اتمنى محد يقول ليش سحبتي لن ما سحبت انا قايله كل اثنين بنزل ، وبعد روايه بديتها بكملها كان الله عطاني عمر ماني بساحبه علاها.
اترككم مع الروايه . . .
انهيت كلامي وانا اشوف الشر بعيونهن كلهم عز الله ما سلمت !
رجعت خطوه على الخلف انا وحده وهن خمس والكثره تهزم الشجاعه!
مسكتني العنود بقوه وهي تجر نقابي وتمسك شعري بقوه بعد ما طرحت طرحتي عني!
وحسيت بوحده تقرط بيدي باقوى ما عندها!
و وحده دفتني حتى طحت على الأرض
كنت ادافع برجليني ويديني وحاولت انا ادافع عن نفسي او على الاقل اغطي شعري لن فيه اصوات دكاترة جايين !
سمعت صوت اغثى خلق الله وهو يقول بستغراب واضح بصوته:- العنود !
دفيت البنت الدبه الي فوقي وانا ادور طرحتي اغطي شعري على الاقل!
بلعت ريقي وانا اتمنى الارض تنشق وتبلعني وانا اشوفه واقف وعيونه علي!
طرحتي مو معي رفعت عيوني بتوتر وانا احس بنظرات عزام علي!
شفت طرحتي مع وحده وهي تناظرني بنظرات وكاني ماكله حلالها او شي زي كذا
رفعت عيوني وانا اشوف العنود تضم عزام وتبكي وتقول ببكاء:- عزامييي شوفها من الغيره وحرت جوفها حطت حرتها وقهرها فينيي!
بلعت ريقي وانا اشوف الانظار علي حتى معه دكتور يناظر فيني بنظارت غريبه حسيت بدوار وصداع وانا ما ابيه يظن اني اغار او مقهوره لنه طلقني!
ماكاني انا الي طلبت الطلاق!
سمعت يقول بسخريه:- ما توقعت ان طلاقي لك يخليك تنعمين عن كل شي وتضربين زوجتي من قهرك !
فتحت عيوني بصدمه مستحيل يصدقني إذا قلت ان العنود تدخن مع متاكده لو ركز بينتبه على آثار الدخان!
بس مستحيل اكون سبب بدمار زوجين بينهم بنت مالها ذنب !
وقفت وانا احاول ما اوضح لهم شي او اني تضايقت من الموقف
مشيت وانا اسحب طرحتي من البنت بكل قوتي وحطيتها على راسي وعطيت عزام والدكتور الي جنبه نظره!
لف عزام على الدكتور الي قال بدهشه:- سبحان من خلقها وجملها بعيون العباد !
دفه عزام بقوه وقال بقهر:- غض البصر لا بارك الله فيك
ناظر الدكتور فيه وقال بسخرية:- مالله عطاك عقل يوم تترك الزين ذا كله
وراح تارك عزام بغبنته وقهره بانه ماله حق فيها ولا له كلمه عليها !
لف عزام للعنود بغضب:- ليش تهاوشتي معها!
فتحت العنود عيونها على وسعها بصدمه:- وش الي ليش؟، هي هجمت علي بهمجيه !
ناظر فيها من فوق لتحت وراح تاركها بقهرها
عقدوا حواجبهم بستغراب من نبرته وطلبه الشرط
قال ابو مطلق:- خير اللهم اجعله خير ؟
قال واحد من الموجودين:- وشهو شرطك ي ابو بدر؟
ابتسم مهند بخبث وهو يوزع انظاره بين اخوانه وابوه وشاف ابتسامه على وجه ابوه وكانه يايده خير شر !
قال ببتسامه خبيثه:- انا بستر على بنتي عقب الي صار ما ودي الناس تاكل وجيهنا وش رايكم ي رجال!
أنت تقرأ
نبتسم رغم الظروف .
General Fictionتجبرها الظروف على الزواج من شاب متزوج ومن السي ان تكون ضحية زواج أنبأ على غلط وتعيش بمجتمع يكرهك بدون سبب وبذنب ليسا ذنبك وتكون يتيم واهلك على قيد الحياة وتواجه امور اكبر من سنك ومع ذالك تبتسم رغم الظروف! . " غسق" بطلة روايتي الجديده . لا تدعوا الرو...
