دامك زرعت الحب في داخلي ورد‏ أنا ما ابي غيرك من الناس يسقيه

البارت الثاني والعشرون

سبحان الله وبحمده.. سبحان الله العظيم 🤎
.
نجمة تقديراً لتعبي⭐️
.
<< فلة كاسر >>
دخل البيت عاقد حواجبه باستغراب من الانوار المضاءة رغم ان البيت مافيه احد
طلع للدرج متوجه لغرفته لجل ينام وبكرا يطلع لأهله
فتح الباب وتجمد بمكانه أول ما شافها واقفه قدام التسريحه بكامل زينتها بفستانها الابيض الحرير
يشوفها بعد غياب روحه عنه لمدة اسبوعين
لفت عليه وابتسمت تنطق بنعومة : حبيبي
اخذ نفس بشدة يدخل يقفل الباب بالمفتاح ومشى عندها بخطوات بطيئة
قرّب منها يمسك كفوها ينطق بهدوء : متى جيتي؟
روح : العصر
غمض عيونه يدخلها لحضنه ونطق بشوق : وحشتيني
دفنت رأسها بعنقه تقبّله بهدوء ورص على فكه
رفعت راسها عند اذنه تهمس : ابي حضنك
ابعدها عنه يناظر عيونها باستغراب من انها لاول مره تطلبه بهالشكل الصريح
اخذت نفس تبادر هي لأول مره تقبّله بعمق ويدينها على جاكيته العسكري تفكه
قبّل نحرها بعمق يمشي لجهة السرير ينزلها عليه يشوف توترها الواضح
انحنى فوقها يقبّل ثغرها باندفاع تحس بيده الضخمه على خصرها النحيل
رفعت يدينها حول عنقه تبادله القُبل يغيبون كلهم لعالم آخر
يهلكها بطريقته الخاصه ويا حـلاته من هلاك..
أرخت راسها على صدره ومسح على شعرها يناظرها وشتت انظارها بخجل
غمضت عيونها تصد للجهه الثانيه وابتسم يعرف انها تخجل منه
مد ذراعه العريضه يحضنها من الخلف وقبّل اذنها
شدت على يده تخلخل اصابعها باصابعه : كاسر
سحبها لحضنه اكثر ينطق : عيوني؟
هزت راسها بالنفي وابتسمت تستسلم للنوم بوسط احضانه
الصبح ٩:٣٠
صحى يتلفت بالغرفه ما يشوفها موجوده
تنده وجلس ينثر شعره ووقف ياخذ منشفته وتوجه للحمام
فتح الدش يوقف تحته يتروش وانتهى بعد مده يقفله ولف منشفته على خصره وطلع
لبس شورته ونشّف شعره ونزل للاسفل يشم ريحة الاكل وابتسم يعرف انها تطبخ الحين
ناظر العامله وأشر لها بعيونه تطلع من المطبخ وقرّب يحضنها من الخلف وابتسمت بخجل : صح نومك حبيبي
قبّل راسها وتركت الملعقه ولفّت عليه تحضنه بقوه وغمض عيونه براحه يشوف حسّها وحركتها بالفلة
ابتعدت عنه وعضت شفايفها بخجل ترجّع شعرها ورا اذنها وتتأمل عضلاته
ابتسم وغمز لها : حلالك
شتت انظارها بخجل ولفت ترفع الحليب من الغاز تحطه بالصينيه وترفع سلة الخبز ومدتها لها : ودها للطاوله
اخذها يوديها للطاولة وشالت الاكل تنزله على الطاوله ونطقت بغيره : كاسر لا تمشى قدامهم كذا
كتم ضحكته ينطق : الجو حار وش اسوي
رفعت حواجبها بعدم اعجاب ورمت عليه جلال صلاتها تنطق بحده : استر نفسك اجل
ضحك بعلو صوته ورمى الجلال على الكنب وجلس على الطاوله : تعالي نفطر
جلست قدامه تناظره بزعل وصبّت له الحليب ومدته له وابتسم : يا جعل هاليدين ما تمسّها النار
ابتسمت غصب عنها من دعواته لها اللي كل مره يفز قلبها لها
انتهوا من فطورهم يطلعون لغرفتهم
تمدد على السرير ونطق : بنبيت بالقصر هالاسبوع عشان العيد
هزت راسها ووقفت جنبه : وسع لي
ابتسم يوسع لها مكان وتمددت تدخل بحضنه
مسح على كتفها وابعد شعرها يشوف علامات اجرامه فيها بالامس
غمضت عيونها بخجل ونطقت : لا تشوف
ضحك ومسح على خدها يقبّل راسها : الله لا يحرمني منك ويديمك لي عمر
ابتسمت بخجل تغمض عيونها تنام بشكل مفاجئ وابتسم بحنية يعدل وضعيتها وعقدت حواجبها بأنزعاج
رفع البطانية يغطيها يتأملها ولا يملّ
كان يشوف تعابيرها اللي تاره تبكي وتارة تبتسم
يعرف إن الكوابيس لا زالت تجيها
قبّل راسها اكثر من مره وشد عليها يضمها لصدره وكأنه خائف من فقدانها
ماوده يعيش نفس الشعور اللي عاشه خلال الاسبوعين اللي فاتت
<< قصور آل خاطر >>
وقفت جمانه تنطق بتأكيد : بخروا الغرفة ونظفوها كويس
خلو بنتي ترتاح بغرفتها ما ابي شي ينقصها
وقف راجي خلف جمانة يقبّل راسها : وش فيك مستقعده لهم!
ابتسمت تنطق : يجهزون الغرفه لبنتي
رفع حاجبه وابتسم : اي بنت بالضبط؟
جمانة : روح ، اشتقت لها بالحيل
هز راسه ومسح على كتفها ونطق : روح وصارت روح لهالبيت ، اعترف اني حتى انا فقدت حسها
ابتسمت جمانه تناظر العامله ولفوا كلهم من تنحنح كاسر وابتسمت روح تشوف دموع جمانه وقرّبت منها تحضنها
ضحكت جمانه بدموع تضم روح بكل قوتها : امي انتي
ابتسمت روح بدموع وقبّلت راس جمانه ويدينها الثنتين ورجعت تضمها وابتسم كاسر يناظر راجي اللي اشر له ينزلون تحت
<< بيت مُلهم ؛ بيت نزوره لاول مره >>
نزل من سيارته يقفلها وطلّع مفتاحه يفتح الباب
دخل يقفل الباب وراه وابتسم يشوف بنته ملاذ اللي عمرها سنه تحبي بأتجاهه
انحنى يرفعها بين يدينه يسمعها تكرر بطفولة : بابا
دخل الصاله يشوف سموّ "زوجته" بإنتظاره
ابتسمت وقرّبت منه تاخذ ملاذ : عنك لا تتعبك
هز راسه بالنفي يمسك خصرها يقبّل عنقها : جهزي نفسك اي وقت بكلم روح تجي وتعرف بالموضوع
هزت راسها وجلست وهو جنبها : ما تفكرين بالحمل؟
بلعت ريقها تنطق : مُلهم لا تضغط علي
هز راسه ونزّل ملاذ بالارض وقرّبها منه : ناظريني
ناظرته ونزّل أنظاره لشفايفها ومقصده يوترّها لا اكثر
غطت على عيونه تنطق بخجل : خلاص
ضحك واخذ يدها يقبّلها : سموّي
همهمت له وشافت العامله اللي طلعت من المطبخ تنطق : مدام العشاء جاهز
هزت راسها ونطقت : حضروه
لفت عليه تنطق بخجل : مُلهم تحكم بنظراتك!
عض شفايفه ونطق : تجين حلوه على قلبي وتبيني اتحكم بنفسي
تأففت بخجل يطغي عليها وسحبها لحضنه
يحمد ربه انها حملت بالوقت الصحيح
قبل سنتين من الان هم كانوا على وشك الطلاق بسبب ان علاقتهم ما كانت ناجحة
كان يغمرها البرود من كلا الطرفين والتوتر
لكن هو فعلياً عرف قيمتها بالوقت الصح
ابعدته عنها بالقوه تضحك : العشاء جاهز يلا
وقف معها يفكّ اللابكوت ومشى يجلس يتعشون
انتهوا ودخلوا غرفتهم ونزّلت ملاذ على سريرها بحذر لجل ما تقوم
طلعت من غرفة الملابس تربط حزام روبها الساتان وشافته متمدد على السرير
تمددت جنبه ومد ذراعه لها ودخلت بحضنه
سموّ : شفتها من بعد وفاة عمي؟
هز راسه بالنفي : اختفت بعد وفاته حتى زوجها ما كان يدري هي بأي ارض ، روح عانت كثير يا سموّ
اخاف عليها حتى من نفسي
ناظرته ومسحت على خده : بس انت ما تأذيها حبيبي
غمض عيونه ينطق : الحسنه الوحيده بحياتها انها تزوجت من كاسر ، صح انه كبير عليها بالحيل لكنه عوّضها
شدت على كفوفه ونطقت : طيب اخوك؟
مُلهم : مَهاب؟ انحكم عليه بسبع سنين
هزت راسها ومسحت على ثغره : ما ابيك ضايق وانت معي ، اذا كنت بحضنك فكر فيني انا بس
ابتسم يناظرها وقبّل جبينها : عيوني لك
دفنت راسها بعنقه تمسح على خده ونزلت يدها تشابك اصابعها باصابعه يستسلمون للنوم
<< بيت بهاج >>
ناظرته نايم وزفرت بطفش تقرّب منه تضرب كتفه : بهاج قوم مايكفي نوم
تأفف ونطق بحده : رينا اقسم بالله ان قمت ما يحصل لك طيب
زفرت بدموع ورمت عليه المخده : انقلع اصلاً انا الغلطانه يوم تزوجتك
فتح عينه ونطق بحده : قلتي شي
هزت راسها تنطق بدموع : ايه قلت ليتني ما تزوجتك لانك حيوان
غمض عيونه بقلة صبر ورفع البطانيه يكمل نومه وضربت الارض وفتحت دولابها تطلع شنطتها : انا اوريك والله تصحى وما تلقاني
رفع راسه يشوفها ترتب ملابسها بالشنطه يسمعه تتحلطم بهمس واضح له
رفع نفسه يجلس وناظرته بحده ترمي تيشيرتها عليه تنطق بقهر : ارجع نام ما احتاجك
ضحك بذهول ونثر شعره : جهزي شنطتي عشان نطلع
رينا بحنق : ربي خلق يدين عشان تخلص شغلك
ابتسم يوقف وهز راسه : ما حنا رايحين اجل
لفت عنه تجلس وفتحت جوالها: تمام اجل شوف مين يطبخ لك ويقعد معك ليل ونهار
نطق بمقصد انه يستفزها : فيه غيرك كثير
رفعت راسها بصدمه تناظره وابتسم يدخل للحمام
طلع بعد مده وهو ينشف شعره وناظرها وهي ترتب كل ملابسها وعقد حواجبه : هوب هوب ترا كلها اسبوع
رفعت شعرها تنطق ببكي : مالي قعده معك روح شوف غيري زي ماقلت
عض شفايفه وقرّب منها : رنو والله امزح قلتها عشان استفزك
دفته وقفلت الشنطة تسحبها ومسكها : وين رايحه
بكت وابعدت عنه : لا تلمسني ، على الاقل كان فكرت بولدك اللي شايلته ببطني
مسح على شعره ونطق : احد قال اني اخونك الحين؟
هزت راسها ومسحت دموعها : انت قلت
ضحك ومد لها جواله : شوفي وتأكدي
هزت راسها بالنفي ونطقت : مايهمني
رفع حاجبه ومسك فكها : عيني بعينك
ناظرته بدموع وقبّل ثغرها وابتسم : عساني ما اشوف التوفيق ان كان فيه بحياتي غيرك
غمضت عيونها ببكي وحضنها : اسف
ضربته على كتفه ودفته : لا تلمسني
تنهد واخذ مفاتيحه وجوالاته : انتظرك بالسياره
اخذ شناطهم ونزل يركبها بالسيياره وركب جهته
ركبت وراه وشغل سيارته وتوجه للقصر
نزلت رينا تدخل ركض وصرخت : انا جيت
ضحك ضاحي ونطق : يا مرحبا يا عيالي
عبست بملامحها تنطق : ليه ما تستقبلوني كويس
ناظرها كاسر يتنحنح وناظرت روح وصرخت : يمه!
ضحكت روح من صدمة رينا وركضت تضم روح تبكي تنطق : وينك كنت احسبك خلاص رحتي
ابتسمت روح تبعدها ونطقت : كنت مع خالو
ناظرت غِنى ونطقت بابتسامة خبث : زوج غنو المستقبلي
وسعت غِنى عيونها بخجل : روح انكتمي
ضحكت روح تناظر آيلا : بنات خلونا نروح للمجلس
خلوا للمجلس الارضي ونزّلت العامله القهوة السعوديه والتمر
ابتسمت رينا بحماس تنطق : ايه كيف كان اللقاء الاول؟
ابتسمت روح تأشر على نفسها : انا؟
رينا : لا انا ، اكيد انتي
ضحكت روح بخجل تنطق : عيب ما اقدر
ابتسمت غِنى بخبث وقربت تبعد شعر روح من رقبتها وضحكت بقوه : اووف شكل ليلكم كان طويل
غطت على وجهها بخجل وضربتها : غبيه
ابتسمت آيلا تتربع ونطقت روح : آيلا وحشتيني والله
ابتسمت آيلا تقرب منها ونطقت غِنى : ها اجتمعوا الحوامل
ابتسمت غِنى تجلس جنبهم : ضميني معهم
وسعوا عيونهم كلهم يطالعونها وصرخت آيلا : بذمتك
ضحكت رينا وهزت راسها : لي شهر
عدلت روح جلستها : وصصخخه ما قلتي ليي؟
ابتسمت رينا : كنتي مسافره
عبست روح تعتدل بجلستها : بس كان قلتي لي
قربت منها تقرص خدها : اسفين يا نونو خلاص
ضحكت روح ونطقت غِنى : خلونا نطلع للصالون
روح وآيلا بنفس الوقت : حنا حوامل
ناظروا بعض يضحكون ونطقت رينا وهي تصب القهوه وتمدها لهم : خلاص بكلمهم يجون هنا
|| اليوم الثاني ||
وقفت روح تلبس عبايتها وناظرها كاسر : جاهزه حبي؟
هزت راسها بالايجاب ونزل وهي وراه ونطق ضاحي : على وين يا عيالي
كاسر : عندنا شغله بنخلصها ماراح نطوّل
هز راسه ونطقت جمانة : روح امي افطرتي؟
ابتسمت بهدوء : ايه عمه
فتح لها باب السياره وركبت وراح جهته
ناظرته وهي تعدل خاتمها : وين رايحين؟
كاسر : عند مُلهم
عقدت حواجبها بخوف : فيه شي؟
هز راسه بالنفي ومد يده : يدك وين مكانها
ابتسمت تشابك اصابعهم ونطقت : بكرا العيد؟
هز راسه : باذن الله
ميّلت راسها على كتفه ونطق : صايمه صح؟
هزت راسها بالايجاب : الحمدلله
قبّل راسها وبعد مده وصل امام بيت مُلهم ونطق : انتظرك
هزت راسها باستغراب : مابتنزل؟
هز راسه بالنفي : بنتظرك يلا
فتحت الباب تنزل تدخل البيت وشافت مُلهم ينتظرها وابتسم يفتح ذراعينه لها : هلا ابوي هلا
ابتسمت وقرّبت تحضنه بقوه وقبّل راسها : كيفك
هزت راسها تعرف مقصده بأنه كيفها بعد وفاة ابوها ونطقت : نحاول نتقبل ، انت شعندك جايبني هنا
حاوط ظهرها ومشى معها داخل البيت وابتسمت سموّ تنطق بنعومه : تفضلي حياك
ابتسم مُلهم ينطق : زوجتي ، سموّ
ناظرته بصدمه وضحك يحك طرف حاجبه وقرّبت تسلم على سموّ
جلسوا بالصاله ووسعت عيونها تشوف الطفلة اللي تحبي بالارض وحبت بأتجاه مُلهم تنطق بطفوله : بابا
ناظرته وهي مو قادره تستوعب وابتسمت سموّ : اسمعي منه
هزت راسها ونطقت : من متى؟
مُلهم : اربع سنين
ضحكت بصدمه ومد لها ملاذ : شوفيها يا عمتها
اخذتها وسرعان ما بكت ملاذ تبعد من يدها تتجه لحضن ابوها
ضحك مُلهم يضمها لصدره وناظرت سموّ تنطق بطقطقه : مالقيتي الا ابو راس مربع؟
ضحكت سموّ تناظر مُلهم تنطق : القلّب اذا حب ما يناظر بالشكل ولا ياروح؟
نطق مُلهم بسخريه : على اساس كاسر طالع منها!
شهقت روح تنطق : بسم الله على زوجي والله
ضحك مُلهم ينطق : تحبينه؟
تورّدت ملامحها بخجل : تحب سموّ
هز راسه يناظرها : ايه والله احبها واغليها
ناظرت سموّ بطنها تنطق : حامل ياروح؟
هزت راسها بخجل : ايه بالشهر ثاني خلاص داخله الثالث
وقفت تنطق : زوجي برا ، ناظرت سموّ تكمل : تشرفت بمعرفتك وشوفتك ويا بخت مُلهم فيك
ابتسمت سموّ توقف تضمها : ويا بخت مُلهم وهو عنده اخت مثلك ، الله يحفظك
هزت راسها بابتسامه ووقف مُلهم يرفع ملاذ يمشي معها للخارج وفتحت الباب تطلع من بيته وهو وراها وابتسم كاسر ينزل من سيارته يشوف ملاذ وضحك
سلم على مُلهم وناظر ملاذ بصدمه : بسم الله ما شاء الله ، الله يخليها لك
تمتم بـ آمين ومد يده ياخذ ملاذ منه وابتسمت روح تتأمله من السياره
قبّل خدها وضحك بصدمه من نطقت بطفولة : بابا
مدّها لمُلهم ينطق : الله ينبتها نباتا حسنا يا مُلهم ويرزقكم برّها
ابتسم مُلهم وركب كاسر سيارته ونطقت روح : سبع شهور وتشيلها بين يدينك
ناظرها ومد يده يمسح على بطنها : الله يجيبه على خير
دخل لأسوار القصر ونزل ونزلت وراه
دخلوا يشوفونهم يجهزون للفطور وكلهم جالسين حول الطاوله ما ينسمع الا صوت الهمس بالدعاء
جلسوا معهم وارتفع صوت الاذان بالحيّ وسمّوا بالله يبدأون يفطرون
انتهوا من فطورهم وكلٍ طلع لغرفته
دخل غرفته وهي وراه وتمدد على السرير ونطقت بعبوس : زيااد مايكفي نوم
ضحك واشر لها بيده وتكتفت تجلس على الكنبه : ما راح اجي قوم بسوي قهوه
رفع حاجبه وكمّلت : وبجيب قطوتي هنا
هز راسه وابتسم : حياها الله
طلعت تاخذ قطوتها ومشت لغرفته
دخلت وتربع على السرير ونزلتها بالارض : روحي خمّشيه
ضحك زياد ووقف يطلّع ادوات قهوته : تعالي
رفعت ذراعه توقف قدامه بالضبط ونطقت : بتشرب كثير
هز راسه : حطي ٤٥
نزل يده على خصرها ونطقت بتوتر : ابعد
ابتسم ياخذ منها الطاحونة : بطيئه حيل
طيرت عيونها وجت بتبعد لكنه مسكها : خليك
ناظرته بخجل ومسكت الفلتر ترطبه وتجهز الثلج
اخذت من البُن تحطه بالقمع ومسكت الابريق تبدأ تصب الماء على البُن
شد على خصرها وانتهت منها تحرك السيرفر بشكل دائري ثم صبتها بالاكواب
مدتها له ونطق : احلف لك انها اطلق قهوه بذوقها بحياتي
ضحكت بخجل تجلس بحضنه ونطقت : مافيه شوكلت؟
هز راسه وفتح درج الكومدينا يطلّع الميني شوكلت واخذتها تفتحها ونطقت : تطلعني؟
هز راسه بمعنى وين وكمّلت : ابي اروح اشوفه
ابتسم من فهم انها تقصد البيبي واشر على عيونه : من عيوني ، عمي كلمني
ناظرته ونطق : قال لي حاول تتكلم معها تلين علينا شوي
صدت عنه ونطقت : خلهم يعرفون كبر غلطتهم
مسك فكها يناظر عيونها : امك وابوك يا آيلا فاهمه؟ مايسوون شي الا وهم عارفين انه لمصلحتك
هزت راسها تنطق بغصه : بس هم ضربوني
زياد : ردة فعل وما ينلامون عليها
رفعت حاجبها تنطق : انا ما سويت شي غلط
زياد : انتي عارفه انه من عاداتنا وتقاليدنا انه مصيبه البنت تحمل قبل الزواج
ضحكت بصدمه : بس انت اللي اجبرتني ذيك الليله ولا؟
هز راسه : غلطت صح ، لاني ما تحملت اشوفك مقبلة علي وانتي بهالشكل وحلالي ، لكن تركتك؟ وقفت معك بكل ثانيه وتحملت نفسيتك ووحامك صح ولا لا؟ وقّفت بوجيههم كلهم عشان محد يتعرض لك لكن امك وابوك جوك وكت ما كنت فيه لكن والله لو كنت موجود ذيك الليله اني انسى انه عمي واكسر يده اللي انمدت عليك
قوسّت شفايفها بدموع وحضنته تنطق : اسفه طيب
ابتسم ومسح على شعرها يقبّل عنقها
ابتعدت عنه ومسح دموعها بإبهامه وقبّلت خده : بروح انام
هز راسه وتمدد يضمها لصدره ورفع البطانيه : ما تنامين بمكان غير حضني
ابتسمت بخجل ترفع راسها ونطقت : زياد تحبني؟
رفع حاجبه وابتسم : وش ودك انتي
هزت اكتافها تنطق : ابيك تغرق بحبي
ضحك وقبّل راسها : أحبك
غمضت عيونها بخجل وضحكت تضمه : وأنا احُبك
عض شفايفه ومسح على شعرها : نامي قبل ما اسوي شي ما يعجبك
هزت راسها وغمضت عيونها تستسلم للنوم بوسط أحضانه
بغرفة بهاج
دخلت تشوفه طالع من الحمام ومنشفته على خصره
لفت عنه وفتحت شنطتها تاخذ بجامتها ونطقت : نام حبيبي وراك ذبيحه وتقطيع الصبح
ناظرها ونطق : وانتي معي
ضحكت ونطقت بدون شعور : تخسي
رفع حاجبه ولف عليها يسحبها من يدها : مين اللي يخسي؟
رينا بعبط : انت ماراح اقطع
ضحك ورجّع شعرها ورا اذنها : هذا زمان يا بابا زمان
تأففت وابعدته : يصير خير
غرفة كاسر وروحه
طلّ عليها من باب الحمام : روحي تعالي
اعتدلت بوقفتها تمشي عنده وتورّدت ملامحها بخجل تشوفه بدون تيشيرته وجلس قدام المرايا : تعالي احلقي لي
زمّت شفايفها تنطق بنعومة : ما اعرف
مسك يدها يقبّلها : تعالي
جلست على فخذه تمسك الفرشه تغرقها بالمويا وتمسحه على الصابونه بشكل دائري
وزعت الرغوه على وجهه ثم شهقت : كاسر نسيت ما يصلح تحلق!
غمض عيونه وضحك : راح عن بالي
مسحت الرغوه بالمنشفه وقبّلت ثغره : لا تشيلها اصلا شكلك حلو فيها
اشر على خشمه وابتسم : على خشمي
ابتعدت عنه تطلع خارج الحمام وجلست على الكنبه وطلع وراها يفك منشفته ولبس ثوبه وجلس جنبها : خاطرك بشي للعيد؟
ابتسمت بعبط تنطق : خاطري بك
رفع حاجبه وقرّب منها : ما اردّك
ضحكت بخجل وانحنى يتمدد وراسه على فخذها
ريّحت راسها على الكنبه تغمض عيونها تحس فيه يدخل بنومه العميق بسبب تعبه
فتحت عيونها تمسح على شعره وخده تهمس : انت احنّ ما املك بهالدنيا
ناظرت يده ورفعتها تقبّل اصابعه واحد واحد
ناظرته تفكر لو مو بهذاك الوقت وافقت وش ممكن بيكون مصيرها بهالدنيا القاسيه
ماعمره كان لها الزوج فقط ، هو صار لها كل شي تشوفه حلو بدنيتها
كان لها الاخ والاب والصديق والزوج
عوّضها عن كل مرّ عاشته بعد وفاة امها
جا مثل البلسم على روحها ينوّر دنيتها
والافضل من هذا كله ، انه اب لاطفالها
.
.
.
انتهى🤎
علموني ودكم نعيش فترة حمل روح وولادتها او نسوي مرور زمني لكل الابطال؟