الهوى والحُب اعظم خطاياي
البارت - 5
" في بيت سالم
تركي منسدح على رجل جدته : ياجده بيزوجون اختي الوحيده
رحاب : طيب للمعلوميه تراه ولد عمك وخالتك
تركي بسخريه : ولد عمي الجلمود اللي بيكتمها بالبيت
كانت كلمته على دخول أيهم اللي رفع حاجبه فقط
تنحنح تركي : ما اقصد شي ولد عمي على راسي والله
أيهم جلس بصمت
تركي : والله امزح شفيك كانك معصّب
أيهم : ياخوي ماقلت شي شفيك
ضحكت رحاب : الهيبه تسوي كذا يا أيهمي شنسوي بعد
ضحك تركي بذهول : اي هيبه انا بس قلت كذا عشان مايسوي شي باختي
" عند البنات اللي نزلوا بالمول معاهم عزام
نجلاء : بنات اشتروا القميص الابيض بنحتاجه على كل لبس
نجد : والله فعلاً اهم شي القميص الابيض عشان الحجاب
لفوا على لمار وشهد اللي يتهاوشون على بلوزه
ضحكت لجين : مو صاحيات والله ما اعرفهم انا
نجد دخلت بينهم : سلامات حبايبي ؟ اشتروا وحده كل وحده تلبسها يوم كلكم نفس المقاس ترا
ضحكت نجلاء بذهول على شهد اللي ناظرتهم تعلن شديد الخصام : انتِ الحين شفيك ؟ خلاص اخذي وحده ثانيه مو لازم وحده بس اشتري انتِ وحده ولمار وحده بس لا تزعلين تكفين
لجين حضنت شهد : حبيبي الحساس والله زعلتي ؟ مارضيتي حبيبتي
تعالت ضحكاتهم على شهد اللي بعدت عن حضنها تمشي بعيد
عنهم
لمار : يووه خلاص خلوها تاخذها عفتها جيبوها
نجد : اخذي ثنتين وحده لك ووحده لها
عند لجين اللي ركضت وراء شهد تمسكها : خلاص يالزعوله تعالي اخذيها لفت شهد تشوف لجين عيونها " العاديه " مو نظرات الزعل
شهد اللي كتمت ضحكتها : بنات متوقعين اني ازعل ؟ سلامات
عند لجين اللي تركتها تروح تشوف محل ثاني يشوفها عزام يلحقها : على وين
لجين : تحاسبني ؟
عزام بسخريه : انتم في رقبتي لين ارجعكم المزرعه وش اسوي بعد
لجين بنفس سخريته : صح والله برقبتك رح شف البنات بس لا يضيعون ياحرام تضيع امانتك
عزام : ياخي انا ولد عمك ولا عدوك ؟ سلامات وش ذا الكلام
لجين : معليش شو بدك الحين ؟
عزام : سبحان الله تبدلت اللهجه ، ماابي شي قدامي نروح عندهم
لجين : اسبقني بس انا بحاسب واجي
هز راسه فعلا يسبقها
أيهم : الملكه بعد يومين
خالد بذهول : مسرع وانا عمك
رائد بتدارك : مايقصد ياخالد خير البرّ عاجله والبنات في المول كلمهم يشترون للملكه تراها ماتحتاج شي ملكه بينا
هز راسه جابر بذهول يكلم عزام
عند عزام اللي شابك بلوتوث فالسياره يشوف مكالمه من جابر يرد يصير الصوت مسموع لكل السياره
جابر : عزام نجلاء عندك ؟
عزام : اي راجعين ليه
جابر : اسمع اسمع ترا الملكه بعد يومين
شهقت نجد بذهول : كيف بعد يومين جابر !
جابر : على كلام أيهم يقول بعد يومين
عند نجلاء اللي وقف كونها كله من سمعت يوقف الدم بعروقها
تسمع جابر يكمل : انتم ارجعوا المول ياخذون البنات اللي يبون واذا جيتوا يصير خير
عزام بذهول : يصير خير فعلاً كيف بعد يومين لعب ورعان ذا
لجين وشهد صرخوا مع بعض يلفون البنات لهم بذهول
عزام : دقاق يدق لحيك من اللي صرخت !
نجد : ابد الوراعين بس
ضحكت لمار : والله انتم مو صاحيات الحمدلله والشكر صدق
عند لجين وشهد اللي حضنوا بعض : الحمدلله
لفوا على عزام تتنحنح شهد : عزام عادي تحط نحمدالله جت على مانتمنى ؟
عزام : ليه
لجين : ولا شي بس بخاطري اسمع عرضتنا
لمار : اي والله شغلها دام فيها السعوديه شغلهااا ولا تكثر اساله
نجلاء : معليش عزامي بس هم باردات وجيه تحمل
عزام : طيب الله يعين
شغل جواله على العرضه النجديه
رجعوا للمول
نجلاء بتوتر : بنات احس متوتره منه اكثر من بندر
ضحكت لجين : شدعوه ترا ماياكل
شهد : يطعني عالهيببه بن عمو ذي البدايات جعلني ما اشوف نهاياتكم بس
لجين : ابوس بندر اللي صحى ضميره وخلاه يتلحلح يخطبك
تعالت ضحكاتهم على شهد ولجين اللي محد قد وناستهم وكانهم اللي بيتزوجون
نجد : شهد ولجين يالمراهقات ماشبكتوا انفسكم ؟
شهد : مااشوف في شخص يستاهلني الصراحه
لجين زمت شفايفها : تصدقون ودي اعيش شعور المتزوجه
لمار بطقطقه : بعدين يصير حاجه ماتصير بالحُسبان واصير خاله
لجين بذهول : لا لا امزح شفيكم
نجد ميلت شفايفها : بنات انا عمة المعرس والعروس وش اختار فستان احس ابي فستان يبين اني من اهلهم كلهم
شهد : مايحتاج حبيبتي انتِ بنت سالم محد مابيعرفك
لجين : انا اخت المعرس وش يصلح لي
نجلاء بذهول : وش فيكم انتم ترا ملكه اختاروا شي ناعم
لمار : صدق ترا ملكه الزواج البسوا اللي تبون
شهد : ياخساره سعود مراهق صدق بيتزوج بعد عشر سنين مابعيش شعور اخت المعرس
نجد : مستوى مستوى اخواني كلهم متزوجين قبل لا انولد الا سلمان حضرت زواجه عمري سنتين بعد العشم بفهودي
دق جوال نجلاء : اهلين عزام
عزام : هلا نجولي اسمعي تعطلت سيارتي بخلي السطحه تجي تاخذها وبرجع المزرعه كلمت فهد يجيكم
نجلاء : تمام بلغني اذا وصلت المزرعه
لفت للبنات : بنات ترا فهد اللي بيرجعنا عزام تعطلت سيارته
البنات هزوا راسهم بالموافقه يختارون فساتين
بعد وقت يتصل فهد على نجد
: هلا فهودي
فهد : ماخلصتوا ؟
نجد : الا الا خلصنا شدعوه
فهد : تمام انا برا اطلعوا
نجد : تمام ، بنات يلا فهد برا
طلعوا يشوفون فهد اللي واقف يتناقش مع شخص
فهد بذهول : ياولد صادمني وتهاوش !
الطرف الاخر بسخريه : ولد سالم طلع عندك لسان ياورع الامس
فهد : احشم نفسك وانتبه لالفاظك دامني محترمك
: الغلط عليك وانا اقولك ماني متنازل وصلح سيارتي
سمعت نجلاء اللي تشوف ان سياره فهد واقفه صح والشخص صادمه من وراي
فهد : الفلوس لو تبلط البحر ماعطيتك ولا هلله بعدين دق على نجم ورني الغلط على مين
: ماعرف يربي سالم دام بناته محجبات وراضي عنهم وولده لسانه طويل على اللي اكبر منه
فهد اللي ماتمالك نفسه يلكم الشخص
لمار اللي توترت تكلم أيهم : ايهم الحق فهد تهاوش تعال فكهم
أيهم بذهول : مع من ووش السبب
لمار : مدري مدري بس الحق
أيهم اللي قفل يركض لسيارته يسوقها بسرعه جنونيه
ووصل الموقع اللي ارسلته لمار له بااسرع وقت
يشوف فهد اللي جبينه ينزف وشفايفه
والشخص الاخر اللي ينزف أنفه وحاجبه من خاتم فهد
أيهم بذهول دخل يفك بينهم
ضحك بسخريه : رح اخذ عمك بس داوي جروحه
أيهم بسخريه : عمي كسر خشمك
فهد : اتركه بس وتعال نعّود البيت
: وسيارتي من يعوضني
أيهم : فلوس والله تبطي عظم تاخذها توكل بس
: اشتكيكم بالمحاكم انا لااخلي سُمعة عايلتكم بالارض تصدمون خلق الله وتنحاشون
فهد بسخريه : اشتكي بيدينك ورجلينك
نجد : خلاص عاد تعالوا اتركوه مو صاحي ذا
: الحين عرفت ليش بندر هج منكم حتى بناتكم لسانهم طويل
شخص جاء يفك بينهم : يارجال خلاص توكلوا على الله
عند لمار اللي مسكت يد أيهم تسحبه
ونجلاء اللي سحبت فهد تشمق لا ارادياً للشخص
فهد : روحوا مع أيهم انا بروح اصلح سيارتي انعدمت
نجلاء ونجد بنفس الوقت : ماراح نخليك
فهد بعصبيه : ماني صغير اعرف دربي ترا روحوا مع أيهم
نجلاء بنبره تميل للحده : مانت صغير بس ماراح اخليك
نجد : فهد انا جايه جايه شئت او أبيت
مره قصير عارفه بس ماعندي وقت حرفياً بحاول انزل لكم اكثر لاني عارفه ان بارتات الواتباد مره قصيره
الانستا حبايبي : Rawaiah_45
أنت تقرأ
الهوى والحُب اعظم خطاياي
Humorبسم الله الرحمٰن الرحيم اللهم بداية خير ويجعلني عند حسن ظنكم اول رواياتي « الهوى والحُب اعظم خطاياي » اذا في اخطاء اعذروني واذا نالت اعجابكم الحمدلله الحمدلله دائماً وابداً انستا : Rawaiah_45 الكاتبه : لـمـار 1445/12/30
