Ramdam niyang nakatitig sa kanya
ang matiim na mga mata ng lalaki na nakatutunaw-puso.
Sumasal ang pintig ng kanyang dibdib. Naging eratiko ang
tibok niyon.
Nakatakda pala niyang makilala ang lalaki-si Terence.
Kapatid ito ng lalaking kasama niya sa aksidente. Dahil suot
niya ang diyamanteng singsing ay siya ang napagkamalan
nitong fiancée ng kapatid nito.
Nagkataon namang nangailangan ang pamilya niya ng
tulong at ito lang ang maaari niyang takbuhan, kaya hindi
na siya nagprotesta at nagpatianod na lamang sa nangyayari.
Hindi dapat malaman ni Terence na nagpapanggap
lamang siya.
Ngunit paano ba niya iiwasan ito kung palaging
nakasunod sa kanya ang mga titig nito na sa tuwina ay
pumupukaw sa kanyang hungkag na damdamin? At kung
kailan naman handa na siyang ipagtapat dito ang katotohanan
ay saka naman siya nakadama ng takot. Takot na baka mawala
ito nang tuluyan sa kanya kapag nalaman nitong siya pala ay
isang huwad!
YOU ARE READING
Part 1 - List of PHR (I wish to read) 1
RomancePHR Tagalog romance books I haven't read yet. Binase ko sa synopsis ang mga una kong gustong basahin for part 1. Yung feeling na sa description pa lang, na eexcite ka nang basahin. At dahil wala pa akong pambili, ishare ko na lang muna dito ang mga...
