
ابو عزيز : لاتضحك على بنيتي ولا اقوم احط راسك بالزعتر
سعود بضحك : سم
فارس حط يدينه بجيوبه ولف وهو مغادر المكااان
يتبع . . .
أنت تقرأ
وانا على شوفتك مغرم وملهوف
Romanceتدور هذه الرواية بين الابطال فارس / اوجان فارس يكون متزوج بنت عمه جواهر بالاجبار اما عن اوجان انسانة تكره الذكور بشكل لايصددق بسبب حادثة حصلت لها وبتصير احداث جميله بنعرفها مع الوقت❤️؟
