وانا على شوفتك مغرم وملهوف

part 80

من زمان ماسرعت الاحداث اشتقت اسرعها بسرع واقولكم وش صار بالايام الي مضت . . .
فارس طلق جواهر رررسمي وورقتها وصلتها لباب بيتها وثاني شي فارس رجع للشركة وتولى كل الشراكة والان محد يقدر يطلعه منها وصارت بأسمه رسمي اما شجون ولدت وجابت نايف الطفل الي كلنا ننظره ونشوف فرحة خالد فيه فارس رجع مع اهله زي قبل وجده والكل رضو علييه اما عزيز رجع لكن لقى نصيبه من الرزاله اما جهاد تزوجت سعود وتركت ذياب الي كلنا كنا نتمناهم كوبل مع بعض كانوا حلوين بس هذي القسمه ماجت زي ماتمنوا . . . .

في المساء

اوجان كانت شايله نايف وهي تقول : يروحي نتفه
ضحكت شجون وقالت : اي مره صغنون خالد شف رجوله
ضحك خالد وقرب وشال نايف وهو يقول : والله يشهبني
شجون : لا يشبه امه
خالد : لا بالله نسخة ابوه
شجون : يويلي خالد منجدك !!
خالد : اوجان بالله يشبه لمن
شجون : اي اوجان قولي يشبه لمن
اوجان ضحكت وهي تقول : يشبه لي معليش
خالد ضحك ضحكة بينت غمازاته وقال : خذلك محد منكم بيعترف لمن يشبهه
شجون : الولد على ابوه معروفه
خالد ابتسم بانتصار وقال : واخيرا اعترفتي !!!!!
اوجان : حقيقي يشبه لخالد سبحان الله توام
خالد : وليددددي الذيب كسب ملامحي وهذا اعظم مكاسيبه
شجون : وش ابي من الله بعد لامنه جاء يشبه لابوه
خالد : يويل قلبي انا
ضحكت شجون وهي تقول : هات خليني ارضعه
خالد قرب ونزل نايف بحضن شجون وهو يقول : والله انه درره ثمينه
شجون : طبعا يبعد راسي هو
اوجان : اصبلك شوربه لو تاكلين شويه عشان ادويتك بعد
شجون : ايه ياعمري صبيلي خالد تبي ؟
خالد : لا بس تعشيت انا وعلي حطتلنا اوجان المغرب
شجون : تمام عوافي
خالد : الله يعافيييك
قامت اوجان وهي مشمره اكمام مخورها ودخلت المطبخ تحط الشوربه لشجون شوي الا يدق جوالها قربت ومسكته وهي ترد وابتسامتها مرسومه على ثغرها
فارس : طبعا انتي ماتدقين ولا تسالين ماكان عندك زوج
ضحكت اوجان وهي تقول : تدري اني مشغوله
فارس : طيب اخبارك ؟
اوجان : الحمد لله
فارس : حياتي شقى تخيلي اني اتعشى توست وجبنه
اوجان : تحمل تحمل😭😭😭
فارس : وجودك نعمه
اوجان توردت ملامحها خجل وقالت : بسكر مانيي فاضيه
فارس : لاتخليني اندم على قرار اني خليتك عند اهلك
اوجان : هي فترة وبرجع
فارس : كم مدة هلفتره
اوجان : اسبوعين ؟!
فارس بوز شفته وهو يقول : كثييييررره والله
اوجان : لاتقطع علي تعال عند اخواني وبجيك اسلم
فارس : هذا الي بيصير
اوجان : يلا بسكر مابطول على شجون بتحتاجني
فارس : تمام بس ببلغك اني بكرا بطلع لبيت جدي في عشاء
اوجان : ثيابك مكويه كلهم
فارس : عشتي يخليك ربي
اوجان : امين لاتنسى مجهودي وانا اغسل واكوي
فارس ضحك وقال : مجهود يذكر لك الصراحه
اوجان: الحمد لله
فارس : يلا انتبهيلك
اوجان : وانت بعد
فارس سكر واوجان صبت الشوربة واخذتها لشجون فالمجلس وحطتها على فراشها واخذت نايف لحضنها بعد مارضعت البيبي شجون

في بيت ام فارس /

ام فارس : والله يا ان ظهري تشنج من المطبخ
بدور : ماله داعي هالصياني كل ابوها للعشاء بكرا
ام فارس : فشيله اروح ويديني فاضيه
بدور : والله يايمه انك سنعه وراعية بيت
ام فارس : افا عليتس بس
بدور : طيب مدري وش البس ؟!
ام فارس : عندك فستانك البيج يفضخ العقل !
بدور : اي واحد
ام فارس : ذاك الي مره شريناه من المول
بدور ضحكت : يمه قد شريت كثير من المول
ام فارس زفرت وقالت : شوفيلك اي شيء اجل مانيب فاضيه ادورلتس لبش
بدور : افففف
ام فارس : بدخل انام عشان اقعد بدري اتمكيج وما الى ذالك
بدور : بطلب مطعم ماتبين ؟
ام فارس : لا لا مابي بدخل انام
بدور : ها زين فارس يجي بكرا ؟
ام فارس : اي على كلامه قال يجي
بدور : ومرته ؟
ام فارس كشرت وقالت : ذي الميدوره عند اهلها ماتجي
بدور : احسن فكهه
ام فارس : ايه والله فكهه الله يعلها
بدور : ادخلي نامي ريحي
ام فارس : يلا تصبحين على خير
بدور: وانتي بخير

يحلوين حطوا نجمة تفاعلو انشروا اسعدوني بشي ؟!😢❤️❤️

الاحداث الجايييه نار وشرارررر وافكار كثيرررر عندددي وفي حقايق بتنكشف لاوجاااان وفي مشاكل بتصير حرقت الاجواء عليكم بس تفاعلو من فضلكم❤️🔥🔥🔥🔥🔥🔥