دامك زرعت الحب في داخلي ورد‏ أنا ما ابي غيرك من الناس يسقيه

البارت العاشر💗

سبحان الله وبحمده.. سبحان الله العظيم 🤎

بعد اسبوعين بدون اي احداث مهمة >
قبل الزواج بيوم~
دخلت آيلا وهي ماسكه الكيكه وعليها الشمعة ووراها غِنى اللي تصفق وتغني : ودوني على بيت حبيبي نعيش مع بعض فيه
ابتسمت روح بخجل ووقفت مع رينا
نزلت آيلا الكيكه على الطاولة وقرّبت تحضن روح وتقبّل خدودها : الف مبروك يا احلى عروسه
ضحكت روح بدموع وضمتهم كلهم : ياربي بنات احبكم
ابتعدت رينا ترفع شعرها : يلا يا عروستنا الصالون جا بنسوي اظافرك ونصبغ شعرك
هزت راسها ونطقت بخجل : بشوف كاسر
سحبتها آيلا ونطقت : على وين ياعروس؟
ضحكت بصدمه ونطقت غِنى : ممنوع تشوفينه الا يوم الزواج
هزت راسها ونطقت بضحك : بكلمه بشي ضروري
نفت رينا مباشره : ممنووع جدا كلميه يوم العرس ، يلا عاملات الصالون جو تعالو
مشو سوا وابتسمت رينا تنطق : توصو بعروستنا كويس
ابتسمت العامله تمد يدها تنطق : تفضلي
هزت روح راسها وجلست ومدت يدينها تسوي اظافرها
رفعت رينا جوالها ترد على المصممه ونطقت بعلو صوتها : ليلينا ، ليلينا
جتها العامله ونطقت رينا : اطلعي للمصممه برا وخليها تدخل
هزت راسها وطلعت وبعد مده دخلوا مساعدات المصممه ينزلون الفساتين واخذوها العاملات يعلقونها
انتهوا من اظافرهم ونطقت روح : بنات متوتره اصبغ
ابتسمت رينا توقف خلفها تمسح على شعرها : ماعليك ثقه دايم اسوي شعري عندهم ، فيه لون محدد ببالك؟
هزت راسها تطلع لها الصوره : هذا
ابتسمت تطالع العامله : سوي لها زي هذا
العامله : تبين قص معه او لا؟
هزت راسها بالنفي : لا بدون قص
هزت راسها وبدت تصبغ لها وبعد مده طويله مشت تغسل شعرها وطلعت للبنات : حلو؟
ابتسمت آيلا باعجاب : واو روح الله يصبر قلب ولد عمي
ضحكت بخجل واخذت جوالها ونطقت رينا : يلا يلا نطلع ننام عشان نقوم من بدري
وافقوها كلها وطلعوا ينامون سوا بغرفة رينا
تمددت رينا ونطقت : روح ترا عيني عليك لا تستغلين الوضع وتطلعين لكاسر
ضحكت روح ورمتها بالمخده : خلاص اسكتي
وقفت غِنى تسكر اللمبات وتغطت روح تحاول تنام
رفعت نفسها تشوفهم نايمين وتنهدت ووقفت تطلع بكل هدوء وكشرت من هدوء القصر المزعج بالنسبه لها ومشت بتنزل لكنها شافته طالع
رفع حاجبه وابتسم وطالعته بخجل ونطق : فيك شي؟
هزت راسها بالنفي : ما جاني نوم وطلعت
مسك يدها يمشى لغرفته وقفل الباب ونطق : غيرتي لون شعرك؟
هزت راسها ومسكت شعرها : عجبك؟
هز راسه وقرب يقبّل راسها وشهقت تبعده : مطر
ابتسم وطلع وراه يشوفها كيف تفرح بالمطر جدا
قرب منها يحاوط أكتافها وميّلت راسها على صدره ونطق : كنتي مانعتني اشوفك؟
ضحكت وهزت راسها بالنفي : رينا والله مو انا
نزل يده على خصرها يمررها عليه وعضت شفايفها بتوتر ووقفها قدامه
نزل راسه على كتفها يقبّله وفزّت من صوت الرعد
ابتسم ومسح على ظهرها : بسم الله عليك
ناظر شفايفها اللي ترتجف من برودة الجو وشعرها المبلول ، نزل راسه يقبّل ثغرها لاول مره يرتوي منها
واليوم تشهد سماء الرياض اول قُبله بينهم تحت المطر
تشهد مشاعر يبوحون بها لاول مره
ابتعد يسند انفه على انفها وابتسم يشد على خصرها
نطقت بهمس ورجفه : أحبك جداً يا رجُلاً احتل هذا القلب لوحده
تمنى الدنيا توقف بهاللحظه ، يسمع اعترافها الصريح له هي تهلك قلبه بابسط تصرفاتها فكيف يتحمل قلبه اعترافها له
انحنى يهلك قلبها وجسدها بقُبلاته الحنونه
رجع بخطواته للغرفه يقفل باب البلكونه وطالعها كيف وجهها يُشعّ من الخجل ، فك بدلته العسكرية ورجع يقبّلها بكل شعور يحمله لها بداخله ، كان هذا هو الشي الوحيد اللي يرد فيه على اعترافها له
الليله اللي شهدت اعترافها له بحبها هي نفس الليله اللي طلعت فيها على هالدنيا
طاحت على السرير وانحنى فوقها ، تحلف انها تسمع صوت نبضات قلبه وانحنى لها يزهر دنيته بوصلها
اليوم شهدت سماء الرياض وصله لها ، تهلّ سحايب وصلها عليه ، يغني وينطق من كل قلبه بـ ياوصلها الغالي هلا ، يهلك كل خليه فيها ويعبر لها بطريقته الخاصه وتصير زوجته بالقول والفعل
رفع لحافه يغطيها ويضمها لصدره يقبّلها للمرة المليون
دفنت راسها بصدره من قوة خجلها تحاول تستوعب اللي صار بينهم ، ابتسم يغمض عيونه يحاول يستوعب كل اللي صار يحسه مثل الحلم عليه
ماتوقع ان بنت بالعشرين من عمرها تطيّح كل حصونه
نزل نظراته لها يشوفها نايمه بكل هدوء وغمض عيونه يستسلم لنومه
بغرفة رينا
صحوا البنات وناظرت رينا بمكان روح ونطقت بضحك : والله سوتها الكلبه
ضحكت غِنى : بنات بقول لكم شي
لفوا عليها ونطقت : شفتهم الليل من بلكونتك وصار شي
توردت ملامحها من تذكرت منظرهم سوا وكملت : روح شكلها اعترفت له
صرخت رينا بحماس : اسألك بالله
ضحكت آيلا ونطقت : ياربي بنات ما اتخيل روح تقول احبك
وقفت رينا بحماس : بروح اتطمن عليهم
ضربتها آيلا : يا ملقوفه
طلعت من الغرفه وراحت جهة غرفة كاسر ودقت الباب اكثر من مره
عقد حواجبه بانزعاج ورفع نفسه يشوف جسد الانثى اللي يتوسط احضانه
ابتسم من تذكر ليلته معها بالامس وابعدها بكل هدوء واخذ منشفته يلفها على خصره ومشى يفتح الباب يطالع رينا اللي نطقت : روح عندك؟
هز راسه بهدوء وميّلت راسها تحاول تلمح اي شي لكنه ضحك : وش تبين تشوفين
شابكت اصابعها ببعض : ابي روح تقوم عشان تطلع الصالون
هز راسه ونطق : شوي وتقوم وتجيكم
ابتعدت عن الباب ودخلت غرفتها تصرخ بوناسه : بنات صارت صارت
وقفت آيلا بحماس ونطقت غِنى : وش صارت رفقا بي
ضربتها رينا بخفه على راسها : ياغبيه يعني صارت زوجته زوجته
وسعت عيونها وغطت على ثغرها تصرخ صرخه مكتومه
طلع من الحمام وهو ينشف شعره وشافها ما زالت نايمه
لبس ثوبه وقرّب منها يمسح على كتفها العاري : روح يلا قومي
فتحت عيونها وتأففت بنوم : اتركني ابي انام
ضحك بخفه ونطق : بتطلعين تتجهزين للزواج يلا
فزت من تذكرت ان اليوم زواجها وسرعان ما انفجر وجهها باللون الاحمر من تذكرت الامس
صدت بخجل وغطت على جسدها باللحاف : اطلع
هز راسه وقرّب يقبّل خدها وطرف شفتها ووقف يطلع
زفرت بخجل ودفنت وجهها بالمخده تصرخ بخجل
اعتدلت بوقفتها ودخلت تتروش وطلعت بعد مده
نشفت شعرها وفتحت دولابها تاخذ بلوفر وبنطلون تلبسهم واخذت عبايتها ولبستها ولفت حجابها ونزلت
شافت البنات وقفين ينتظرونها ونطقت رينا : يلا يا عروس تأخرتي
ابتسمت وهزت راسها : جايه كنت اتروش
ناظرتها غِنى وابتسمت بخبث وحضنت ذراعها : صار شي امس؟
بلعت ريقها بتوتر : ايش صار؟ ما صار شي
طلعوا للسياره وركبت جنب كاسر وبالخلف رينا وآيلا وغِنى
مد يده يمسك يدها ورفعها يقبّلها وابتسمت بخجل
ترك يدها بحضنه وطالع المرايا : تبون تاكلون شي قبل تروحون الصالون؟
نطقت رينا : ايه ايه نبي نفطر
ناظرها ونطق بهدوء : فيه شي ببالك؟
هزت راسها بالنفي ونطقت رينا : عشنا والله!! اسألنا احنا طيب؟
ضحك وصد يناظر الطريق ووقف امام احد المطاعم وقفل السياره : انزلوا
نزلوا سوا وتقدموا البنات ووقفت روح بجانبه يختارون فطورهم
دخلوا الغرفه وقفل الستاره وشافهم كلهم مشغولين بجوالاتهم الا هي كانت ساهية بالفراغ
مسك يدها وابتسمت بهدوء تلف عليه وقرّب كرسيها منه ومد لها الجوال يهمس : بنسافر بكرا اختاري مكان نروح له ، ميّلت شفايفها وهزت راسها : انت اختار
رفع رينا راسها ونطقت بخبث : كاسر انتوا مو بغرفة نومكم
طالعها بحده ونطق : رينا!
ضحكت ورفعت يدها : اسفه خلاص
رجع يطالع روح ونطق بهمس : المالديف؟
هزت راسها بالايجاب : ايه
وقف وطلع ياخذ طلبهم ورجع يحطه ونطقت آيلا : اووف احب الكبدة حقتهم
ناظر كاسر بروح وقرب منها صحنها لجل تاكل
انتهوا من اكلهم ورجعوا للسيارة وتوجهوا للصالون
مرّ الوقت بينهم مثل غمضة عين
وقفت روح بكامل زينتها لابسة الروب الحرير اللي من الخلف مطبوع عليه حرفها وحرف كاسر
ابتسمت رينا بدموع تنطق : روح تهبلين
قربت جمانه تقبل جبين روح : استودعتك الله من كل عين ياروح امك
صدت عنهم تحاول تخفي دموعها بالذات من كلمة جمانة اللي دخّلت بأعمق نقطة فيها
تقدموا منهم العاملات وهي ماسكين فستان روح
دخلت روح غرفة التبديل ولبست الفستان ودخلت وراها جمانة تقفل لها الفستان
طلعت برا وصرخوا البنات بانبهار من شكلها ونطقت غِنى : والله اميرة ديزني
ابتسمت بخجل وقربت منها الهير ارتست تلبسها الطرحه
نطقت رينا : يلا نطلع للقاعه
طلعوا كلهم بينما عند الرجال دخل كاسر وهو يسمع صوت الاغاني اعلى شي وضحك : راضين عن انفسكم الحين؟
تقدم له زياد : لو سمحت ياعريس ممكن تكرمنا بسكوتك وتتفضل
ضحك بقلة حيله وجلس وتقرب منه الرجال يحلق له
وقف سلمان ورا بهاج اللي يمسح على لحيته ونطق بابتسامة: عقبال تنزف مع حبيبة القلب
تمتم بامين ووقف ياخذ ثوبه يلبسه ونطق : ياعريس متى تمشي؟
لف كاسر ونطق : دقايق بس
بعد مده من الوقت ركب كاسر سيارته ورفع جواله يسمع رسالته الصوتية : كاسر انا بالقاعه انتظرك عشان التصوير
ابتسم وقفل الجوال واتجه للقاعه يشوف سيارات اهله خلفه
وصل بعد مده ونزل يعدل بشته يدخل قسم الرجال وناظر ساعته يشوف الوقت بدري
رفع جواله يتصل عليها ونطق : روحي
توردت خدودها بخجل : هلا
كاسر : بجي الحين طيب؟
هزت راسها بتمام : انتظرك
دخل القاعه يشوف رينا بانتظاره وابتسمت : يلا عروستك فوق تعال معي
مشت معه لوسط القاعه ورفعت يدها تعدل بشته : يلا بالتوفيق
طلعت رينا فوق تشوف اهلا بالغرفه وجلست بينهم
بالغرفه الثانيه واقفه روح مع المصوره ونطقت المصوره : جاهزه ننزل؟
هزت راسها وقربت منها مساعدة المصوره تمسك يدها تساعدها بالنزول
وقفت خلف كاسر وعدلت المصوره مكان الكاميرا ونطقت : لف ياعريس
ابتسم ولف يطالع روح ونطق : ما شاء الله
ابتسمت وقرب منها يفتح بشته يحضنها بحذر لجل ما يخرّب طرحتها ، ابتعد يقبّل جبينها وأرنبة انفها متجاهل وجود المصوره ونطق بهمس :
ياسما عيوني ويا ثرى قلبي
يالسحابة اللي هلّت على حياتي وازهرتني ..
عضت شفايفها بخجل وقبّلها بخفه ولف يطالع المصوره يبدأون تصوير تحت خجل روح وجرأة كاسر
رجعت روح للاعلى وبدأت تزدحم القاعه بالحضور
طلعت رينا عند روح تتطمن عليها ونطقت روح : رينا جيبي بخاخي بسرعه
هزت راسها وطلعته من الشنطه وقربت من عند روح تبخ بفمها : هديتي؟
هزت راسها ونطقت بتكشيره : جوعانه
ضحكت رينا ورفعت جوالها : اكلم البنات الحين يجيبون لك من الضيافة
هزت راسها وبعد دقايق دخلت آيلا ومعها فطاير ووراها غِنى ومعها العصير : اوف عروستنا جوعانه
تنهدت روح : تعبت والفستان مره ثقيل
ناظرتها رينا ونطقت : تبينا نقدم وقت الزفه؟
هزت راسها برجاء : ياليت
وقف تتصل على جمانة تبلغها وتبلغ كاسر
دخلت جمانه تقرب من روح : روح امي فيك شي
تأففت روح وبكت : ما ابي
تنهدت جمانه وجلست جنبها : ما تبين تنزفين؟
هزت راسها بالنفي : ما ابي
ابتسمت جمانة ومسكت يدها : عشاني يا امي حرام كشختك تروح كلها على الفاضي
مسحت دموعها بالمنديل وهزت راسها : ماراح اطول
مسحت جمانه على راسها : ما تطولين عشر دقايق وتمشون ، قومي يلا الحين زفتك
وقفت ومسكت يد جمانه تمشي لحد الباب
انفتح الباب تبان طلتها للحضور وبلعت ريقها بتوتر من العدد الضخم اللي تشوفه
بدت انغام زفتها تملي القاعة وهي تمشي بنعومه وامامها المصوره
وصلت للكوشه توقف وتبسمت بخجل من لمحت زوله يدخل مع راجي ومُلهم
لكن سرعان ما اختفت ابتسامتها من شافت صالح ومَهاب
ابتسم كاسر وتقدم لها يقبّل جبينها وانتشر صوت التصفيق الصراخ من اعجابهم
همست بخوف : وش يسوون
تصنع الابتسامه ينطق : يتصنعون لك الحب كله عشان كلام الناس
هزت راسها وكمل : ما يجونك ارتاحي
تقدم صالح يقبل جبينها ينطق بهدوء : الف مبروك
ماردت عليه ثم قرب مهاب يحب راسها وابتعد عنها
ابتسمت من شافت راجي ورفعت نفسها تقبل جبينه
ابتسم يمسح على كتفها : الف مبروك يا يبه
توردت خدودها تنطق : الله يبارك فيك يا ابوي
انصعق صالح من سمعها وطالعها بصدمه كيف انا ما كلفت على نفسها انها ترد عليه ونطق مُلهم : لا تاخذ دور المصدوم ، انت اللي بنيت كل هالحواجز بينكم
ناظره بحده ولف يطالع روح اللي تتكلم مع راجي بابتسامة واضحة
.
.
انتهى🤎
البارت اللي انا انتظره وانتوا تنتظروه واحس بالخجل فعلا يعني غمضوا عيونكم
فرّغت جميع مشاعري سواء مشاعر حزن او فرح كتبتها هنا
احب هالبارت جداً ومن اقرب البارتات لـ قلبي
اتوقع نكتفي هنا ونكمل بكرا خلال يومين بأذن الله راح انزل كل البارتات اللي كتبتها
واحب اقول لكم للبارت اللي انا وصلت له بدينا بمشارف الختام
ختامها مسك لليوم وختمت لكم بشي تحبونه انتوا واحبه انا بعد
بس ها؟ العواصف باقي ماخلصت ترا😛
احببكم🤎