الهوى والحُب آعظم خطاياي
بارت - 12
بلعت ريقها نجد بتوتر تهمس : وش ذي الحنيه اللي نزلت علي شوفي حنيتك يانجد وين وصلت لك تستاهلين
كتم ضحكته عبدالعزيز من شاف يدها على راسها وسمع همسها ورحمها يبي يوقف يساعدها بس ماقدر يرفع ايديه بتعب وتنهد واتصل على أيهم يرحمها ونطق بهدوء : أيهم شف الكاميرات عشان نعرفه بنمسكه باسرع وقت
هز راسه أيهم : بروح اشوفها وبرجع
ابتسم عبدالعزيز : عساك عالقوه
لف عليه نجد تنتظره يطمنها ونطق عبدالعزيز بهدوء ومكر : رفض يقول بجلس عندك ماعندك احد لو احتجت شي
شهقت نجد بذهول : لا تكفى !
كتم ضحكته تتحول ملامحه للجديه : من انتي ؟ ووش جايبك هنا ؟ وليه خايفه منه واساساً ليه خالد وفهد موجودين هنا ؟ وليه جيتي تتطمنين علي ؟ وش وراهم فالمستشفى ؟
ناظرته نجد برعب ونست انها كانت بتبكي : كل ذي الاساله ؟ نفسك مانقطع ؟ خذ شهيق وزفير وش ذا النفس بس بجاوبك مو بنفس واحد ماني زيك !
ناظرها بذهول وماهتمت نجد : مين انا ؟ مايخصك
اخذت نفس تكمل : وش جايبني هنا ؟ كمان مالك دخل
واخذت نفس مره ثانيه : ليه خالد وفهد موجودين ؟ مايخصك
واخذت نفس مره اخرى : ليه جيت اتطمن عليك ؟ كمان مايخصك
واخذت نفس مره اخرى : واخيراً ، وش وراهم بالمستشفى ؟ وراهم جدار
ناظرها عبدالعزيز بذهول يشوفها تستعبط عليه وعرف انها من عائلتهم بس بنت مين ؟
ونطقت نجد : ويلا باييي
ضحك من عبطها يشوفها فتحت طرف الباب تحط طرحتها على وجهها ماتشوف احد من اهلها وطلعت بسرعه تركض لاقرب دورة مياه وعاودت الاتصال على فهد اللي نطق باستعجال : وين كنتي ؟ لفيت المستشفى لف وينك وينك
نجد ابتسمت برعب : بالحمامات ؟ وينك انت ؟
تنهد فهد براحه : اطلعي بتحصليني عند البوابه
وعدلت شكلها نجد توقف رجفة ايدها تطلع
واول ماشافت فهد ابتسمت بفهاوه وناظرها فهد بتوعد وتقدمت تركب جنبه تحشر نفسها على الباب تنطق : تكفى لا تهاوش !
ناظرها فهد بعصبيه : وين كنتي بس معقوله عشر اتصالات ماشفتي ولا واحد منها ؟
نجد بكذب : كنت رايحه ازور صاحبتي وبعدها رحت الحمامات وجيتك وماقدرت ارد عليك بوسط اهلها
ناظرها بتعدم تصديق يشغل السياره ونطقت تلطف الجو : فهودي ، شرايك تتزوج ؟
لف عليها فهد وبلعت ريقها تخاصم نفسها وانها نطقت بوقت غلط وقاطعهم اتصال على جوال فهد ورفعت تناظر الاسم اللي كان قلب بس ناظرته يرد بهدوء : لبيه
وسعت عيونها من سمعت صوت بنت تلف عليه وارتبك فهد يقلل بالصوت مع انه كان واضح مره ونطق : ارحب ياابو عزيز
ناظرته نجد من كان - يستخف فيها - وسحبت الجوال منه تحطه على اذنها وسمعت الصوت الانثوي : اوه ابو عزيز ؟ عندك احد اعتذر مع السلامه
نطقت نجد بهدوء : ماعنده احد ! اخته مو اي احد مين انتي ؟
ابتسمت برعب : مين انا مين قالك شكلي ملخبطه
هزت راسها بالنفي نجد وفتحت السبيكر تاشر لفهد ينطق ونطق فهد : لا ياحبيبتي مب ملخبطه انا فهد ، واللي تكلمك اختي نجد
زمت شفايفها نجد تسمعها تنطق بهمس تفكر الجوال باذن فهد : يعني عادي اتكلم ؟
نجد بهدوء : اي عادي تتكلمين ، بس مو الحين وقت ثاني ياعيني ، اذا كلمت امك عن تربيتها وسوّد افعال بنتها تكلمي
بكت بشوق لطاري امها وشهقت سمعت نجد شهقاتها تستغرب هي ماقالت شي معقوله كل ذا خوف من امها ؟ ،وقفلت منها تلف على فهد تناظره مايناظرها عبونه على الشارع ومسكت فكه تلفه عليها : مين ذي ؟
رفع اكتافه فهد : ادري اني حمار وحقير ورخمه وتفكريني لعّاب وماجيت دقيت الباب وغلطان اعرف بس مالقيت الوقت المُناسب هي ظروف اهلها ماتسمح !
رفعت حاجبها نجد بسخريه : عذر اقبح من ذنب والله ، يعني انت الحين معلقها فيك وانت ماتدري اذا اهلها بيوافقون ولا ؟ صاحي انت ؟ ، بعدين انا ماقلت عطني تقرير عن حالتها ولا تعطيني اسبابكم السخفيه علساس ينكسر خاطري سوالي كان مين هي ؟
اخذ نفس : وحده اسمها مها وامها متوفيه ماعندها الا اخو واحد وماقالت لي اسمه بس انه يدلعها ويرجع
ناظرته نجد ورجفت ايديها : امها متوفيه ؟ قول غيرها تكفى
هز راسها فهد بالنفي ونزلت دموع نجد تتصل مره ثانيه
YOU ARE READING
الهوى والحُب اعظم خطاياي
Humorبسم الله الرحمٰن الرحيم اللهم بداية خير ويجعلني عند حسن ظنكم اول رواياتي « الهوى والحُب اعظم خطاياي » اذا في اخطاء اعذروني واذا نالت اعجابكم الحمدلله الحمدلله دائماً وابداً انستا : Rawaiah_45 الكاتبه : لـمـار 1445/12/30
